‘ਤਨੂ ਵੈਡਸ ਮਨੂ’ ਦੀ ਹਾਲੇ ਤੱਕ ਦੋਵਾਂ ਸੀਕਵਲ ਵਿੱਚ ਕੰਗਨਾ ਤੇ ਮਾਧਵਨ ਦੀ ਜੋੜੀ ਸੀ, ਪਰ ਤੀਸਰੇ ਸੀਕਵਲ ਨੂੰ ਲੈ ਕੇ ਕਿਹਾ ਜਾ ਰਿਹਾ ਹੈ ਕਿ ਇਸ ਵਾਰ ਫਿਲਮ ਵਿੱਚ ਨਵੀਂ ਜੋੜੀ ਕੰਮ ਕਰੇਗੀ। ਚਰਚਾ ਹੈ ਕਿ ਇਸ ਵਾਰ ਮਨੂ ਅਭਿਸ਼ੇਕ ਬੱਚਨ ਅਤੇ ਤਨੂ ਤਾਪਸੀ ਪੰਨੂ ਹੋ ਸਕਦੀ ਹੈ। ਅਨੁਰਾਗ ਕਸ਼ਯਪ ਦੀ ਫਿਲਮ ‘ਮਨਮਰਜ਼ੀਆਂ’ ਵਿੱਚ ਦੋਵਾਂ ਦੀ ਕੈਮਿਸਟਰੀ ਦੀ ਤਾਰੀਫ ਹੋਈ। ਖਾਸ ਤੌਰ 'ਤੇ ਆਨੰਦ ਐੱਲ ਰਾਏ ਦੋਵਾਂ ਦੀ ਖੂਬ ਤਾਰੀਫ ਕਰ ਰਹੇ ਹਨ।
ਉਂਜ ‘ਤਨੂ ਵੈਡਸ ਮਨੂ 3’ ਨੂੰ ਲੈ ਕੇ ਇੱਕ ਹੋਰ ਗੱਲ ਅਹਿਮ ਮੰਨੀ ਜਾ ਰਹੀ ਹੈ ਕਿ ਹੋ ਸਕਦਾ ਹੈ ਕਿ ਦੋਵਾਂ ਭਾਗਾਂ ਦਾ ਨਿਰਦੇਸ਼ਨ ਕਰਨ ਵਾਲੇ ਆਨੰਦ ਐੱਲ ਰਾਏ ਇਸ ਵਾਰ ਸਿਰਫ ਨਿਰਮਾਤਾ ਦੇ ਤੌਰ 'ਤੇ ਹੀ ਹੋਣ ਅਤੇ ਨਿਰਦੇਸ਼ਨ ਦਾ ਕੰਮ ਕਿਸੇ ਹੋਰ ਨੂੰ ਸੌਂਪਿਆ ਜਾਏ।