ਨਵੀਂ ਦਿੱਲੀ, 25 ਮਾਰਚ (ਪੋਸਟ ਬਿਊਰੋ)- ਚਾਹ ਦੇ ਸ਼ੌਕੀਨਾਂ ਨੂੰ ਇਹ ਖਬਰ ਬੁਰੀ ਲੱਗ ਸਕਦੀ ਹੈ, ਪਰ ਤਾਜ਼ਾ ਸਟੱਡੀ ਦਾ ਦਾਅਵਾ ਹੈ ਕਿ ਗਰਮ ਚਾਹ ਪੀਣ ਨਾਲ ਇਸਾੱਫੇਗਮ (ਗ੍ਰਾਸਨਲੀ) ਦਾ ਕੈਂਸਰ ਹੋਣ ਦਾ ਖਤਰਾ ਵਧ ਜਾਂਦਾ ਹੈ।
ਸਟੱਡੀ ਦੇ ਮੁਤਾਬਕ ਜੋ ਲੋਕ ਰੋਜ਼ਾ 75 ਡਿਗਰੀ ਸੈਲਸੀਅਸ 'ਤੇ ਚਾਹ ਪੀਂਦੇ ਹਨ ਉਨ੍ਹਾਂ ਵਿੱਚ ਇਹ ਖਤਰਾ ਦੋਗੁਣੇ ਤੋਂ ਜ਼ਿਆਦਾ ਵਧ ਜਾਂਦਾ ਹੈ। ਸਟੱਡੀ ਵਿੱਚ ਦੱਸਿਆ ਗਿਆ ਹੈ ਕਿ ਕੱਪ ਵਿੱਚ ਪਾਉਂਦੇ ਹੀ ਚਾਹ ਪੀਣਾ ਸ਼ੁਰੂ ਨਹੀਂ ਕਰਨਾ ਚਾਹੀਦਾ। ਜੇ ਕੱਪ ਵਿੱਚ ਪਾਉਣ ਦੇ ਚਾਰ ਮਿੰਟ ਤੱਕ ਚਾਹ ਪੀਤੀ ਜਾਵੇ ਤਾਂ ਕੈਂਸਰ ਦਾ ਖਤਰਾ ਘੱਟ ਹੋ ਸਕਦਾ ਹੈ।
ਅਮਰੀਕਨ ਕੈਂਸਰ ਸੁਸਾਇਟੀ ਦੇ ਲੀਡ ਆੱਥਰ ਫਰਹਿਦ ਇਸਲਾਮੀ ਦੇ ਮੁਤਾਬਕ ਕਈ ਲੋਕ ਚਾਹ, ਕਾਫੀ ਜਾਂ ਦੂਸਰੇ ਡ੍ਰਿੰਕ ਗਰਮਾ-ਗਰਮ ਪੀਣ ਦੇ ਸ਼ੌਕੀਨ ਹੁੰਦੇ ਹਨ। ਸਟੱਡੀ ਦੀ ਰਿਪੋਰਟ ਮੁਤਾਬਕ ਬਹੁਤ ਗਰਮ ਚਾਹ ਪੀਣ ਨਾਲ ਇਸਾੱਫੇਜੀਅਲ ਕੈਂਸਰ ਦਾ ਰਿਸਕ ਵਧ ਜਾਂਦਾ ਹੈ। ਸਟੱਡੀ ਵਿੱਚ 50,045 ਲੋਕ ਸ਼ਾਮਲ ਕੀਤੇ ਗਏ, ਜਿਨ੍ਹਾਂ ਦੀ ਉਮਰ 40 ਤੋਂ 75 ਸਾਲ ਸੀ। ਇਸ ਵਿੱਚ ਨਤੀਜਾ ਆਇਆ ਕਿ ਰੋਜ਼ਾਨਾ 700 ਐਮ ਐਲ ਗਰਮ ਚਾਹ 60 ਡਿਗਰੀ ਸੈਲਸੀਅਸ ਜਾਂ ਇਸ ਤੋਂ ਜ਼ਿਆਦਾ 'ਤੇ ਪੀਤੀ ਜਾਵੇ ਤਾਂ ਗ੍ਰਾਸਨਲੀ ਦੇ ਕੈਂਸਰ ਦਾ ਖਤਰਾ 90 ਫੀਸਦੀ ਤੱਕ ਜ਼ਿਆਦਾ ਵਧ ਜਾਂਦਾ ਹੈ।