ਕੁਈਨਜ਼ ਪਾਰਕ, 3 ਅਪਰੈਲ (ਪੋਸਟ ਬਿਊਰੋ) : ਬਲੈਕ ਰਿਵਰ-ਹੰਬਰ ਕ੍ਰੀਕ ਤੋਂ ਐਨਡੀਪੀ ਐਮਪੀਪੀ ਤੇ ਮੁੱਖ ਵਿਰੋਧੀ ਧਿਰ ਦੇ ਗਵਰਮੈਂਟ ਐਂਡ ਕੰਜਿ਼ਊਮਰ ਸਰਵਿਸਿਜ਼ ਕ੍ਰਿਟਿਕ ਟੌਮ ਰੈਕੋਸੈਵਿਕ ਵੱਲੋਂ ਓਨਟਾਰੀਓ ਦੇ ਡਰਾਈਵਰਾਂ ਦੀ ਆਟੋ ਇੰਸ਼ੋਰੈਂਸ ਕੰਪਨੀਆਂ ਵੱਲੋਂ ਹੋ ਰਹੀ ਲੁੱਟ ਨੂੰ ਰੋਕਣ ਲਈ ਇਨ੍ਹਾਂ ਕੰਪਨੀਆਂ ਦੇ ਪ੍ਰੌਫਿਟ ਮਾਰਜਿਨਜ਼ ਉੱਤੇ ਨਕੇਲ ਕੱਸਣ ਵਾਸਤੇ ਪ੍ਰਾਈਵੇਟ ਮੈਂਬਰ ਬਿੱਲ ਪੇਸ਼ ਕੀਤਾ ਗਿਆ ਹੈ। 

2018 ਵਿੱਚ ਇੱਕ ਅਧਿਐਨ ਤੋਂ ਸਾਹਮਣੇ ਆਇਆ ਸੀ ਕਿ ਓਨਟਾਰੀਓ ਵਾਸੀ ਪੰਜ ਸਾਲਾਂ ਦੇ ਅਰਸੇ ਵਿੱਚ ਆਟੋ ਇੰਸ਼ੋਰੈਂਸ ਕੰਪਨੀਆਂ ਨੂੰ ਉਸ ਨਾਲੋਂ 5 ਬਿਲੀਅਨ ਡਾਲਰ ਵਧੇਰੇ ਅਦਾ ਕਰ ਚੁੱਕੇ ਹਨ ਜਿੰਨੇ ਉਨ੍ਹਾਂ ਨੂੰ ਅਸਲ ਵਿੱਚ ਕਰਨੇ ਚਾਹੀਦੇ ਸਨ। ਜੇ ਇਹ ਲੋਅਰ ਆਟੋਮੋਬਾਈਲ ਇੰਸ਼ੋਰੈਂਸ ਰੇਟਜ਼ ਐਕਟ ਬਿੱਲ ਪਾਸ ਹੋ ਜਾਂਦਾ ਹੈ ਤਾਂ ਇਸ ਨਾਲ ਪ੍ਰੀਮੀਅਮਜ਼ ਘਟਾਉਣ ਵਿੱਚ ਮਦਦ ਮਿਲੇਗੀ। ਰੈਕੋਸੈਵਿਕ ਨੇ ਆਖਿਆ ਕਿ ਐਨੀਆਂ ਉੱਚੀਆਂ ਆਟੋ ਇੰਸ਼ੋਰੈਂਸ ਦਰਾਂ ਤੋਂ ਰਾਹਤ ਹਾਸਲ ਕਰਨ ਲਈ ਓਨਟਾਰੀਓ ਵਾਸੀ ਹੋਰ ਲੰਮੀਂ ਉਡੀਕ ਨਹੀਂ ਕਰ ਸਕਦੇ। ਓਨਟਾਰੀਓ ਨੂੰ ਆਪਣਾ ਘਰ ਬਣਾਉਣ ਲਈ ਡਰਾਈਵਰਾਂ ਨੂੰ ਐਨੇ ਉੱਚੇ ਪ੍ਰੀਮੀਅਮ ਭਰਨ ਦੀ ਸਜ਼ਾ ਨਹੀਂ ਮਿਲਣੀ ਚਾਹੀਦੀ।
ਲੋਅਰ ਆਟੋਮੋਬਾਈਲ ਇੰਸ਼ੋਰੈਂਸ ਰੇਟਜ਼ ਐਕਟ ਫੌਰੀ ਤੌਰ ਉੱਤੇ ਆਟੋ ਇੰਸ਼ੋਰੈਂਸ ਕੰਪਨੀਆਂ ਦੀ ਇਕੁਇਟੀ ਉੱਤੇ ਰਿਟਰਨ ਨੂੰ ਸੀਮਤ ਕਰ ਦੇਵੇਗਾ ਤੇ ਇਹ ਕੁੱਲ ਭੁਗਤਾਣ ਕੀਤੇ ਗਏ ਪ੍ਰੀਮੀਅਮਜ਼ ਦਾ ਸੱਤ ਫੀ ਸਦੀ ਰਹਿ ਜਾਵੇਗੀ। ਇਸ ਸਮੇਂ ਇਹ 11 ਫੀ ਸਦੀ ਹੈ। ਇਸ ਦੇ ਨਾਲ ਹੀ ਇੰਸਿ਼ਓਰਰ ਦੀ ਆਪਰੇਟਿੰਗ ਲਾਗਤ, ਜਿਵੇਂ ਕਿ ਐਡਵਰਟਾਈਜਿੰਗ ਤੇ ਕਾਨੂੰਨੀ ਫੀਸ, ਇੱਕਠੇ ਕੀਤੇ ਗਏ ਕੁੱਲ ਪ੍ਰੀਮੀਅਮ ਦਾ 20 ਫੀ ਸਦੀ ਤੋਂ ਵੱਧ ਨਹੀਂ ਹੋ ਸਕੇਗੀ। ਇਸ ਸਮੇਂ ਜੋ 25 ਫੀ ਸਦੀ ਹੈ।
ਰੈਕੋਸੈਵਿਕ ਨੇ ਆਖਿਆ ਕਿ ਆਪਣੇ 2013 ਵਿੱਚ ਕੀਤੇ ਵਾਅਦੇ ਨੂੰ ਤੋੜ ਕੇ ਲਿਬਰਲਾਂ ਨੇ ਓਨਟਾਰੀਓ ਵਾਸੀਆਂ ਨਾਲ ਧੋਖਾ ਕੀਤਾ। ਉਸ ਸਮੇਂ ਲਿਬਰਲਾਂ ਨੇ ਐਨਡੀਪੀ ਵੱਲੋਂ ਆਟੋ ਇੰਸੋਰੈਂਸ ਦਰਾਂ 15 ਫੀ ਸਦੀ ਤੱਕ ਘਟਾਉਣ ਦੀ ਮੰਗ ਦਾ ਸਮਰਥਨ ਕੀਤਾ ਸੀ। ਉਨ੍ਹਾਂ ਆਖਿਆ ਕਿ ਹੁਣ ਪੋਸਟਲ ਕੋਡ ਵਿਤਕਰੇ ਨੂੰ ਖਤਮ ਕਰਨ ਲਈ ਐਨਡੀਪੀ ਵੱਲੋਂ ਪ੍ਰਸਤਾਵਿਤ ਬਿੱਲ ਨੂੰ ਰੋਕ ਕੇ ਕੰਜ਼ਰਵੇਟਿਵ ਹਾਲਾਤ ਨੂੰ ਹੋਰ ਜਿਆਦਾ ਬਦਤਰ ਬਣਾ ਰਹੇ ਹਨ।