ਪਿਛਲੇ ਮਹੀਨੇ ਸਾਜਿਦ ਨਾਡਿਆਡਵਾਲਾ ਨੇ ਆਪਣੇ ਜਨਮ ਦਿਨ ਉੱਤੇ ਆਪਣੇ ਦੋਸਤਾਂ ਦੇ ਪਰਵਾਰ ਨਾਲ ਇੱਕ ਵੱਡੀ ਪਾਰਟੀ ਦਾ ਪਲਾਨ ਬਣਾਇਆ ਸੀ, ਪਰ ਪੁਲਵਾਮਾ ਹਮਲੇ ਵਿੱਚ ਭਾਰਤੀ ਜਵਾਨਾਂ ਦੀ ਮੌਤ ਕਾਰਨ ਉਸ ਨੇ ਆਪਣੇ ਸਾਰੇ ਪਲਾਨ ਰੱਦ ਕਰ ਦਿੱਤੇ ਸਨ। ਆਪਣੇ ਦਫਤਰ ਵਿੱਚ ਉਸ ਨੇ ਸਾਰਿਆਂ ਲਈ ਸਖਤ ਹੁਕਮ ਜਾਰੀ ਕੀਤਾ ਹੋਇਆ ਸੀ ਕਿ ਉਹ ਕਿਸੇ ਤਰ੍ਹਾਂ ਦੀ ਬਰਥਡੇ ਸੈਲੀਬਰੇਸ਼ਨ ਨਹੀਂ ਚਾਹੰੁਦਾ।
ਉਸ ਦਾ ਦੋਸਤ ਅਕਸ਼ੈ ਕੁਮਾਰ ਉਸ ਨੂੰ ਸਰਪ੍ਰਾਈਜ਼ ਦਿੰਦੇ ਹੋਏ ਉਸ ਦੇ ਜਨਮ ਦਿਨ ਵਾਲੇ ਦਿਨ ਅਚਾਨਕ ਉਸ ਨੂੰ ਮਿਲਣ ਆ ਗਿਆ। ਅਕਸ਼ੈ ਨੂੰ ਪਤਾ ਲੱਗਾ ਕਿ ਸਾਜਿਦ ਆਪਣੇ ਆਫਿਸ ਵਿੱਚ ਹੋਵੇ ਤਾਂ ਆਪਣੇ ਇਸ ਫਿਲਮਕਾਰ ਦੋਸਤ ਨਾਲ ਕੁਝ ਸਮਾਂ ਗੁਜ਼ਾਰਨ ਲਈ ਉਸ ਕੋਲ ਪਹੁੰਚ ਗਿਆ। ਦੋਵੇਂ ਬੈਠ ਕੇ ਬਹੁਤ ਦੇਰ ਗੱਲਾਂ ਕਰਦੇ ਰਹੇ। ਦੱਸਿਆ ਜਾਂਦਾ ਹੈ ਕਿ ਅਕਸ਼ੈ ਅਤੇ ਸਾਜਿਦ ਵਿੱਚ ਪੱਕੀ ਦੋਸਤੀ ਹੈ। ਦੋਵੇਂ ਇੱਕ ਦੂਜੇ ਨੂੰ ਇੱਕ ਹੀ ਨਾਂਅ ਨਾਲ ਬੁਲਾਉਂਦੇ ਹਨ ਅਤੇ ਉਹ ਵੀ ਘੱਟ ਦਿਲਚਸਪ ਨਹੀਂ ਹੈ। ਦੋਵਾਂ ਨੇ ਇੱਕ ਦੂਜੇ ਦਾ ਨਾਂਅ ‘ਸੰਡੀ’ ਰੱਖਿਆ ਹੋਇਆ ਹੈ। ਉਹ ਦੋਵੇਂ ਮਿਲ ਕੇ ਕਈ ਸਫਲ ਫਿਲਮਾਂ ਬਣਾ ਚੁੱਕੇ ਹਨ ਤੇ ਜੁਹੂ 'ਚ ਇੱਕ ਦੂਜੇ ਦੇ ਗੁਆਂਢ 'ਚ ਰਹਿੰਦੇ ਹਨ।