ਇਨ੍ਹੀਂ ਦਿਨੀਂ ਫਿਲਮਾਂ ਦੇ ਪ੍ਰਮੋਸ਼ਨ ਦੇ ਨਵੇਂ ਆਈਡਿਆ ਲੱਭੇ ਜਾਂਦੇ ਹਨ, ਤਾਂ ਕਿ ਦਰਸ਼ਕਾਂ ਦਾ ਧਿਆਨ ਖਿੱਚਿਆ ਜਾ ਸਕੇ। ਫਿਲਮ ‘ਜ਼ੀਰੋ’ ਦੇ ਟੀਜ਼ਰ ਵਿੱਚ ਟਾਈਟਲ ਨੂੰ ਹਿੰਦੀ ਵਿੱਚ ਲਿਖ ਕੇ ਸ਼ਾਹਰੁਖ ਖਾਨ ਨੇ ਸਭ ਨੂੰ ਹੈਰਾਨ ਕਰ ਦਿੱਤਾ ਸੀ। ਫਿਰ ‘ਜਬ ਵੀ ਮੈੱਟ ਸੇਜਲ’ ਦੇ ਲਈ ਸ਼ਾਹਰੁਖ ਖਾਨ ਨੇ ਸੇਜਲ ਨਾਂਅ ਦੀਆਂ ਲੜਕੀਆਂ ਨੂੰ ਮਿਲਣ ਦੀ ਇੱਛਾ ਜ਼ਾਹਰ ਕੀਤੀ। ਇਸ ਦੇ ਬਾਅਦ ਉਨ੍ਹਾਂ ਕੋਲ ਕਈ ਲੜਕੀਆਂ ਦੀ ਰਿਕਵੈਸਟ ਆਈ ਸੀ। ਅੱਗੋਂ ਵਾਰੀ ਹੈ ਟਵਿੰਕਲ ਖੰਨਾ ਦੀ ਮਾਸੀ ਦੇ ਲੜਕੇ ਕਰਣ ਕਪਾੜੀਆ ਦੀ। ਉਹ ਫਿਲਮ ‘ਬਲੈਂਕ’ ਨਾਲ ਬਾਲੀਵੁੱਡ ਵਿੱਚ ਡੈਬਿਊ ਕਰਨ ਵਾਲੇ ਹਨ।
ਖਬਰਾਂ ਹਨ ਕਿ ਇਸ ਫਿਲਮ ਵਿੱਚ ਦਰਸ਼ਕਾਂ ਦੀ ਦਿਲਚਸਪੀ ਨੂੰ ਵਧਾਉਣ ਲਈ ਫਿਲਮੇਕਰਸ ਨੇ ਇਸ ਫਿਲਮ ਦੇ ਪੋਸਟਰ ਨੂੰ ਬਲੈਂਕ ਯਾਨੀ ਖਾਲੀ ਰੱਖਣ ਦਾ ਫੈਸਲਾ ਲਿਆ ਹੈ। ਬਾਲੀਵੁੱਡ ਦੇ ਇਤਿਹਾਸ ਵਿੱਚ ਇਹ ਪਹਿਲਾ ਫਿਲਮ ਪੋਸਟਰ ਹੋਵੇਗਾ, ਜੋ ਖਾਲੀ ਹੋਵੇਗਾ। ਕਰਣ ਕਪਾੜੀਆ ਦਾ ਚਿਹਰਾ ਵੀ ਪੋਸਟਰ 'ਤੇ ਨਹੀਂ ਦਿਖਾਇਆ ਜਾਏਗਾ। ਫਿਲਮ ਵਿੱਚ ਸਨੀ ਦਿਓਲ ਵੀ ਹਨ। ‘ਬਲੈਂਕ' ਦਾ ਨਿਰਦੇਸ਼ਨ ਬਿਹਜਦ ਖੰਬਾਟਾ ਨੇ ਕੀਤਾ ਹੈ।