ਜਕਾਰਤਾ, 25 ਮਾਰਚ (ਪੋਸਟ ਬਿਊਰੋ) : ਪੂਰਬੀ ਇੰਡੋਨੇਸ਼ੀਆ ਦੀ ਉੱਤਰੀ ਮਾਲੂਕੁ ਪ੍ਰੋਵਿੰਸ ਦੇ ਤੱਟੀ ਇਲਾਕੇ ਵਿੱਚ 6.1 ਗਤੀ ਦਾ ਭੂਚਾਲ ਦਰਜ ਕੀਤਾ ਗਿਆ। ਇਹ ਜਾਣਕਾਰੀ ਸੇਸਮੌਲੋਜਿਸਟ ਵੱਲੋਂ ਦਿੱਤੀ ਗਈ। ਉਨ੍ਹਾਂ ਦੱਸਿਆ ਕਿ ਇਸ ਜ਼ਬਰਦਸਤ ਭੂਚਾਲ ਦੇ ਬਾਵਜੂਦ ਸੁਨਾਮੀ ਸਬੰਧੀ ਚੇਤਾਵਨੀ ਜਾਰੀ ਨਹੀਂ ਕੀਤੀ ਗਈ।
ਅਮਰੀਕਾ ਦੇ ਜਿਓਲਾਜੀਕਲ ਸਰਵੇਅ ਅਨੁਸਾਰ ਇਹ ਭੂਚਾਲ ਤੱਟੀ ਟਾਊਨ ਤਰਨਾਤੇ ਤੋਂ 150 ਕਿਲੋਮੀਟਰ ਉੱਤਰਪੱਛਮ ਵੱਲ ਜ਼ਮੀਨ ਤੋਂ 37 ਕਿਲੋਮੀਟਰ ਹੇਠਾਂ ਆਇਆ। ਭੂਚਾਲ ਦੇ ਝਟਕੇ ਤਰਨਾਤੇ ਵਿੱਚ ਵੀ ਮਹਿਸੂਸ ਕੀਤੇ ਗਏ ਪਰ ਲੋਕਾਂ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਬਹੁਤਾ ਡਰ ਨਹੀਂ ਲੱਗਿਆ। ਲੋਕਾਂ ਨੇ ਦੱਸਿਆ ਕਿ ਭੂਚਾਲ ਦਾ ਝਟਕਾ ਜ਼ੋਰਦਾਰ ਜ਼ਰੂਰ ਸੀ ਪਰ ਉਹ ਜਲਦੀ ਹੀ ਗੁਜ਼ਰ ਗਿਆ ਇਸ ਲਈ ਬਹੁਤਾ ਮਹਿਸੂਸ ਨਹੀਂ ਹੋ ਸਕਿਆ।
ਅਧਿਕਾਰੀ ਅਜੇ ਵੀ ਭੂਚਾਲ ਕਾਰਨ ਹੋਏ ਨੁਕਸਾਨ ਦੀ ਜਾਂਚ ਕਰ ਰਹੇ ਹਨ ਪਰ ਅਜੇ ਤੱਕ ਕਿਸੇ ਦੇ ਮਾਰੇ ਜਾਣ ਦੀ ਕੋਈ ਖਬਰ ਨਹੀਂ ਹੈ। ਇੰਡੋਨੇਸ਼ੀਆ ਦੀ ਮੌਸਮ ਏਜੰਸੀ ਬੀਕੇਐਮਜੀ ਦੀ ਭੂਚਾਲ ਤੇ ਸੁਨਾਮੀ ਡਵੀਜ਼ਨ ਨੇ ਆਖਿਆ ਕਿ ਅਸੀਂ ਅਜੇ ਵੀ ਨੁਕਸਾਨ ਦਾ ਜਾਇਜ਼ਾ ਲਾਉਣ ਦੀ ਕੋਸਿ਼ਸ਼ ਕਰ ਰਹੇ ਹਾਂ।