ਪੰਚਕੂਲਾ, 18 ਮਾਰਚ, (ਪੋਸਟ ਬਿਊਰੋ)- ਬਹੁ-ਚਰਚਿਤ ਸਮਝੌਤਾ ਐਕਸਪ੍ਰੈੱਸ ਧਮਾਕਾ ਕੇਸ ਦੀ ਸੁਣਵਾਈ ਇਕ ਵਾਰ ਫਿਰ ਟਲ ਗਈ ਹੈ। ਸੋਮਵਾਰ ਨੂੰ ਐੱਨ ਆਈ ਏ ਦੀ ਵਿਸ਼ੇਸ਼ ਅਦਾਲਤ ਵਿੱਚ ਪਾਕਿਸਤਾਨੀ ਔਰਤ ਦੀ ਗਵਾਹੀ ਉੱਤੇਫੈਸਲਾ ਹੋਣਾ ਸੀ। ਸੁਣਵਾਈ ਦੁਪਹਿਰ ਬਾਅਦ ਸ਼ੁਰੂ ਹੋਈ, ਕਿਉਂਕਿ ਵਕੀਲਾਂ ਦੀ ਹੜਤਾਲ ਚੱਲ ਰਹੀ ਸੀ। ਇਸ ਦੌਰਾਨ ਰਾਹਿਲਾ ਵਕੀਲ ਦੀ ਪਟੀਸ਼ਨ ਉੱਤੇ ਦੋਵਾਂ ਪੱਖਾਂ ਨੇ ਆਪੋ-ਆਪਣੀ ਗੱਲ ਰੱਖੀ।
ਵਰਨਣ ਯੋਗ ਹੈ ਕਿ ਇਸ ਕੇਸ ਦੀ ਸੁਣਵਾਈਪਿੱਛੋਂ ਕੇਸਦਾ ਫੈਸਲਾ ਆਉਣ ਦੀ ਆਸ ਸੀ, ਪਰ ਪਾਕਿਸਤਾਨੀ ਔਰਤ ਰਾਹਿਲਾ ਵਕੀਲ ਨੇ ਕੋਰਟ ਵਿੱਚ ਪਟੀਸ਼ਨ ਦਾਇਰ ਕਰ ਕੇ ਇਸ ਕੇਸ ਦੇ ਨਵੇਂ ਸਬੂਤ ਹੋਣ ਦਾ ਦਾਅਵਾ ਕੀਤਾ ਸੀ। ਪੰਚਕੂਲਾ ਦੀ ਐੱਨ ਆਈ ਆਈ ਕੋਰਟ ਵਿੱਚ ਪੈਂਡਿੰਗ ਸਮਝੌਤਾ ਐਕਸਪ੍ਰੈੱਸ ਧਮਾਕਾ ਕੇਸ ਦੀ ਚਸ਼ਮਦੀਦ ਪਾਕਿਸਤਾਨੀ ਔਰਤ ਰਾਹਿਲਾ ਵਕੀਲ ਨੇ ਪੰਜਾਬ ਹਰਿਆਣਾ ਹਾਈ ਕੋਰਟ ਵਿੱਚ ਪਟੀਸ਼ਨ ਦਾਇਰ ਕਰ ਕੇ ਕੋਈ ਫੈਸਲਾ ਸੁਣਾਉਣ ਤੋਂ ਪਹਿਲਾਂ ਉਸ ਨੂੰ ਸੁਣਵਾਈ ਦਾ ਮੌਕਾ ਦੇਣ ਦੀ ਮੰਗ ਕੀਤੀ ਹੈ। ਇਹ ਪਟੀਸ਼ਨ ਸ਼ੁੱਕਰਵਾਰ ਨੂੰ ਹਾਈ ਕੋਰਟ ਦੀ ਰਜਿਸਟਰੀ ਵਿੱਚ ਦਾਇਰ ਕੀਤੀ ਗਈ ਸੀ, ਜਿਸ ਉੱਤੇ ਹਾਈ ਕੋਰਟ ਅਗਲੇ ਹਫਤੇ ਸੁਣਵਾਈ ਕਰ ਸਕਦੀ ਹੈ।
ਪਾਕਿਸਤਾਨ ਦੇ ਹਾਜ਼ੀਆਬਾਦ ਦੀ ਰਾਹਿਲਾ ਵਕੀਲ ਨੇ ਉੱਤਰ ਪ੍ਰਦੇਸ਼ ਦੇ ਮਹਰੂਫ ਰਾਹੀਂ ਹਾਈ ਕੋਰਟਨੂੰ ਪਟੀਸ਼ਨ ਦੇ ਕੇ ਕਿਹਾ ਹੈ ਕਿ ਉਹ ਇਸ ਘਟਨਾ ਦੀ ਚਸ਼ਮਦੀਦ ਗਵਾਹ ਹੈ, ਪਰ ਅਜੇ ਇਸ ਕੇਸ ਵਿੱਚ ਉਸ ਦਾ ਪੱਖ ਸੁਣਿਆਨਹੀਂ ਗਿਆ। ਇਹ ਕੇਸ ਪੰਚਕੂਲਾ ਦੀ ਐੱਨ ਆਈ ਏ ਕੋਰਟ ਵਿੱਚ ਚੱਲ ਰਿਹਾ ਹੈ ਅਤੇ ਟਰਾਇਲ ਪੂਰਾ ਹੋ ਚੁੱਕਾ ਹੈ। ਪਟੀਸ਼ਨਰ ਨੇ ਦੱਸਿਆ ਕਿ ਇਸ ਕੇਸਦੇ ਮੁਆਵਜ਼ੇ ਲਈ ਰੇਲਵੇ ਟ੍ਰਿਬਿਊਨਲ ਵਿੱਚ ਕੇਸ ਚੱਲਦਾ ਸੀ, ਜਿੱਥੇ ਉਸ ਨੂੰ ਦਸੰਬਰ 2006 ਵਿੱਚ ਮੁਆਵਜ਼ਾ ਮਿਲ ਗਿਆ ਤਾਂ ਉਸ ਨੂੰ ਪਤਾ ਲੱਗਾ ਕਿ ਇਸ ਬਾਰੇ ਪੰਚਕੂਲਾ ਦੀ ਐੱਨ ਆਈ ਏ ਕੋਰਟ ਵਿੱਚ ਵੀ ਕੇਸ ਚੱਲਦਾ ਹੈ, ਜਿੱਥੇ ਟਰਾਇਲ ਪੂਰਾ ਹੋਣ ਵਾਲਾ ਹੈ। ਪਹਿਲਾਂ ਉਸ ਨੂੰ ਇਸ ਕੇਸ ਦੀ ਜਾਣਕਾਰੀ ਨਹੀਂ ਸੀ। ਇਸ ਲਈ ਇਸ ਘਟਨਾ ਦੇ ਮ੍ਰਿਤਕਾਂ ਤੇ ਪੀੜਤਾਂ ਨੂੰ ਸਹੀ ਨਿਆਂ ਦਿਵਾਉਣ ਲਈ ਪਟੀਸ਼ਨਰ ਦੇ ਬਿਆਨ ਰਿਕਾਰਡ ਕਰਵਾਏ ਜਾਣੇ ਚਾਹੀਦੇ ਹਨ। ਉਸ ਦਾ ਦੋਸ਼ ਹੈ ਕਿ ਉਸ ਦੀ ਮੰਗ ਨੂੰ ਪੰਚਕੂਲਾ ਦੀ ਐੱਨ ਆਈ ਏ ਕੋਰਟ ਮੰਨਣ ਨੂੰ ਤਿਆਰ ਨਹੀਂਜਾਪਦੀ ਅਤੇ ਕਿਹਾ ਜਾ ਰਿਹਾ ਹੈ ਕਿ ਇਹ ਕੇਸ ਲੰਬਾ ਖਿੱਚਣ ਦੇ ਮਕਸਦ ਨਾਲ ਇਸ ਤਰ੍ਹਾਂ ਦੀ ਅਰਜ਼ੀ ਦਾਇਰ ਕੀਤੀ ਜਾ ਰਹੀ ਹੈ।
18 ਫਰਵਰੀ 2007 ਨੂੰ ਭਾਰਤ ਤੇ ਪਾਕਿਸਤਾਨ ਵਿਚਾਲੇ ਚੱਲਦੀ ਸਮਝੌਤਾ ਐਕਸਪ੍ਰੈੱਸ ਵਿੱਚ ਧਮਾਕੇ ਹੋਏ ਸਨ। ਇਹ ਟਰੇਨ ਦਿੱਲੀ ਤੋਂ ਪਾਕਿਸਤਾਨ ਦੇ ਲਾਹੌਰ ਸ਼ਹਿਰ ਤੱਕ ਜਾਂਦੀ ਹੈ। ਧਮਾਕੇ ਹਰਿਆਣਾ ਦੇ ਪਾਣੀਪਤ ਜ਼ਿਲੇ ਦੇ ਦੀਵਾਨਾ ਸਟੇਸ਼ਨ ਨੇੜੇ ਹੋਏ ਸਨ ਤੇ ਉਸ ਤੋਂ ਬਾਅਦ ਲੱਗੀ ਅੱਗ ਵਿੱਚ 68 ਵਿਅਕਤੀਆਂ ਦੀ ਮੌਤ ਹੋ ਗਈ ਅਤੇ 13 ਹੋਰ ਜ਼ਖਮੀ ਹੋਏ ਸਨ। ਮ੍ਰਿਤਕਾਂ ਵਿੱਚ 10 ਭਾਰਤੀ ਨਾਗਰਿਕ ਸਨ। ਕੇਸ ਦੀ ਅਗਲੀਸੁਣਵਾਈ 20 ਮਾਰਚ ਨੂੰ ਹੋਵੇਗੀ।