‘ਧੜਕ’ ਦੀ ਸਫਲਤਾ ਪਿੱਛੋਂ ਈਸ਼ਾਨ ਖੱਟਰ ਲਈ ਨਵੇਂ ਰਾਹ ਖੁੱਲ੍ਹ ਗਏ ਹਨ। ਉਸ ਨੂੰ ਇਸ ਵਾਰ ‘ਕੇਦਾਰਨਾਥ’ ਫੇਮ ਡਾਇਰੈਕਟਰ ਅਭਿਸ਼ੇਕ ਕਪੂਰ ਦੀ ਅਗਲੀ ਫਿਲਮ ਦਾ ਮਹੱਤਵ ਪੂਰਨ ਕਿਰਦਾਰ ਮਿਲ ਗਿਆ ਹੈ। ਇਹ ਪੁਲਵਾਮਾ ਹਮਲੇ 'ਤੇ ਆਧਾਰਤ ਹੋਵੇਗੀ ਅਤੇ ਹਮਲੇ ਦੇ ਬਾਅਦ ਹਵਾਈ ਫੌਜ ਦੀ ਏਅਰ ਸਟ੍ਰਾਈਕ ਨੂੰ ਵੀ ਫਿਲਮਾਇਆ ਜਾਏਗਾ। ਹਾਲੇ ਤੱਕ ਦੋ ਫਿਲਮਾਂ ‘ਦ ਕਲਾਊਡਸ' ਅਤੇ ‘ਧੜਕ’ ਕਰ ਚੁੱਕੇ ਈਸ਼ਾਨ ਲਈ ਇਹ ਪਹਿਲੀ ਐਕਸ਼ਨ ਫਿਲਮ ਹੋਵੇਗੀ। ਇਸ ਬਾਰੇ ਈਸ਼ਾਨ ਨੇ ਕਿਹਾ, ‘ਪਹਿਲਾਂ ਮੈਂ ਆਪਣੇ ਭਰਾ ਅਤੇ ਮਾਂ ਨੀਲਿਮਾ ਅਜ਼ੀਮ ਨਾਲ ਕੰਮ ਕਰਨ 'ਤੇ ਵਿਚਾਰ ਕੀਤਾ ਸੀ। ਜੇ ਤੁਸੀਂ ਕਿਸੇ ਦੇ ਨੇੜੇ ਹੋ, ਤਾਂ ਤੁਹਾਨੂੰ ਆਪਣੀਆਂ ਗੱਲਾਂ ਉਨ੍ਹਾਂ ਨਾਲ ਸ਼ੇਅਰ ਕਰਨੀਆਂ ਚਾਹੀਦੀਆਂ ਹਨ। ਉਂਝ ਵੀ ਫਿਲਮਾਂ ਮੇਰੇ ਜੀਵਨ ਦਾ ਅਹਿਮ ਹਿੱਸਾ ਹਨ।’
ਈਸ਼ਾਨ ਨੇ ਅੱਗੇ ਕਿਹਾ, ‘ਕਿਉਂਕਿ ਸ਼ਾਹਿਦ ਅਤੇ ਮੈਂ ਇਸੇ ਇੰਡਸਟਰੀ ਨਾਲ ਜੁੜੇ ਹੋਏ ਹਾਂ, ਇਸ ਲਈ ਉਨ੍ਹਾਂ ਦੇ ਲਈ ਮੇਰੀਆਂ ਗੱਲਾਂ ਸਮਝਣਾ ਸੌਖਾ ਹੁੰਦਾ ਹੈ। ਉਹ ਜਾਂ ਮੇਰੀ ਮਾਂ ਕਦੇ ਵੀ ਇਸ ਗੱਲ ਦੀ ਡਿਮਾਂਡ ਨਹੀਂ ਕਰਦੇ ਕਿ ਮੈਂ ਆਪਣੀਆਂ ਗੱਲਾਂ ਉਨ੍ਹਾਂ ਨਾਲ ਸ਼ੇਅਰ ਕਰਾਂ, ਪਰ ਮੈਨੂੰ ਆਪਣੇ ਭਰਾ ਅਤੇ ਮਾਂ ਨਾਲ ਗੱਲ ਕਰ ਕੇ ਚੰਗਾ ਲੱਗਦਾ ਹੈ।’