ਪਿਛਲੇ ਸਾਲ ਵੈੱਬ ਸੀਰੀਜ਼ ‘ਲਸਟ ਸਟੋਰੀਜ਼’ ਨਾਲ ਚਰਚਾ ਵਿੱਚ ਆਉਣ ਵਾਲੀ ਕਿਆਰਾ ਅਡਵਾਨੀ ਅੱਜਕੱਲ੍ਹ ਆਪਣੀਆਂ ਅਗਲੀਆਂ ਫਿਲਮਾਂ ਵਿੱਚ ਬਿਜ਼ੀ ਹੈ ਜਿਸ ਵਿੱਚ ਇੱਕ ‘ਕਬੀਰ ਸਿੰਘ’ ਸ਼ਾਮਲ ਹੈ। ਇਸ ਫਿਲਮ ਵਿੱਚ ਉਸ ਦੇ ਆਪੋਜ਼ਿਟ ਸ਼ਾਹਿਦ ਕਪੂਰ ਹੈ। ਇਹ ਤੇਲਗੂ ਫਿਲਮ ‘ਅਰਜੁਨ ਰੈੱਡੀ’ ਦਾ ਰੀਮੇਕ ਹੈ। ਸ਼ਾਹਿਦ ਤੇ ਕਿਆਰਾ ਪਹਿਲੀ ਵਾਰ ਸਕਰੀਨ ਸ਼ੇਅਰ ਕਰਨ ਜਾ ਰਹੇ ਹਨ। ਦੋਵਾਂ ਦੀਆਂ ਫੋਟੋਜ਼ ਤੇ ਵੀਡੀਓਜ਼ ਵਾਇਰਲ ਹੋ ਰਹੇ ਹਨ। ਦੋਵੇਂ ਸਿਤਾਰੇ ਇੱਕ ਦੂਜੇ ਦੀ ਕੰਪਨੀ ਨੂੰ ਕਾਫੀ ਇੰਜੁਆਏ ਕਰ ਰਹੇ ਹਨ। ਪਿਛਲੇ ਦਿਨੀਂ ਕਿਆਰਾ ਨੇ ਸ਼ਾਹਿਦ ਦੀ ਕਾਫੀ ਤਾਰੀਫ ਕੀਤੀ ਸੀ।
ਸ਼ਾਹਿਦ ਉਮਰ ਦੇ ਮਾਮਲੇ ਵਿੱਚ ਕਿਆਰਾ ਤੋਂ ਭਾਵੇਂ 12 ਸਾਲ ਵੱਡਾ ਹੈ, ਪਰ ਆਪਣੇ ਹੀਰੋ ਨਾਲ ਉਮਰ ਦੇ ਇਸ ਫਰਕ ਨੂੰ ਲੈ ਕੇ ਕਿਆਰਾ ਬਿਲਕੁਲ ਵੀ ਫਿਕਰਮੰਦ ਨਹੀਂ ਹੈ। ਇਸ ਬਾਰੇ ਪੁੱਛੇ ਜਾਣ 'ਤੇ ਕਿਆਰਾ ਦਾ ਕਹਿਣਾ ਸੀ ਕਿ ਉਸ ਨੂੰ ਪੂਰਾ ਯਕੀਨ ਹੈ ਕਿ ਦਰਸ਼ਕਾਂ ਨੂੰ ਸਕਰੀਨ 'ਤੇ ਸ਼ਾਹਿਦ ਤੇ ਉਸ ਦੀ ਜੋੜੀ ਖੂਬ ਪਸੰਦ ਆਏਗੀ।