ਬਰੈਂਪਟਨ, 8 ਅਪਰੈਲ (ਪੋਸਟ ਬਿਊਰੋ) : ਬਰੈਂਪਟਨ ਵਿੱਚ ਪੀਅਰਸਨ ਕਨਵੈਨਸ਼ਨ ਸੈਂਟਰ ਵਿਖੇ ਛੇਵਾਂ ਸਾਲਾਨਾ ਹੋਲੀ ਗਾਲਾ ਬੜੀ ਧੂੰਮਧਾਮ ਨਾਲ ਮਨਾਇਆ ਗਿਆ। ਇਸ ਦੌਰਾਨ ਵਿਲੀਅਮ ਓਸਲਰ ਹੈਲਥ ਸਿਸਟਮ ਫਾਊਂਡੇਸ਼ਨ (ਓਸਲਰ ਫਾਊਂਡੇਸ਼ਨ) ਵੱਲੋਂ ਆਯੋਜਿਤ ਇਸ ਗਾਲਾ ਵਿੱਚ ਰੰਗਾਰਮ ਪ੍ਰੋਗਰਾਮ ਪੇਸ਼ ਕੀਤਾ ਗਿਆ ਤੇ ਸਥਾਨਕ ਹਸਪਤਾਲਾਂ ਲਈ ਫੰਡ ਵੀ ਇੱਕਠਾ ਕੀਤਾ ਗਿਆ।

ਇਸ ਦੌਰਾਨ ਵਿਲੀਅਮ ਓਸਲਰ ਹੈਲਥ ਸਿਸਟਮ (ਓਸਲਰ), ਬਰੈਂਪਟਨ ਦੇ ਸਿਵਿਕ ਹਸਪਤਾਲ, ਇਟੋਬੀਕੋ ਜਨਰਲ ਹਸਪਤਾਲ, ਪੀਲ ਮੈਮੋਰੀਅਲ ਸੈਂਟਰ ਫੌਰ ਇੰਟੇਗ੍ਰੇਟਿਡ ਹੈਲਥ ਐਂਡ ਵੈੱਲਨੈੱਸ ਲਈ ਲੋੜੀਂਦੇ ਸਾਜੋ਼ ਸਮਾਨ ਤੇ ਇਨ੍ਹਾਂ ਦੇ ਮੁੜਵਿਕਾਸ ਲਈ 600,000 ਡਾਲਰ ਤੋਂ ਵੀ ਵੱਧ ਦੀ ਰਕਮ ਇੱਕਠੀ ਹੋਈ। ਓਸਲਰ ਫਾਊਂਡੇਸ਼ਨ ਦੇ ਪ੍ਰੈਜ਼ੀਡੈਂਟ ਤੇ ਸੀਈਓ ਕੈਨ ਮੇਅਹਿਊ ਨੇ ਦੱਸਿਆ ਕਿ ਇਸ ਸਾਲ ਇੱਕ ਵਾਰੀ ਫਿਰ ਉਹ ਹੋਲੀ ਗਾਲਾ ਦੇ ਮਹਿਮਾਨਾਂ, ਕਮੇਟੀ ਮੈਂਬਰਾਂ ਕਾਰਪੋਰੇਟ ਸਪਾਂਸਰਜ਼ ਤੇ ਕਮਿਊਨਿਟੀ ਆਗੂਆਂ ਦੇ ਸਮਰਥਨ ਤੋਂ ਧੰਨ ਧੰਨ ਹੋ ਗਏ।
ਉਨ੍ਹਾਂ ਆਖਿਆ ਕਿ ਈਵੈਂਟ ਦਾ ਰੰਗ ਤੇ ਜਾਦੂ ਐਨਾ ਕਮਾਲ ਦਾ ਹੈ ਕਿ ਇਸ ਦਾ ਅਸਰ ਸਾਰਾ ਸਾਲ ਰਹਿੰਦਾ ਹੈ ਤੇ ਇਸ ਦੌਰਾਨ ਇੱਕਠੇ ਹੋਏ ਫੰਡ ਸਾਡੀ ਕਮਿਊਨਿਟੀ ਦੀ ਹੈਲਥ ਕੇਅਰ ਲਈ ਕਾਫੀ ਅਰਥਭਰਪੂਰ ਹਨ। ਇਸ ਮੌਕੇ ਪੰਜਾਬੀ ਗਾਇਕ ਲਖਵਿੰਦਰ ਵਡਾਲੀ ਨੇ ਵੀ ਖੂਭ ਸਮਾਂ ਬੰਨ੍ਹਿਆ ਤੇ ਆਏ ਹੋਏ 900 ਦੇ ਕਰੀਬ ਮਹਿਮਾਨਾਂ ਦਾ ਮਨੋਰੰਜਨ ਕੀਤਾ। ਇਸ ਮੌਕੇ ਸਿ਼ਆਮਕ ਡਾਵਰ ਦੇ ਡਾਂਸ ਟਰੂਪ ਵੱਲੋਂ ਵੀ ਕਮਾਲ ਦੀ ਪੇਸ਼ਕਾਰੀ ਦਿੱਤੀ ਗਈ ਤੇ ਮਹਿਮਾਨਾਂ ਨੂੰ ਖਾਨਾ ਵੀ ਬਹੁਤ ਵਧੀਆ ਲੱਗਿਆ।
ਇਸ ਸਾਲ ਇੱਕਠੇ ਕੀਤੇ ਗਏ ਫੰਡਾਂ ਦਾ ਕੁੱਝ ਹਿੱਸਾ ਓਸਲਰ ਹਸਪਤਾਲ ਵਿੱਧ ਕਿਡਨੀ ਕੇਅਰ ਲਈ ਵਰਤਿਆ ਜਾਵੇਗਾ। ਇਸ ਨਾਲ ਓਸਲਰ ਦੀਆਂ ਤਿੰਨ ਥਾਵਾਂ ਉੱਤੇ ਡਾਇਲੇਸਿਸ ਕਰਵਾ ਰਹੇ 650 ਮਰੀਜ਼ਾਂ ਨੂੰ ਵੀ ਰਾਹਤ ਮਿਲੇਗੀ। ਇਸ ਮੌਕੇ ਓਸਲਰ ਦੇ ਕਿਡਨੀ ਮਾਹਿਰ ਤੇ ਹੋਲੀ ਗਾਲਾ ਦੇ ਮਿਸ਼ਨ ਚੇਅਰ ਡਾ. ਬਜਿੰਦਰ ਰੀਨ ਨੇ ਸਾਰੇ ਸਪਾਂਸਰਜ਼ ਜਿਵੇਂ ਕਿ ਰੇਅਮੰਡ ਜੇਮਜ਼ ਲਿਮਟਿਡ ਦੇ ਰਾਕੇਸ਼ ਵਿਜੇ, ਟੀਡੀ ਬੈਂਕ ਗਰੁੱਪ, ਇਨ ਐਨ ਆਊਟ ਕਾਰ ਵਾਸ਼, ਅੱਵਲ ਟੈਕਨਾਲੋਜੀ, ਐਗਜ਼ੀਅਮ ਪਲਾਸਟਿਕਸ, ਸੀਆਈਬੀਸੀ, ਈਗਲ ਫਲੀਟ ਸਰਵਿਸਿਜ਼, ਫਰੀਸੇ਼ਨੀਅਸ ਮੈਡੀਕਲ ਕੇਅਰ ਕੈਨੇਡਾ, ਜੈਨਸਨ ਕੈਨੇਡਾ, ਲਜ਼ੀਜ਼ ਸ਼ਾਵਾਰਮਾ, ਲਾਈਵਕੇਅਰ ਹੈਲਥ ਕੈਨੇਡਾ ਇਨਕਾਰਪੋਰੇਸ਼ਨ, ਮੈਨੂਲਾਈਫ ਬੈਂਕ, ਮੈਕਸ ਪ੍ਰੋ ਮੈਨੇਜਮੈਂਟ, ਮੈਂਟਰ ਕਾਲਜ, ਫਾਈਜ਼ਰ, ਸਕੋਸ਼ੀਆਬੈਂਕ, ਸਪੈਸਿ਼ਐਲਿਟੀ ਆਰਐਕਸ ਸੌਲਿਊਸ਼ਨਜ਼, ਟੇਬਲ ਸਪਾਂਸਰਜ਼, ਟਿਕਟ ਪਰਚੇਜ਼ਰਜ਼, ਕੈਸ਼ ਡੋਨਰਜ਼, ਗਿਫਟ-ਇਨ-ਕਾਈਂਡ ਡੋਨਰਜ਼ ਦਾ ਧੰਨਵਾਦ ਕੀਤਾ।