ਬਰੂਸੇਲਸ, 21 ਮਾਰਚ (ਪੋਸਟ ਬਿਊਰੋ)- ਯੂਰਪੀ ਯੂਨੀਅਨ (ਈ ਯੂ) ਨੇ ਆਨਲਾਈਨ ਇਸ਼ਤਿਹਾਰ ਦੇ ਪੱਖ-ਪਾਤ ਬਾਰੇ ਗੂਗਲ 'ਤੇ 1.49 ਅਰਬ ਯੂਰੋ (ਕਰੀਬ 117 ਅਰਬ ਰੁਪਏ) ਜੁਰਮਾਨਾ ਲਾਇਆ ਹੈ।
ਇੱਕ ਜਾਂਚ ਚੌਰਾਨ ਗੂਗਲ ਨੂੰ ਮੁਕਾਬਲੇਬਾਜ਼ੀ ਕਾਨੂੰਨ ਦੇ ਉਲੰਘਣ ਦਾ ਦੋਸ਼ ਮੰਨਦੇ ਹੋਏ ਯੂਰਪੀ ਯੂਨੀਅਨ ਨੇ ਇਹ ਫੈਸਲਾ ਦਿੱਤਾ ਹੈ। ਇਹ ਤੀਸਰੀ ਵਾਰ ਹੈ, ਜਦ ਕਮਿਸ਼ਨ ਨੇ ਗੂਗਲ 'ਤੇ ਮੋਟਾ ਜੁਰਮਾਨਾ ਲਾਇਆ ਹੈ। ਯੂਰਪੀ ਯੂਨੀਅਨ ਦੀ ਮੁਕਾਬਲੇਬਾਜ਼ੀ ਕਮਿਸ਼ਨਰ ਮਾਰਗ੍ਰੇਟ ਵੈਸਟੈਗਰ ਨੇ ਪ੍ਰੈਸ ਕਾਨਫਰੰਸ ਵਿੱਚ ਗੂਗਲ ਦੀ ਐਡਸੈਂਸ ਨੀਤੀ ਦੀ ਲੰਬੇ ਸਮੇਂ ਤੋਂ ਚੱਲ ਰਹੀ ਜਾਂਚ ਦਾ ਜ਼ਿਕਰ ਕਰ ਕੇ ਇਸ ਜੁਰਮਾਨੇ ਦਾ ਐਲਾਨ ਕੀਤਾ। ਉਨ੍ਹਾਂ ਨੇ ਕਿਹਾ, ਯੂਰਪੀ ਯੂਨੀਅਨ ਨੇ ਐਡਸੈਂਸ ਪਲੇਟਫਾਰਮ ਦੇ ਕੇਸ ਵਿੱਚ ਬਾਜ਼ਾਰ ਵਿੱਚ ਆਪਣੀ ਮਜ਼ਬੂਤ ਸਥਿਤੀ ਦੀ ਦੁਰਵਰਤੋਂ ਨੂੰ ਲੈ ਕੇ ਗੂਗਲ 'ਤੇ ਇਹ ਜੁਰਮਾਨਾ ਲਾਇਆ ਹੈ। ਯੂਰਪੀ ਯੂਨੀਅਨ ਨੇ ਪਾਇਆ ਕਿ ਗੂਗਲ ਅਤੇ ਉਸ ਦੀ ਪੈਰੇਂਟ ਕੰਪਨੀ ਅਲਫਾਬੇਟ ਨੇ ਉਨ੍ਹਾਂ ਕੰਪਨੀਆਂ ਦੇ ਨਾਲ ਕਾਨਟ੍ਰੇਕਟ ਵਿੱਚ ਪਾਬੰਦੀਸ਼ੁਦਾ ਧਾਰਾ ਲਾਈਆਂ, ਜਿਨ੍ਹਾਂ ਨੇ ਐਡਸੈਂਸ ਦੀ ਵਰਤੋਂ ਕੀਤੀ। ਇਸ ਤਰ੍ਹਾਂ ਗੂਗਲ ਨੇ ਇਨ੍ਹਾਂ ਵੈਬਸਾਈਟਾਂ 'ਤੇ ਆਪਣੇ ਇਸ਼ਤਿਹਾਰ ਰੱਖਣ ਤੋਂ ਰੋਕਿਆ। ਇਸ ਨਾਲ ਨਿਯਮਾਂ ਦਾ ਉਲੰਘਣ ਹੋਇਆ ਹੈ। ਵੈਸਟੈਗਰ ਨੇ ਕਿਹਾ, ਗੂਗਲ ਨੇ ਆਪਣੀ ਮਜ਼ਬੂਤੀ ਦਾ ਫਾਇਦਾ ਲੈ ਕੇ ਆਪਣੇ ਵਿਰੋਧੀਆਂ ਦੀ ਮੁਕਾਬਲੇਬਾਜ਼ੀ ਅੱਗੇ ਰੁਕਾਵਟ ਪਾਈ।