Welcome to Canadian Punjabi Post
Follow us on

28

March 2024
ਬ੍ਰੈਕਿੰਗ ਖ਼ਬਰਾਂ :
ਬੱਸ ਵਿੱਚ ਮਹਿਲਾ ਉੱਤੇ ਇੱਕ ਵਿਅਕਤੀ ਨੇ ਕੀਤਾ ਹਮਲਾ, ਮਹਿਲਾ ਜ਼ਖ਼ਮੀਜਾਅਲੀ ਇਨਕਮ ਬੈਨੇਫਿਟ ਹਾਸਲ ਕਰਨ ਵਾਲੇ 232 ਮੁਲਾਜ਼ਮਾਂ ਨੂੰ ਸੀਆਰਏ ਨੇ ਕੱਢਿਆਫੋਰਡ ਸਰਕਾਰ ਨੇ ਪੇਸ਼ ਕੀਤਾ 214. 5 ਬਿਲੀਅਨ ਦੇ ਖਰਚੇ ਵਾਲਾ ਬਜਟਈਡੀ ਨੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਨੂੰ ਕੀਤਾ ਗ੍ਰਿਫ਼ਤਾਰਪ੍ਰਧਾਨ ਮੰਤਰੀ ਮੋਦੀ ਰੂਸੀ ਰਾਸ਼ਟਰਪਤੀ ਨੂੰ ਚੋਣਾਂ ਜਿੱਤਣ 'ਤੇ ਦਿੱਤੀ ਵਧਾਈ, ਯੂਕਰੇਨ ਦੇ ਰਾਸ਼ਟਰਪਤੀ ਜ਼ੇਲੇਨਸਕੀ ਨੂੰ ਵੀ ਕੀਤਾ ਫ਼ੋਨਗਾਜ਼ਾ ਦੇ ਸਭ ਤੋਂ ਵੱਡੇ ਹਸਪਤਾਲ ਨੇੜੇ ਬੰਬਾਰੀ, 50 ਲੜਾਕਿਆਂ ਦੇ ਮਾਰੇ ਜਾਣ ਦਾ ਸ਼ੱਕ ਮੁੱਖ ਮੰਤਰੀ ਭਗਵੰਤ ਮਾਨ ਸ਼ਹੀਦ ਕਾਂਸਟੇਬਲ ਅੰਮ੍ਰਿਤਪਾਲ ਸਿੰਘ ਦੇ ਘਰ ਪਹੁੰਚੇ, ਪਰਿਵਾਰ ਨਾਲ ਕੀਤਾ ਦੁੱਖ ਸਾਂਝਾ ਸੁਪਰੀਮ ਕੋਰਟ ਨੇ ਕੀਤਾ ਬਾਬਾ ਰਾਮਦੇਵ ਅਤੇ ਆਚਾਰੀਆ ਬਾਲਕ੍ਰਿਸ਼ਨ ਨੂੰ ਨੋਟਿਸ ਜਾਰੀ, ਪੁੱਛਿਆ, ਮਾਣਹਾਨੀ ਦੀ ਕਾਰਵਾਈ ਕਿਉਂ ਨਾ ਕੀਤੀ ਜਾਵੇੇ
 
ਸੰਪਾਦਕੀ

ਅੰਤਰਰਾਸ਼ਟਰੀ ਭਾਈਚਾਰੇ ਨਾਲ ਬਰੈਂਪਟਨ ਸ਼ਹਿਰ ਲਈ ਦੁਖਦਾਈ ਘੜੀਆਂ

March 12, 2019 09:39 AM

ਪੰਜਾਬੀ ਪੋਸਟ ਸੰਪਾਦਕੀ

10 ਮਾਰਚ ਨੂੰ ਈਥੋਪੀਆ ਏਅਰਲਾਈਨਜ਼ ਦੀ ਫਲਾਈਟ 302 ਦੇ ਹਾਦਸੇ ਵਿੱਚ ਹੋਈਆਂ 157 ਮੌਤਾਂ ਨੇ ਵਿਸ਼ਵ ਭਰ ਵਿੱਚ ਸ਼ੋਕ ਦਾ ਸੰਦੇਸ਼ ਫੈਲਾ ਦਿੱਤਾ ਹੈ। ਹਵਾਈ ਹਾਦਸੇ ਅਕਸਰ ਅੰਤਰਰਾਸ਼ਟਰੀ ਪੱਧਰ ਦੀ ਖਬਰ ਬਣਿਆ ਕਰਦੇ ਹਨ ਕਿਉਂਕਿ ਹਵਾਈ ਯਾਤਰਾ ਦਾ ਮਨੁੱਖ ਦੀ ਉਸ ਮਨੋਦਸ਼ਾ ਨਾਲ ਜੁੜਿਆ ਹੈ ਜੋ ਉੱਚਾ ਉੱਡਣ ਦਾ ਸੰਕਲਪ ਰੱਖਦੀ ਹੈ। ਈਥੋਪੀਅਨ ਏਅਰਲਾਈਨਜ਼ ਨੂੰ ਹੋਇਆ ਹਾਦਸਾ ਇਸ ਲਈ ਅੰਤਰਰਾਸ਼ਟਰੀ ਪੱਧਰ ਉੱਤੇ ਚਰਚਿਤ ਹੋਇਆ ਹੈ ਕਿਉਂਕਿ ਮਰਨ ਵਾਲੇ 157 ਵਿਅਕਤੀ 35 ਮੁਲਕਾਂ ਨਾਲ ਸਬੰਧਿਤ ਰੱਖਦੇ ਹਨ। ਇੱਕਲੇ ਕੈਨੇਡਾ ਦੇ 18 ਨਿਵਾਸੀ ਇਸ ਹਾਦਸੇ ਵਿੱਚ ਜਾਨਾਂ ਖੋਹ ਬੈਠੇ ਹਨ। ਪਰ ਜੇ ਇਸ ਦੁਖਾਂਤ ਨੂੰ ਸਥਾਨਕ ਲੈਂਜ਼ ਵਿੱਚੋਂ ਵੇਖਿਆ ਜਾਵੇ ਤਾਂ ਕੈਨੇਡਾ ਵਿੱਚ ਸੱਭ ਤੋਂ ਵੱਡਾ ਮਨੁੱਖੀ ਨੁਕਸਾਨ ਬਰੈਂਪਟਨ ਦਾ ਹੋਇਆ ਹੈ ਜਿਸਦੇ 6 ਵਸਨੀਕ ਮਾਰੇ ਗਏ ਹਨ।

 ਕਿਸੇ ਵੀ ਸ਼ਹਿਰ ਦੇ 6 ਵਿਅਕਤੀਆਂ ਦੀ ਅਚਾਨਕ ਮੌਤ ਹੋ ਜਾਣਾ ਸਚਮੁੱਚ ਦੁਖਦ ਘਟਨਾ ਹੈ। ਭਾਰਤ ਮੂਲ ਦੇ 45 ਸਾਲਾ ਪ੍ਰੇਰਿਤ ਦੀਕਸਿ਼ਤ, ਉਸਦੀ 37 ਸਾਲਾ ਪਤਨੀ ਕੋਸ਼ਾ ਵੈਦਿਆ, ਦੋ ਬੱਚੀਆਂ ਅਨੁਸ਼ਕਾ ਦੀਕਸਿ਼ਤ, ਆਸ਼ਾ ਦੀਕਸਿ਼ਤ ਅਤੇ ਕੋਸ਼ਾ ਵੈਦਿਆ ਦੇ ਮਾਪੇ 73 ਸਾਲਾ ਪੰਨਗੇਸ਼ ਵੈਦਿਆ ਅਤੇ 67 ਸਾਲਾ ਹੰਸਿਨੀ ਵੈਦਿਆ ਇਸ ਦੁਖਾਂਤ ਦਾ ਸਿ਼ਕਾਰ ਹੋਏ ਹਨ। ਬਰੈਂਪਟਨ ਮੇਅਰ ਪੈਟਰਿਕ ਬਰਾਊਨ ਨੇ ਇੱਕ ਬਿਆਨ ਜਾਰੀ ਕਰਕੇ ਪਰਿਵਾਰ ਨਾਲ ਦੁੱਖ ਦਾ ਇਜ਼ਹਾਰ ਕੀਤਾ ਹੈ ਜੋ ਸਹੀ ਵੀ ਹੈ ਪਰ ਸਹੀ ਨਹੀਂ ਵੀ। ਵੇਖਿਆ ਜਾਵੇ ਤਾਂ ਇਹ ਨੁਕਸਾਨ ਮਹਿਜ਼ ਪਰਿਵਾਰ ਦਾ ਨਹੀਂ (ਪਰਿਵਾਰ ਦੇ ਤਾਂ ਸਾਰੇ ਮੈਂਬਰ ਮੌਤ ਦਾ ਸਿ਼ਕਾਰ ਹੀ ਹੋ ਚੁੱਕੇ ਹਨ) ਸਗੋਂ ਸਮੁੱਚੇ ਸ਼ਹਿਰ ਦਾ ਹੈ। ਇੱਕ 2 ਵਿਅਕਤੀ ਜੁੜ ਕੇ ਸਮੁੱਚਾ ਸ਼ਹਿਰ ਬਣਦਾ ਹੈ ਅਤੇ ਕਿਸੇ ਗੈਰਕੁਦਰਤੀ ਮੌਤ ਦਾ ਸਿ਼ਕਾਰ ਹੋਣ ਵਾਲੇ ਹਰ ਵਿਅਕਤੀ ਦਾ ਸਾਥ ਦੇਣਾ ਸਿਟੀ ਦੇ ਮੇਅਰ ਸਮੇਤ ਹਰ ਸ਼ਹਿਰੀ ਦਾ ਫਰਜ਼ ਬਣਦਾ ਹੈ। ਇਹੋ ਜਿਹੇ ਮੌਕੇ ਰਸਮੀ ਸ਼ਬਦਾਵਲੀ ਵਾਲੇ ਸੰਦੇਸ ਤੋਂ ਕਿਤੇ ਵੱਧ ਸਗੋਂ ਮਨੁੱਖੀ ਭਾਵਨਾ ਵਿੱਚ ਲਬਰੇਜ਼ ਹੋਣੇ ਚਾਹੀਦੇ ਹਨ।

 ਇਸ ਲੜੀ ਵਿੱਚ ਪੀਲ ਡਿਸਟ੍ਰਕਿਟ ਬੋਰਡ ਦੀ ਗੱਲ ਕਰਨੀ ਬਣਦੀ ਹੈ। ਦੀਕਸਿ਼ਤ ਪਰਿਵਾਰ ਦੀਆਂ ਦੋਵੇਂ ਬੱਚੀਆਂ ਅਨੁਸ਼ਕਾ ਅਤੇ ਆਸ਼ਾ ਚਿੰਗੂਜ਼ੀ ਸੈਕੰਡਰੀ ਸਕੂਲ ਅਤੇ ਸੈਂਟੇਨੀਅਲ ਸੀਨੀਅਰ ਪਬਲਿਕ ਸਕੂਲ ਹੇਠ ਪੈਂਦੇ ਸਕੂਲਾਂ ਵਿੱਚ ਪੜਦੀਆਂ ਸਨ। ਸਕੂਲ ਬੋਰਡ ਦੇ ਫੇਸਬੁੱਕ ਪੇਜ ਉੱਤੇ ਸੈਂਕੜੇ ਮਾਪਿਆਂ ਅਤੇ ਬੱਚਿਆਂ ਨੇ ਅਫਸੋਸ ਜ਼ਾਹਰ ਕੀਤਾ ਹੈ। ਸਕੂਲ ਦੀ ਪ੍ਰਿੰਸੀਪਲ ਨੇ ਇੱਕ ਪੱਤਰ ਰਾਹੀਂ ਸਮੂਹ ਮਾਪਿਆਂ ਨੂੰ ਦੁੱਖ ਦੇ ਇਜ਼ਹਾਰ ਦੇ ਨਾਲ 2 ਮਾਪਿਆਂ ਨੂੰ ਸਲਾਹ ਦਿੱਤੀ ਹੈ ਕਿ ਉਹ ਬੱਚਿਆਂ ਦੇ ਮਨ ਉੱਤੇ ਪੈਣ ਵਾਲੇ ਅਸਰ ਨੂੰ ਘੱਟ ਕਰਨ ਪ੍ਰਤੀ ਗੰਭੀਰ ਰਹਿਣ। ਆਮ ਹੁੰਦਾ ਹੈ ਕਿ ਅਸੀਂ ਮੌਤ ਵਰਗੇ ਗੰਭੀਰ ਮੁੱਦੇ ਉੱਤੇ ਵੀ ਕਮਿਉਨਿਟੀ ਦੇ ਆਧਾਰ ਉੱਤੇ ਵੰਡ ਕੇ ਗੱਲ ਕਰਦੇ ਹਾਂ ਜਦੋਂ ਕਿ ਬੱਚੇ ਹਰ ਕਿਸਮ ਦੀ ਸੌੜੀ ਸੋਚ ਤੋਂ ਉੱਪਰ ਉੱਠ ਕੇ ਭਾਵਨਾਵਾਂ ਦੇ ਸਮੰੁਦਰ ਵਿੱਚ ਡੁੱਬ ਜਾਂਦੇ ਹਨ।

 ਜਿ਼ਆਦਾਤਰ ਬੱਚੇ ਆਪਣੇ ਸਦਮੇ ਨੂੰ ਮਾਪਿਆਂ ਨਾਲ ਇਸ ਲਈ ਸਾਂਝਾ ਨਹੀਂ ਕਰਦੇ ਕਿਉਂਕਿ ਉਹ ਭਾਂਪ ਜਾਂਦੇ ਹਨ ਕਿ ਪਰਿਵਾਰ ਵਿੱਚ ਸੰਵੇਦਨਸ਼ੀਲਤਾ ਨਹੀਂ ਪਾਈ ਜਾ ਰਹੀ। ਸਾਡਾ ਮੰਨਣਾ ਹੈਕਿ ਲੋੜ ਪੈਣ ਉੱਤੇ ਸੰਕਟ-ਕਾਲੀਨ ਕਾਉਂਸਲਿੰਗ ਸੇਵਾਵਾਂ ਹਾਸਲ ਕਰਨ ਤੋਂ ਗੁਰੇਜ਼ ਨਹੀਂ ਕਰਨਾ ਚਾਹੀਦਾ। ਇਸ ਵਿੱਚ ਪੀਲ ਕ੍ਰਾਸਿਸ ਰੀਸਪੌਂਸ (Peel Crisis Response – 7 days a week – 416-410-8615),  ਕਿਡਜ਼ ਹੈਲਪ ਲਾਈਨ (Kids Help Phone – 7 days a week – 1-800-668-6868) ਡਿਸਟ੍ਰੈਸ ਲਾਈਨ ਆਫ ਪੀਲ (Distress Line of Peel – 7 days a week – 905-278-7208) , ਕੈਨੇਡੀਅਨ ਮੈਂਟਲ ਹੈਲਥ ਐਸੋਸੀਏਸ਼ਨ(Canadian Mental Health Association for 16 and older – 905-278-9036) , ਪੀਲ ਚਿਲਡਰਨ ਸੈਂਟਰ (Peel Children's Centre (Monday to Friday) – 905-451-4655 ਅਤੇ ਟੇਂਜਰੀਨ ਵਾਕ ਇਨ ਕਾਉਂਸਲਿੰਗ  (Tangerine Walk-In Counselling (Tuesday to Thursday from 9 a.m. to 8 p.m.) – www.tangerinewalkin.com) ਸ਼ਾਮਲ ਹਨ। ਇਹਨਾਂ ਸ੍ਰੋਤਾਂ ਨੂੰ ਵੈਸੇ ਵੀ ਲੋੜ ਵੇਲੇ ਵਰਤਣ ਵਾਸਤੇ ਮਾਪੇ ਸੰਭਾਲ ਕੇ ਰੱਖ ਸਕਦੇ ਹਨ।

ਬੇਸ਼ੱਕ ਸੰਸਾਰ ਭਰ ਦੀ ਏਅਰਲਾਈਨਜ਼ ਇੰਡਸਟਰੀ ਵਿੱਚ ਬੋਇੰਗ ਜਹਾਜ਼ 737 ਦੇ ਉਡਾਣ ਭਰਨ ਉੱਤੇ ਪਾਬੰਦੀ ਲਾਏ ਜਾਣ ਦੀ ਗੱਲ ਚੱਲ ਰਹੀ ਹੈ। ਅਮਰੀਕਾ ਅਤੇ ਕੈਨੇਡਾ ਵੱਲੋਂ ਇਸ ਬਾਬਤ ਹਾਲੇ ਕੋਈ ਹਾਮੀ ਨਹੀਂ ਭਰੀ ਜਾ ਰਹੀ। ਇਹ ਮਸਲੇ ਕਾਰਪੋਰੇਟ ਪੱਧਰ ਦੇ ਹਨ ਜਿਹਨਾਂ ਬਾਰੇ ਫੈਸਲੇ ਕਈ ਪਰਤਾਂ ਦੇ ਉੱਤਰਨ ਤੋਂ ਬਾਅਦ ਹੋਇਆ ਕਰਦੇ ਹਨ। ਪਰ ਸਾਡਾ ਨੁਕਤਾ ਹੈ ਕਿ ਬਰੈਂਪਟਨ ਵਰਗੀ ਸਥਾਨਕ ਕਮਿਉਨਿਟੀ ਨੂੰ ਆਪਣੇ ਹਮਸਾਇਆਂ ਦੇ ਚਲੇ ਜਾਣ ਦੇ ਅਫਸੋਸ ਵਿੱਚ ਇੱਕ ਹੋ ਜਾਣਾ ਜਰੂਰੀ ਹੈ ਨਾ ਕਿ ਮਹਿਜ਼ ਪਰਿਵਾਰ ਲਈ ਅਫਸੋਸ ਦਾ ਸੁਨੇਹਾ ਦੇ ਕੇ ਕੰਮ ਖਤਮ ਹੋ ਜਾਣਾ ਚਾਹੀਦਾ ਹੈ।

 

 
Have something to say? Post your comment
ਹੋਰ ਸੰਪਾਦਕੀ ਖ਼ਬਰਾਂ
ਮੁੱਖ ਮੰਤਰੀਆਂ ਦੀ ਮੀਟਿੰਗ ਵਿੱਚ ਪਾਣੀਆਂ ਬਾਰੇ ਪੰਜਾਬ ਦਾ ਪੱਖ ਹੋਰ ਵੀ ਮਜ਼ਬੂਤ ਹੋ ਗਿਐ ਭਾਰਤ ਵਿੱਚ ਅਧੋਗਤੀ ਵਰਤਾਰੇ ਲਈ ਧਰਮ ਨਿਰਪੱਖ ਧਿਰਾਂ ਵੀ ਘੱਟ ਜਿ਼ਮੇਵਾਰ ਨਹੀਂ ਭਾਰਤ ਲਈ ਹਨੇਰਾ ਸਮਾਂ ਹੈ, ਜਿੱਥੇ ਰਾਹ ਦਿਖਾਉਣ ਵਾਲਾ ਜੁਗਨੂੰ ਵੀ ਕੋਈ ਨਹੀਂ ਲੱਭਦਾ ਲੀਡਰਾਂ ਨੇ ਪੈਦਾ ਕੀਤੀ ਹੈ ‘ਕੋਈ ਲੀਡਰ ਭਰੋਸੇ ਦੇ ਯੋਗ ਨਹੀਂ’ ਵਾਲੀਆਮ ਲੋਕਾਂ ਦੀ ਮਾਨਸਿਕਤਾ ਆਉ ਇਸ ਦੀਵਾਲੀ ਤੇ ਇੰਨਸਾਨੀਅਤ ਦੇ ਨਾਤੇ ਪੂਰੇ ਸੰਸਾਰ ਲਈ ਅਮਨ – ਅਮਾਨ , ਸ਼ਾਤੀ ਲਈ ਅਰਦਾਸ ਕਰੀਏ ਵੱਖੋ-ਵੱਖੋ ਰਾਜਾਂ ਵਿੱਚ ਗਵਰਨਰਾਂ ਦੀ ਮੌਕੇ ਮੁਤਾਬਕ ਮਰਜ਼ੀ ਸੰਵਿਧਾਨ ਦੇ ਮੁਤਾਬਕ ਨਹੀਂ ਮੰਨੀ ਜਾ ਸਕਦੀ ਇਜ਼ਰਾਈਲ ਅਤੇ ਹਮਾਸ ਵਿਚਕਾਰ ਸੰਘਰਸ਼ ਨੂੰ ਸ਼ਾਂਤੀਪੂਰਵਕ ਹੱਲ ਕੀਤਾ ਜਾਣਾ ਚਾਹੀਦਾ ਹੈ ਬੇਅਸੂਲੇ ਸਮਝੌਤਿਆਂ ਅਤੇ ਪੈਂਤੜਿਆਂ ਪਿੱਛੋਂ ਦਰਿਆਵਾਂ ਦੇ ਪਾਣੀ ਵਿੱਚ ਮਧਾਣੀ ਘੁੰਮਾਉਣ ਦੀ ਰਾਜਨੀਤੀ ਟਰੂਡੋ ਵਲੋਂ ਭਾਰਤ ਤੇ ਲਾਏ ਹਰਦੀਪ ਸਿੰਘ ਨਿੱਜਰ ਕਤਲ ਦੇ ਦੋਸ਼ ਕਿੰਨੇ ਕੁ ਸਹੀ ? ਟਰੂਡੋ ਤੇ ਟਰੰਪ ਸੁਰਖ਼ੀਆਂ ‘ਚ ਰਹਿਣ ਵਾਲੇ ਲੀਡਰ