ਆਦਿੱਤਯ ਰਾਏ ਕਪੂਰ ਦੋ ਸਾਲ ਬਾਅਦ ਪਰਦੇ ਉਤੇ ਕਮਬੈਕ ਕਰ ਰਹੇ ਹਨ। ਉਹ ਜਲਦ ਹੀ ਰਿਲੀਜ਼ ਹੋਣ ਵਾਲੀ ਮਲਟੀ ਸਟਾਰਰ ਫਿਲਮ ‘ਕਲੰਕ’ ਵਿੱਚ ਨਜ਼ਰ ਆਉਣਗੇ। ਇਸ ਵਿੱਚ ਉਹ ਸੰਜੇ ਦੱਤ ਦੇ ਬੇਟੇ ਅਤੇ ਸੋਨਾਕਸ਼ੀ ਸਿਨਹਾ ਦੇ ਪਤੀ ਦੇ ਕਿਰਦਾਰ ਵਿੱਚ ਹੋਣਗੇ। ਖਾਸ ਗੱਲ ਇਹ ਕਿ ਉਹ ਇਸ ਫਿਲਮ ਦੇ ਟ੍ਰੇਲਰ ਲਾਂਚ 'ਤੇ ਮੌਜੂਦ ਸਨ, ਪਰ ਇਸ ਦੀ ਪ੍ਰਮੋਸ਼ਨ ਐਕਟੀਵਿਟੀ ਵਿੱਚ ਕਿਤੇ ਨਜ਼ਰ ਨਹੀਂ ਆਏ। ਸੂਤਰਾਂ ਮੁਤਾਬਕ ਆਦਿੱਤਯ ਨੇ ਫਿਲਮ ਦੇ ਪ੍ਰਮੋਸ਼ਨ ਨੂੰ ਡੇਟਸ ਦੇ ਦਿੱਤੀ ਸੀ, ਪਰ ਬਾਅਦ ਵਿੱਚ ਉਨ੍ਹਾਂ ਨੇ ਮੋਹਿਤ ਸੂਰੀ ਦੀ ‘ਮਲੰਗ’ ਸਾਈਨ ਕਰ ਲਈ। ਮੋਹਿਤ ਇਸ ਫਿਲਮ ਦੀ ਸ਼ੂਟਿੰਗ ਤੁਰੰਤ ਸ਼ੁਰੂ ਕਰਨਾ ਚਾਹੁੰਦੇ ਸਨ ਅਤੇ ਅਜਿਹੇ ਵਿੱਚ ਆਦਿੱਤਯ ਨੇ ਪ੍ਰਮੋਸ਼ਨ ਵਾਲੀ ਡੇਟਸ ਉਨ੍ਹਾਂ ਨੂੰ ਦੇ ਦਿੱਤੀ।
ਇਹੀ ਕਾਰਨ ਹੈ ਕਿ ਉਹ ਕੁਝ ਹੀ ਪਰਮੋਸ਼ਨਲ ਇਵੈਂਟਸ ਵਿੱਚ ਨਜ਼ਰ ਆ ਰਹੇ ਹਨ ਅਤੇ ਬਾਕੀ ਸਮੇਂ ਵਿੱਚ ਗੋਆ ਵਿੱਚ ‘ਮਲੰਗ' ਦੀ ਸ਼ੂਟਿੰਗ ਕਰ ਰਹੇ ਹਨ। ਇਸ ਫਿਲਮ ਵਿੱਚ ਆਦਿੱਤਯ ਦੇ ਇਲਾਵਾ ਦਿਸ਼ਾ ਪਟਾਨੀ, ਅਨਿਲ ਕਪੂਰ ਅਤੇ ਕੁਣਾਲ ਖੇਮੂ ਹੋਣਗੇ। ਇਹ ਫਿਲਮ ਅਗਲੇ ਸਾਲ 14 ਫਰਵਰੀ ਨੂੰ ਰਿਲੀਜ਼ ਹੋਵੇਗੀ।