ਤਾਪਸੀ ਪੰਨੂ ਦਰਸ਼ਕਾਂ ਦਾ ਧੰਨਵਾਦ ਕਰਦੀ ਹੈ ਕਿ ਉਹ ਉਸ ਵੱਲੋਂ ਚੁਣੀਆਂ ਫਿਲਮਾਂ ਨੂੰ ਪਸੰਦ ਕਰਦੇ ਹਨ ਅਤੇ ਉਸ ਦੇ ਕੰਮ ਦੀ ਪ੍ਰਸ਼ੰਸਾ ਕੀਤੀ ਜਾ ਰਹੀ ਹੈ। ਤਾਪਸੀ ਕਹਿੰਦੀ ਹੈ, ‘‘ਮੈਂ ਵੱਖ-ਵੱਖ ਕਿਰਦਾਰ ਕਰਨ ਦੀ ਕੋਸ਼ਿਸ਼ ਕਰਦੀ ਹਾਂ, ਤਾਂ ਕਿ ਮੇਰਾ ਕਿਰਦਾਰ ਹਮੇਸ਼ਾ ਫ੍ਰੈਸ਼ ਰਹੇ। ਦਰਸ਼ਕ ਹਮੇਸ਼ਾ ਨਵੀਆਂ ਚੀਜ਼ਾਂ ਨੂੰ ਪਸੰਦ ਕਰਦੇ ਹਨ। ਇੱਕ ਅਭਿਨੇਤਰੀ ਦੇ ਤੌਰ ਉਤੇ ਮੈਂ ਇਹ ਜਾਨਣ ਦੀ ਕੋਸ਼ਿਸ਼ ਕਰਦੀ ਹਾਂ ਕਿ ਮੈਨੂੰ ਕਿਹੋ ਜਿਹੀਆਂ ਭੂਮਿਕਾਵਾਂ ਕਰਨੀਆਂ ਹਨ, ਜੋ ਦਰਸ਼ਕਾਂ ਨੂੰ ਥੀਏਟਰ ਤੱਕ ਖਿੱਚਣਗੀਆਂ। ਮੈਂ ਵੀ ਵਾਰ-ਵਾਰ ਇੱਕੋ ਕੰਮ ਕਰਦੇ ਹੋਏ ਬੋਰ ਹੋ ਜਾਂਦੀ ਹਾਂ ਇਸ ਲਈ ਅਜਿਹੀ ਸਟੋਰੀ ਲਾਈਨ ਚੁਣਦੀ ਹਾਂ, ਜੋ ਮੈਨੂੰ ਬਤੌਰ ਦਰਸ਼ਕ ਪੈਸੇ ਖ੍ਰਚ ਕਰਨ ਦੇ ਲਈ ਐਕਸਾਈਟ ਕਰੇ।”