Welcome to Canadian Punjabi Post
Follow us on

20

May 2019
ਅੰਤਰਰਾਸ਼ਟਰੀ

ਤਾਲਿਬਾਨ ਦਾ ਨੇਤਾ ਕਈ ਸਾਲਾਂ ਤੱਕ ਅਮਰੀਕੀ ਫੌਜ ਦੇ ਕੈਂਪ ਕੋਲ ਅਫਗਾਨਿਸਤਾਨ ਵਿੱਚ ਛੁਪਿਆ ਰਿਹਾ

March 13, 2019 09:49 AM

ਨਿਊ ਯਾਰਕ, 12 ਮਾਰਚ (ਪੋਸਟ ਬਿਊਰੋ)- ਅੱਤਵਾਦੀ ਸੰਗਠਨ ਤਾਲਿਬਾਨ ਨੇਤਾ ਮੁੱਲਾ ਉਮਰ ਅਫਗਾਨਿਸਤਾਨ ਵਿੱਚ ਕਈ ਸਾਲਾਂ ਤੱਕ ਅਮਰੀਕੀ ਫੌਜੀ ਕੈਂਪ ਦੇ ਨੇੜੇ ਲੁਕਿਆ ਰਿਹਾ ਅਤੇ ਫੌਜ ਨੂੰ ਭਣਕ ਤੱਕ ਨਹੀਂ ਲੱਗੀ।
ਬੀ ਬੀ ਸੀ ਦੀ ਰਿਪੋਰਟ ਮੁਤਾਬਕ ਅਮਰੀਕੀ ਏਜੰਸੀਆਂ ਲੰਬੇ ਸਮੇਂ ਤੱਕ ਇਹ ਮੰਨਦੀਆਂ ਰਹੀਆਂ ਹਨ ਕਿ ਮੁੱਲਾ ਉਮਰ ਦਾ ਗੁਪਤ ਟਿਕਾਣਾ ਪਾਕਿਸਤਾਨ ਵਿੱਚ ਕਿਸੇ ਥਾਂ ਹੁੰਦਾ ਸੀ। ਡਚ ਪੱਤਰਕਾਰ ਬੈੱਟੀ ਡੈਮ ਨੇ ਆਪਣੀ ਕਿਤਾਬ ‘ਦ ਸੀਕ੍ਰੇਟ ਲਾਈਫ ਆਫ ਮੁੱਲਾ ਉਮਰ’ ਵਿੱਚ ਦਾਅਵਾ ਕੀਤਾ ਹੈ ਕਿ ਮੁੱਲਾ ਉਮਰ ਆਪਣੇ ਅਫਗਾਨੀ ਸੂਬੇ ਜਾਬੁਲ ਵਿਚਲੇ ਅਮਰੀਕੀ ਫੌਜੀ ਅੱਡੇ ਤੋਂ ਸਿਰਫ ਤਿੰਨ ਮੀਲ ਦੂਰ ਇੱਕ ਜਗ੍ਹਾ 'ਤੇ ਲੁਕਿਆ ਸੀ। ਡੈਮ ਨੇ ਪੰਜ ਸਾਲ ਤੱਕ ਡੂੰਘੀ ਖੋਜ ਅਤੇ ਤਾਲਿਬਾਨ ਦੇ ਮੈਂਬਰਾਂ ਨਾਲ ਇੰਟਰਵਿਊ ਦੇ ਬਾਅਦ ਇਕੱਠੀ ਕੀਤੀ ਜਾਣਕਾਰੀ ਦੇ ਆਧਾਰ ਉੱਤੇ ਇਹ ਕਿਤਾਬ ਲਿਖੀ ਹੈ। ਡਚ ਭਾਸ਼ਾ ਵਿੱਚ ਛਪੀ ਇਸ ਕਿਤਾਬ ਦਾ ਅੰਗਰੇਜ਼ੀ ਐਡੀਸ਼ਨ ਵੀ ਜਲਦੀ ਆਉਣ ਵਾਲਾ ਹੈ। ਅਮਰੀਕਾ ਦੇ ਵਰਲਡ ਟ੍ਰੇਡ ਸੈਂਟਰ 'ਤੇ ਹਮਲੇ ਦੇ ਬਾਅਦ ਅਮਰੀਕੀ ਸਰਕਾਰ ਨੇ ਮੁੱਲਾ ਉਮਰ ਦੇ ਸਿਰ 'ਤੇ ਇੱਕ ਕਰੋੜ ਡਾਲਰ ਦਾ ਇਨਾਮ ਰੱਖਿਆ ਸੀ। ਇਸ ਦੇ ਬਾਅਦ ਕਈ ਸਾਲ ਅਮਰੀਕੀ ਖੁਫੀਆ ਏਜੰਸੀਆਂ ਮੁੱਲਾ ਉਮਰ ਦੀ ਤਲਾਸ਼ ਕਰਦੀਆਂ ਰਹੀਆਂ ਅਤੇ ਮੁੱਲਾ ਉਮਰ ਉਨ੍ਹਾਂ ਦੇ ਫੌਜੀ ਅੱਡੇ ਨੇੜੇ ਲੁਕਿਆ ਰਿਹਾ ਸੀ। ਸਾਲ 2001 ਵਿੱਚ ਅਫਗਾਨਿਸਤਾਨ ਵਿੱਚ ਤਾਲਿਬਾਨ ਸਰਕਾਰ ਦੇ ਖਾਤਮੇ ਦੇ ਬਾਅਦ ਸਾਲ 2013 ਵਿੱਚ ਆਪਣੀ ਮੌਤ ਤੱਕ ਮੁੱਲਾ ਉਮਰ ਦੁਨੀਆ ਦੀਆਂ ਨਜ਼ਰਾਂ ਤੋਂ ਓਝਲ ਰਿਹਾ।
ਮੁੱਲਾ ਉਮਰ ਦੇ ਅੰਡਰਗਰਾਊਂਡ ਹੋਣ ਪਿੱਛੋਂ ਜੱਬਾਰ ਨਾਂਅ ਦੇ ਬੰਦੇ ਨੇ ਉਸ ਦੇ ਗੰਨਮੈਨ ਦੀ ਭੂਮਿਕਾ ਨਿਭਾਈ ਸੀ। ਡਚ ਪੱਤਰਕਾਰ ਬੈੱਟੀ ਡੈਮ ਨੇ ਜੱਬਾਰ ਓਮਾਰੀ ਨਾਲ ਗੱਲਬਾਤ ਕੀਤੀ ਸੀ। ਇਸ ਕਿਤਾਬ ਮੁਤਾਬਕ ਅਮਰੀਕੀ ਸੁਰੱਖਿਆ ਬਲਾਂ ਨੇ ਇੱਕ ਮੌਕੇ ਮੁੱਲਾ ਉਮਰ ਦੇ ਟਿਕਾਣੇ ਦੀ ਤਲਾਸ਼ੀ ਵੀ ਲਈ, ਪਰ ਉਹ ਉਸ ਦੇ ਗੁਪਤ ਟਿਕਾਣੇ ਦਾ ਪਤਾ ਨਹੀਂ ਸੀ ਲਾ ਸਕੀਆਂ। ਇਹ ਟਿਕਾਣਾ 1000 ਫੌਜੀਆਂ ਦੀ ਹਾਜ਼ਰੀ ਵਾਲੇ ਅਮਰੀਕੀ ਫੌਜੀ ਅੱਡੇ ਤੋਂ ਸਿਰਫ ਤਿੰਨ ਮੀਲ ਦੂਰ ਸੀ।

Have something to say? Post your comment
ਹੋਰ ਅੰਤਰਰਾਸ਼ਟਰੀ ਖ਼ਬਰਾਂ
ਅਮਰੀਕਾ ਵਿੱਚ ਪੰਜਾਬੀ ਵੱਲੋਂ ਦੋ ਬੱਚੇ ਕਾਰ 'ਚ ਸਾੜਨ ਤੋਂ ਬਾਅਦ ਖੁਦਕੁਸ਼ੀ
ਅਮਰੀਕਾ ਵਿੱਚ ਹਾਦਸੇ ਦੌਰਾਨ ਦੋ ਸਿੱਖ ਨੌਜਵਾਨਾਂ ਦੀ ਮੌਤ
ਲਾਹੌਰ ਹਾਈ ਕੋਰਟ ਨੇ ਫੈਡਰਲ ਇਨਵੈਸਟੀਗੇਸ਼ਨ ਏਜੰਸੀ ਖਿਲਾਫ ਸਿ਼ਕਾਇਤ ਦਾ ਨੋਟਿਸ ਲਿਆ
ਟਰੰਪ ਨੇ ਹੁਆਵੇਈ ਤੇ ਉਸਦੀਆਂ ਸਹਿਯੋਗੀ ਕੰਪਨੀਆਂ ਨੂੰ ਬਲੈਕ ਲਿਸਟ ਕੀਤਾ
ਹੇਟ ਸਪੀਚ ਤੇ ਗਲਤ ਜਾਣਕਾਰੀ ਰੋਕਣ ਲਈ ਕੈਨੇਡਾ ਜਲਦ ਪੇਸ਼ ਕਰੇਗਾ ਡਿਜੀਟਲ ਚਾਰਟਰ : ਟਰੂਡੋ
ਭਾਰਤ ਦੱਖਣ ਪੂਰਬੀ ਏਸ਼ੀਅਨ ਅਤੇ ਖਾੜੀ ਦੇਸ਼ਾਂ ਨੂੰ ਮਿਜ਼ਾਈਲ ਵੀ ਵੇਚੇਗਾ
ਪਤਨੀ ਦੇ ਕਤਲ ਕੇਸ ਵਿੱਚ ਫਸੇ ਗੁਰਪ੍ਰੀਤ ਸਿੰਘ ਨੇ ਅਦਾਲਤ ਤੋਂ ਇਨਸਾਫ ਮੰਗਿਆ
ਨਿਊਜ਼ੀਲੈਂਡ ਦੀਆਂ ਜੇਲ੍ਹਾਂ ਵਿੱਚ 250 ਤੋਂ ਵੱਧ ਭਾਰਤੀ
ਸਾਨ ਫਰਾਂਸਿਸਕੋ ਵਿੱਚ ਹਵਾਈ ਅੱਡੇ ਉੱਤੇ ਚਿਹਰਾ ਪਛਾਨਣ ਵਾਲੀ ਤਕਨੀਕ ਉੱਤੇ ਪਾਬੰਦੀ
ਭਾਰਤੀ ਉਡਾਣਾਂ ਲਈ ਪਾਕਿਸਤਾਨ 30 ਮਈ ਤੱਕ ਹਵਾਈ ਖੇਤਰ ਬੰਦ ਰੱਖੇਗਾ