ਕੋਲਕਾਤਾ, 25 ਮਾਰਚ (ਪੋਸਟ ਬਿਊਰੋ)- ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦਾ ਮੁਖੌਟਾ ਤਿ੍ਰਣਮੂਲ ਕਾਂਗਰਸ (ਟੀ ਐਮ ਸੀ) ਦੇ ਦੋ ਫੁੱਲ ਵਾਲੇ ਚਿੰਨ੍ਹ ਨਾਲ ਸਜੀਆਂ ਸਾੜ੍ਹੀਆਂ ਨੂੰ ਸਖਤ ਟੱਕਰ ਦੇ ਰਿਹਾ ਹੈ। ਇਸ ਸਾਲ 9 ਗਜ ਦਾ ਇਹ ਰੁਝਾਨ ਟੋਪੀਆਂ, ਟੀ-ਸ਼ਰਟ ਅਤੇ ਹੋਰ ਸਮੱਗਰੀਆਂ ਵਿੱਚ ਸ਼ਾਮਲ ਹੈ ਜੋ ਪੱਛਮੀ ਬੰਗਾਲ ਵਿੱਚ ਖੂਬ ਵਿਕ ਰਿਹਾ ਹੈ।

 
ਮੱਧ ਕੋਲਕਾਤਾ ਦੇ ਥੋਕ ਕੇਂਦਰ ਬੜਾ ਬਾਜ਼ਾਰ ਦੀ ਬਿਜ਼ੀ ਰਹਿਣ ਵਾਲੀ ਪਾਗਯਾ ਪੱਟੀ ਲੇਨ ਦੇ ਦੁਕਾਨਦਾਰਾਂ ਨੂੰ ਇਸ ਨਵੇਂ ਰੁਝਾਨ ਦੀ ਸਪਲਾਈ ਲਈ ਸਖਤ ਮਿਹਨਤ ਕਰਨੀ ਪੈ ਰਹੀ ਹੈ। 45 ਸਾਲ ਪੁਰਾਣੀ ਇਕ ਦੁਕਾਨ ਐਸ ਪੀ ਟੈਕਸਟਾਈਲ ਦੇ ਮਾਲਕ ਪਾਰਸ ਗੰਭੀਰ ਨੇ ਦੱਸਿਆ, ‘ਚੋਣਾਂ ਦੀਆਂ ਤਰੀਕਾਂ ਦੇ ਐਲਾਨ ਦੇ ਬਾਅਦ ਤੋਂ ਸਾਡੇ ਕੋਲ ਪਾਰਟੀ ਵਰਕਰਾਂ ਵੱਲੋਂ ਭਾਰੀ ਮਾਤਰਾ ਵਿੱਚ ਆਰਡਰ ਆ ਰਹੇ ਹਨ। ਬੰਗਾਲ ਵਿੱਚ ਸੱਤਾਧਾਰੀ ਪਾਰਟੀ ਵੱਲੋਂ ਏਦਾਂ ਦੀਆਂ ਸਾੜੀਆਂ ਤੇ ਟੀ-ਸ਼ਰਟ ਲਈ ਜ਼ਿਆਦਾਤਰ ਆਰਡਰ ਕੀਤੇ ਗਏ ਹਨ। ਇਸ ਵਾਰ ਭਾਜਪਾ ਦੇ ਚਿੰਨ ਵਾਲੀ ਸਮੱਗਰੀਆਂ ਦੀ ਪ੍ਰਸਿੱਧ ਵਿੱਚ ਵੀ ਇਜ਼ਾਫਾ ਹੋਇਆ ਹੈ।' ਸਾੜੀਆਂ ਦੇ ਕੱਚੇ ਮਾਲ ਸੂਰਤ ਅਤੇ ਅਹਿਮਦਾਬਾਦ ਤੋਂ ਏਥੇ ਆਉਂਦੇ ਹਨ। ਸੂਰਤ ਤੇ ਪਾਸਿਸਟਰ-ਨਿਸ਼ਚਿਤ ਇਕ ਸਾੜੀ ਦੀ ਕੀਮਤ 160 ਰੁਪਏ ਹੈ। ਗੰਭੀਰ ਨੇ ਹਾਲਾਂਕਿ ਵੱਖ-ਵੱਖ ਰਾਜਨੀਤਕ ਦਲਾਂ ਵੱਲੋਂ ਦਿੱਤੇ ਗਏ ਅਨੁਮਾਨਿਤ ਆਰਡਰਾਂ ਦੇ ਬਾਰੇ ਵਿੱਚ ਦੱਸਣ ਤੋਂ ਇਨਕਾਰ ਕਰ ਦਿੱਤਾ। ਉਨ੍ਹਾਂ ਨੇ ਕਿਹਾ ਕਿ ਉਨ੍ਹਾਂ ਦੇ ਕੋਲ ਕਾਂਗਰਸ ਅਤੇ ਸੀ ਪੀ ਐਮ ਦੇ ਰਾਜਨੀਤਕ ਚਿੰਨ ਵਾਲੇ ਕੱਪੜੇ ਦੇ ਸਾਮਾਨ ਦਾ ਭੰਡਾਰ ਹੈ, ਪਰ ਉਸ ਦੀ ਮੰਗ ਨਾ ਹੋਣ ਦੇ ਬਰਾਬਰ ਹੈ। ਉਨ੍ਹਾਂ ਨੇ ਕਿਹਾ, ‘ਇਨ੍ਹਾਂ ਵਸਤੂਆਂ ਲਈ ਪਾਰਟੀਆਂ ਵੱਲੋਂ ਭਾਰੀ ਮਾਤਰਾ ਵਿੱਚ ਆਰਡਰ ਦਿੱਤੇ ਜਾਂਦੇ ਹਨ। ਕਦੀ-ਕਦੀ ਕਈ ਪਾਰਟੀ ਪ੍ਰਸ਼ੰਸਕ ਇਥੇ ਇਨ੍ਹਾਂ ਸਾਮਾਨਾਂ ਨੂੰ ਖਰੀਦਣ ਆਉਂਦੇ ਹਨ ਅਤੇ ਅਸੀਂ ਰੋਜ਼ ਇਕ ਲੱਖ ਤੋਂ ਜ਼ਿਆਦਾ ਦਾ ਵਪਾਰ ਕਰਦੇ ਹਾਂ।' ਗੰਭੀਰ ਨੇ ਕਿਹਾ, ‘ਜ਼ਿਆਦਾਤਰ ਲੋਕ ਭਾਜਪਾ ਸਮਰਥਕ ਸਮੱਗਰੀਆਂ ਦੀ ਖਰੀਦ ਕਰ ਰਹੇ ਹਨ। ਪਾਰਟੀ ਨਿਸ਼ਚਿਤ ਰੂਪ ਨਾਲ ਰਾਜ ਵਿੱਚ ਜਨ ਆਧਾਰ ਵਧਾ ਰਹੀ ਹੈ।'
ਨਰਿੰਦਰ ਮੋਦੀ, ਰਾਹੁਲ ਗਾਂਧੀ, ਸੋਨੀਆ ਗਾਂਧੀ ਅਤੇ ਮਮਤਾ ਬੈਨਰਜੀ ਵਰਗੇ ਦਿੱਗਜ ਨੇਤਾਵਾਂ ਦੇ ਕਟ-ਆਊਟ ਵਾਲੇ ਮੁਖੌਟਿਆਂ ਨਾਲ ਦੁਕਾਨ ਭਰੀ ਹੋਈ ਹੈ। ਇਸ ਦੇ ਇਲਾਵਾ ਦੁਕਾਨ ਵਿੱਚ ਜੈਕੇਟ, ਟੋਪੀ, ਟੀ-ਸ਼ਰਟ, ਝੰਡੇ ਅਤੇ ਹੋਰ ਚੀਜ਼ਾਂ ਭਰੀਆਂ ਹੋਈਆਂ ਹਨ। ਉਨ੍ਹਾਂ ਨੇ ਕਿਹਾ, ‘ਹੋਰ ਚੀਜ਼ਾਂ ਦੇ ਮੁਕਾਬਲੇ ਮੋਦੀ ਦੇ ਮੁਖੌਟੇ ਦੀ ਮੰਗ ਬਹੁਤ ਜ਼ਿਆਦਾ ਹੈ।' ਉਧਰ ਇਕ ਗਾਹਕ ਨੇ ਬਿਨਾ ਆਪਣਾ ਨਾਮ ਦੱਸਦੇ ਹੋਏ ਕਿਹਾ, ‘ਬੰਗਾਲ ਵਿੱਚ ਵਿਕਾਸ ਤਾਂ ਹੋਣਾ ਹੀ ਚਾਹੀਦਾ। ਦੀਦੀ (ਮਮਤਾ ਬੈਨਰਜੀ) ਨੇ ਜੋ ਕੀਤਾ ਹੈ, ਉਸ ਤੋਂ ਵਧਿਆ ਕੌਣ ਕਰੇਗਾ, ਉਹ ਤਾਂ ਦੇਖਣਾ ਪਵੇਗਾ।'