ਬੀਤੇ ਸ਼ਨਿਚਰਵਾਰ 2 ਮਾਰਚ 2019 ਨੂੰ ਕੈਲਗਰੀ ਦੇ ਮੈਂਗੋਲੀਅਨ ਬੈਂਕਟ ਹਾਲ ਵਿਚ ਇਕ ਬਹੁਤ ਵਡੀ ਈਵੈਂਟ ਹੋਈ ਜਿਸ ਵਿਚ ‘ਕਨੇਡੀਅਨ ਟਾਈਮਜ਼ ਅਲਬਰਟਾ ਪਬਲੀਕੇਸ਼ਨਜ਼` ਸੰਸਥਾ ਵਲੋਂ ਸਮਾਜ ਵਿਚ ਵਿਚਰ ਰਹੇ ਉਘੇ ਸਮਾਜ ਸੇਵੀ ਸਜਣਾ ਨੂੰ ਸਨਮਾਨਿਤ ਕੀਤਾ ਗਿਆ। ਈਵੈਂਟ ਦਾ ਨਾਮ ਸੀ ‘ ਓ ਕਨੇਡੀਅਨ ਅਵਾਰਡਜ਼-2019`। ਰਾਇਲ ਵੋਮੈਂਨ ਐਸੋਸੀਏਸ਼ਨ ਦੀ ਪ੍ਰਧਾਨ ਗੁਰਮੀਤ ਕੌਰ ਸਰਪਾਲ ਨੂੰ ਇਸ ਈਵੈਂਟ ਵਿਚ ਲਾਈਫ ਟਾਈਮ ਡਿਸਟਿੰਗੁਇਸ਼ਡ ਅਚੀਵਮੈਂਟ ਅਵਾਰਡ ਨਾਲ ਸਨਮਾਨਿਤ ਕੀਤਾ ਗਿਆ। ਇਹ ਵਕਾਰੀ ਅਵਾਰਡ ਪੰਜਾਬੀ ਭਾਈਚਾਰੇ ਵਿਚੋਂ ਇਕੋ ਇਕ ਬੰਦੇ ਨੂੰ ਮਿਲਿਆ ਹੈ। ਇਸ ਵਾਸਤੇ 2 ਫਾਈਨਲਿਸਟ ਚੁਣੇ ਗਏ ਸਨ ਅਤੇ ਗੁਰਮੀਤ ਕੌਰ ਸਰਪਾਲ ਨੂੰ ਇਸ ਕੈਟੇਗਰੀ ਵਿਚ ਸਰਬੋਤਮ ਪਰੁਸਕਾਰ ਮਿਲਿਆ। ਇਸ ਮੌਕੇ ਗੁਰਮੀਤ ਨੇ ਇਹ ਅਵਾਰਡ ਪੰਜਾਬੀ ਭਾਈਚਾਰੇ ਨੂੰ ਸਮਰਪਿਤ ਕੀਤਾ ਕਿਓਂ ਕਿ ਭਾਈਚਾਰੇ ਦੇ ਸਹਿਯੋਗ ਬਿਨਾ ਬੰਦਾ ਕੁਝ ਨਹੀਂ ਕਰ ਸਕਦਾ ਹੁੰਦਾ।
ਯਾਦ ਰਹੇ ਗੁਰਮੀਤ ਕੌਰ ਸਰਪਾਲ ਨੂੰ ਇਹ ਪੰਜਵਾਂ ਵਡਾ ਸਨਮਾਨ ਮਿਲਿਆ ਹੈ। 2009 ਵਿਚ ‘ਕਨੇਡੀਅਨ ਇਮੀਗ੍ਰੈਂਟ ਵੋਮੈਨ ਅਸੋਸੀਏਸ਼ਨ-ਅਲਬਰਟਾ (ਛੀੱੳ) ਨੇ ‘ਪਰਾਊਡ ਵੋਮੈਂਨ` ਨਾਮਕ ਅੰਗਰੇਜ਼ੀ ਦੀ ਕਿਤਾਬ ਵਿਚ ਗੁਰਮੀਤ ਕੌਰ ਸਰਪਾਲ ਉਪਰ ਇਕ ਸਟੋਰੀ ਕੀਤੀ ਸੀ। ਇਸੇ ਤਰਾਂ੍ਹ ਇਕ ਹੋਰ ਪੰਜਾਬੀ ਵਿਚ ਕਿਤਾਬ ਲਿਖੀ ਗਈ ਸੀ ਜਿਸਦਾ ਨਾਮ ਹੈ ‘ਨਵੀਆਂ ਪੈੜਾ` ਇਹ ਕਿਤਾਬ ਗੁਰਮੀਤ ਉਪਰ ਅਭਿਨੰਦਨ ਗ੍ਰੰਥ ਵਾਂਗ ਸੀ ਜਿਸਦਾ ਮਕਸਦ ਉਸਦੀ ਆਰਗੇਨਾਈਜ਼ੇਸ਼ਨ ਰਾਇਲ ਵੋਮੈਨ ਅਸੋਸੀਏਸ਼ਨ ਦਾ ਸਤਿਕਾਰ ਕਰਨਾ ਸੀ। 2015 ਵਿਚ ‘ਕੈਲਗਰੀ ਇਮੀਗਰੈਂਟ ਸਰਵਿਸਜ਼ ਕੈਲਗਰੀ` ਨੇ ਉਸਨੂੰ ‘ਡਿਸਟਿੰਕਟ ਸਰਵਿਸਜ਼ ਅਵਾਰਡ` ਨਾਲ ਸਨਮਾਨਿਤ ਕੀਤਾ ਸੀ। 2015 ਵਿਚ ਉਸਦੀ ਸੰਸਥਾ ਉਪਰ ਇਕ ਡਾਕੂਮੈਂਟਰੀ ਬਣੀ ਸੀ ਜੋ 2017 ਵਿਚ ਨਾਰਥ ਅਮਰੀਕਾ ਦੇ ਕਈ ਵਡੇ ਸ਼ਹਿਰਾਂ ਵਿਚ ਵਿਖਾਈ ਗਈ ਸੀ। ਇਸ ਮੂਵੀ ਨੂੰ ਬੈਸਟ ਮੁਵੀ ਦਾ ਅਵਾਰਡ ਵੀ ਮਿਲਿਆ ਸੀ। 2018 ਵਿਚ ਗੁਰਮੀਤ ਨੂੰ ਅਲਬਰਟਾ ਡਾਈਵਰਸਟੀ ਅਵਾਰਡ ਪਰਾਪਤ ਹੋਇਆ ਸੀ। ਇਸ ਤੋਂ ਇਲਾਵਾ ਉਸਨੂੰੰ ਬਹੁਤ ਸਾਰੇ ਰਾਜਨੀਤਕ ਨੇਤਾਵਾ ਵਲੋਂ ਉਸਦੀਆ ਵਿਲੱਖਣ ਸੇਵਾਵਾਂ ਖਾਤਰ ਸਰਟੀਫਿਕੇਟਸ ਮਿਲ ਚੁਕੇ ਹਨ। ਯੁਨਾਇਟਿਡ ਵੇਅ ਵਲੋਂ ‘ਪਾਇਨੀਯਰ ਵੋਮੈਂਨ ਆਰਗੇਨਾਈਜ਼ੇਸ਼ਨ` ਦਾ ਖਿਤਾਬ ਦਿਤਾ ਗਿਆ ਸੀ ਕਿਓਂ ਕਿ ਸੰਸਥਾ ਨੇ ਪਹਿਲੀ ਵਾਰ ਐਟੀ ਡੋਮੈਸਟਿਕਵਾਇਲੈਂਸ ਉਪਰ ਅਵਾਜ਼ ਬੁਲੰਦ ਕੀਤੀ ਸੀ। ਗੁਰਮੀਤ ਕੌਰ ਬਰੈਂਪਟਨ ਸ਼ਹਿਰ ਦੇ ਅਜੀਤ ਸਿੰਘ ਰੱਖੜਾ ਦੀ ਛੋਟੀ ਭੈਣ ਹੈ ਜੋਕਿ ਜੀਟੀਏ ਵਿਚ ‘ਸੀਨੀਅਰ ਸੋਸਿ਼ਲ ਸਰਵਿਸਜ਼ ਆਰਗੇਨਾਈਜ਼ੇਸ਼ਨ ਦੇ ਜਨਰਲ ਸਕੱਤਰ ਹਨ। ਉਹ ਵੀ ਆਪਣੀਆ ਸਮਾਜਕ ਸੇਵਾਵਾ ਬਦਲੇ ਕਈ ਅਵਾਰਡ ਪਰਾਪਤ ਕਰ ਚੁਕੇ ਹਨ। ਗੁਰਮੀਤ ਨੂੰ ਵਧਾਈ ਦੇਣ ਲਈ ਫੋਨ ਹੈ 403 280 6090