ਭੂਮੀ ਪੇਡਨੇਕਰ ਅਤੇ ਤਾਪਸੀ ਪੰਨੂ ਨੇ ਆਪਣੇ ਅਭਿਨੈ ਨਾਲ ਆਨਸਕਰੀਨ ਹੀ ਨਹੀਂ, ਬਲਕਿ ਆਫਸਕਰੀਨ ਵੀ ਦਰਸ਼ਕਾਂ ਦਾ ਦਿਲ ਜਿੱਤਿਆ ਹੈ। ਦਰਅਸਲ ਭੂਮੀ ਤੇ ਤਾਪਸੀ ਅਨੁਰਾਗ ਕਸ਼ਯਪ ਦੀ ਫਿਲਮ ‘ਸਾਂਡ ਕੀ ਆਂਖ’ ਦੇ ਲਈ ਮੇਰਠ ਦੇ ਜੌਹੜੀ ਪਿੰਡ ਵਿੱਚ ਸ਼ੂਟਿੰਗ ਕਰ ਰਹੀਆਂ ਸਨ। ਲਗਭਗ ਤਿਨ ਹਜ਼ਾਰ ਪਿੰਡ ਵਾਲੇ ਫਿਲਮ ਦੀ ਸ਼ੂਟਿੰਗ ਦੇਖਣ ਪਹੁੰਚ ਗਏ। ਸੂਤਰਾਂ ਮੁਤਾਬਕ ਪਿੰਡ ਵਾਲੇ ਜਾਨਣ ਲਈ ਉਤਸੁਕ ਸਨ ਕਿ ਉਨ੍ਹਾਂ ਦੇ ਪਿੰਡ ਵਿੱਚ ਕੀ ਫਿਲਮਾਇਆ ਜਾ ਰਿਹਾ ਹੈ। ਉਸ ਸਮੇਂ ਤਾਪਸੀ ਤੇ ਭੂਮੀ ਦੇ ਵਿੱਚ ਇੱਕ ਸੀਨ ਫਿਲਮਾਇਆ ਜਾ ਰਿਹਾ ਸੀ। ਤਿੱਖੀ ਧੁੱਪ ਵਿੱਚ ਉਹ ਸ਼ੂਟਿੰਗ ਕਰਦੀਆਂ ਰਹੀਆਂ। ਪਿੰਡ ਵਾਲਿਆਂ ਨੇ ਸ਼ੂਟਿੰਗ ਦੌਰਾਨ ਸ਼ਾਂਤੀ ਬਣਾਈ ਰੱਖੀ।
ਦੋਵਾਂ ਦੀ ਐਕਟਿੰਗ ਦੇਖ ਕੇ ਪਿੰਡ ਵਾਲੇ ਮੰਤਰ ਮੁਗਧ ਹੋ ਗਏ। ਉਨ੍ਹਾਂ ਨੇ ਦੋਵਾਂ ਲਈ ਤਾੜੀਆਂ ਵਜਾਈਆਂ। ਭੂਮੀ ਤੇ ਤਾਪਸੀ ਪਿੰਡ ਵਾਸੀਆਂ ਨੂੰ ਮਿਲੀਆਂ ਅਤੇ ਉਨ੍ਹਾਂ ਦੇ ਨਾਲ ਅੱਧੇ ਘੰਟੇ ਤੱਕ ਗੱਲਬਾਤ ਵੀ ਕੀਤੀ। ਅਭਿਨੇਤਰੀਆਂ ਅਤੇ ਦਰਸ਼ਕਾਂ ਦੇ ਵਿੱਚ ਇਸ ਬਾਂਡਿੰਗ ਨੂੰ ਦੇਖ ਕੇ ਪੂਰਾ ਮਾਹੌਲ ਕਾਫੀ ਖੁਸ਼ਨੁਮਾ ਹੋ ਗਿਆ ਸੀ।