ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਜੀਵਨ 'ਤੇ ਆਧਾਰਤ ਆਗਾਮੀ ਬਾਇਓਪਿਕ ਫਿਲਮ ਵਿੱਚ ਅਭਿਨੇਤਾ ਵਿਵੇਕ ਓਬਰਾਏ ਨੇ ਉਨ੍ਹਾਂ ਦਾ ਜੀਵਨ ਸਫਰ ਦਰਸਾਉਣ ਲਈ ਨੌਂ ਵੱਖ-ਵੱਖ ਲੁਕ ਅਪਣਾਏ ਹਨ। ਫਿਲਮ ਸਮੀਖਿਅਕ ਤਰੁਣ ਆਦਰਸ਼ ਨੇ ਪਿੱਛੇ ਜਿਹੇ ਟਵਿੱਟਰ 'ਤੇ ਇਸ ਦਾ ਖੁਲਾਸਾ ਕੀਤਾ ਤਾਂ ਲਿਖਿਆ, ‘ਪੀ ਐੱਮ ਨਰਿੰਦਰ ਦੀ ਬਾਇਓਪਿਕ ਵਿੱਚ ਵਿਵੇਕ ਓਬਰਾਏ ਦੇ ਵੱਖ-ਵੱਖ ਲੁਕ। ਉਮੰਗ ਕੁਮਾਰ ਨਿਰਦੇਸ਼ਿਤ, ਸੰਦੀਪ ਸਿੰਘ, ਸੁਰੇਸ਼ ਓਬਰਾਏ ਅਤੇ ਆਨੰਦ ਪੰਡਿਤ ਵੱਲੋਂ ਨਿਰਮਿਤ ...12 ਅਪ੍ਰੈਲ 2019 ਨੂੰ ਰਿਲੀਜ਼।’
ਗੋਆ ਦੇ ਮੁੱਖ ਮੰਤਰੀ ਮਨੋਹਰ ਪਾਰੀਕਰ ਦੇ ਦਿਹਾਂਤ ਪਿੱਛੋਂ ਫਿਲਮ ਦੇ ਦੂਜੇ ਪੋਸਟਰ ਦੀ ਲਾਂਚ ਟਾਲ ਦਿੱਤੀ ਗਈ। ਫਿਲਮ ਵਿੱਚ ਅਭਿਨੇਤਾ ਦਰਸ਼ਨ ਕੁਮਾਰ, ਬੋਮਨ ਈਰਾਨੀ, ਜ਼ਰੀਨਾ ਵਹਾਬ ਅਤੇ ਬਰਖਾ ਬਿਸ਼ਟ ਸੇਨਗੁਪਤਾ ਵੀ ਪ੍ਰਮੁੱਖ ਭੂਮਿਕਾਵਾਂ ਵਿੱਚ ਹਨ।