ਲੰਡਨ, 14 ਮਾਰਚ (ਪੋਸਟ ਬਿਊਰੋ) : ਬ੍ਰਿਟੇਨ ਦੇ ਨੀਤੀਘਾੜੇ ਹੁਣ ਇਸ ਮੁੱਦੇ ਉੁੱਤੇ ਵੋਟ ਕਰਨ ਦੀ ਤਿਆਰੀ ਕਰ ਰਹੇ ਹਨ ਕਿ ਉਹ ਬ੍ਰਿਟੇਨ ਦੇ ਯੂਰਪੀਅਨ ਯੂਨੀਅਨ ਨਾਲੋਂ ਤੋੜ ਵਿਛੋੜੇ ਨੂੰ ਅਜੇ ਹੋਰ ਦੇਰ ਰੋਕਣਾ ਚਾਹੁੰਦੇ ਹਨ। ਇਸ ਨਾਲ ਪ੍ਰਧਾਨ ਮੰਤਰੀ ਥੈਰੇਸਾ ਮੇਅ ਨੂੰ ਵੱਡਾ ਝਟਕਾ ਲੱਗਿਆ ਹੈ।
ਬੁੱਧਵਾਰ ਨੂੰ ਦੇਰ ਨਾਲ ਹੋਈ ਵੋਟਿੰਗ ਤੋਂ ਇਹ ਸਾਹਮਣੇ ਆਇਆ ਸੀ ਕਿ ਬਿਨਾਂ ਕਿਸੇ ਡੀਲ ਤੋਂ ਯੂਰਪੀਅਨ ਯੂਨੀਅਨ ਛੱਡਣ ਦਾ ਫੈਸਲਾ ਬ੍ਰਿਟੇਨ ਦੇ ਨੀਤੀਘਾੜਿਆਂ ਨੂੰ ਮਨਜੂਰ ਨਹੀਂ। ਮੇਅ ਵੱਲੋਂ ਨੋ-ਡੀਲ ਵਾਲੇ ਬਦਲ ਦੀ ਚੋਣ ਕਰਨ ਦੀ ਥਾਂ ਦਰਜਨਾਂ ਭਰ ਸਰਕਾਰੀ ਮੰਤਰੀਆਂ ਨੇ ਵੋਟ ਨਾ ਕਰਨ ਦਾ ਫੈਸਲਾ ਲਿਆ ਤੇ ਬਹੁਤੇ ਇਸ ਡੀਲ ਦੇ ਉਲਟ ਭੁਗਤੇ।
ਇਹ ਵੀ ਪਤਾ ਲੱਗਿਆ ਹੈ ਕਿ ਹੁਣ ਮੇਅ ਆਪਣੀ ਬ੍ਰੈਗਜਿਟ ਡੀਲ ਲਈ ਨੀਤੀਘਾੜਿਆਂ ਦਾ ਸਮਰਥਨ ਹਾਸਲ ਕਰਨ ਵਾਸਤੇ ਤੀਜੀ ਕੋਸਿਸ ਕਰਨ ਜਾ ਰਹੀ ਹੈ।