Welcome to Canadian Punjabi Post
Follow us on

20

July 2019
ਬ੍ਰੈਕਿੰਗ ਖ਼ਬਰਾਂ :
ਮੋਦੀ ਨੇ ਅੱਜ ਬਹੁਮਤ ਹਾਸਿਲ ਕੀਤਾ। ਇਸਦੇ ਨਾਲ ਹੀ ਉਨ੍ਹਾਂ ਨੇ ਆਪਣੇ ਨਾਲੋਂ ਚੌਕੀਦਾਰ ਸ਼ਬਦ ਹਟਾ ਦਿੱਤਾ ਹੈ। ਇਸ ਬਾਰੇ ਉਨ੍ਹਾਂ ਨੇ ਟਵੀਟ ਕੀਤਾ ਹੈ। ਇਕ ਵਾਰ ਫਿਰ ਆਈ ਮੋਦੀ ਸਰਕਾਰ ਮੋਦੀ ਦੀ ਜਿੱਤ ਉੱਤੇ ਪਾਕਿਸਤਾਨ ਦੇ ਪ੍ਰਧਾਨਮੰਤਰੀ ਇਮਰਾਨ ਖਾਨ ਨੇ ਕੀਤਾ ਟਵੀਟਪਟਿਆਲਾ ਹਲਕੇ ਤੋਂ ਪਰਨੀਤ ਕੌਰ ਦੀ ਜਿੱਤ, ਰੱਖੜਾ ਦੀ ਹੋਈ ਹਾਰ ਜਲੰਧਰ ਹਲਕੇ ਤੋਂ ਸੰਤੋਖ ਚੌਧਰੀ ਦੀ ਜਿੱਤ, ਅਕਾਲੀ ਦਲ ਦੇ ਉਮੀਦਵਾਰ ਚਰਨਜੀਤ ਸਿੰਘ ਅਟਵਾਲ ਦੀ ਹੋਈ ਹਾਰ ਫਿਰੋਜ਼ਪੁਰ ਹਲਕੇ ਤੋਂ ਸੁਖਬੀਰ ਸਿੰਘ ਬਾਦਲ ਦੀ 2 ਲੱਖ ਤੋਂ ਵੱਧ ਵੋਟਾਂ ਨਾਲ ਜਿੱਤ, ਘੁਬਾਇਆ ਦੀ ਹੋਈ ਹਾਰ ਬਠਿੰਡਾ ਹਲਕੇ 'ਚੋਂ ਹਰਸਿਮਰਤ ਕੌਰ ਬਾਦਲ ਦੀ ਜਿੱਤ, ਰਾਜਾ ਵੜਿੰਗ ਦੀ ਹਾਰ ਖਡੂਰ ਸਾਹਿਬ ਹਲਕੇ ਤੋਂ ਜਸਬੀਰ ਸਿੰਘ ਡਿੰਪਾ ਦੀ 5365 ਵੋਟਾਂ ਨਾਲ ਜਿੱਤ, ਬੀਬੀ ਜਗੀਰ ਕੌਰ ਦੀ ਹਾਰ
ਭਾਰਤ

ਭਾਰਤ ਵਿੱਚ ਪਾਰਲੀਮੈਂਟ ਚੋਣਾਂ ਲਈ ਤਰੀਕਾਂ ਦਾ ਐਲਾਨ

March 11, 2019 10:30 AM

* ਸੱਤ ਗੇੜਾਂ ਵਿੱਚ 11 ਅਪਰੈਲ ਤੋਂ 19 ਮਈ ਤੱਕ ਵੋਟਾਂ ਪੈਣਗੀਆਂ
* ਨਤੀਜੇ ਦਾ ਐਲਾਨ 23 ਮਈ ਨੂੰ ਕੀਤਾ ਜਾਵੇਗਾ

ਨਵੀਂ ਦਿੱਲੀ, 10 ਮਾਰਚ, (ਪੋਸਟ ਬਿਊਰੋ)- ਭਾਰਤ ਦੀ ਪਾਰਲੀਮੈਂਟ ਦੇ ਹੇਠਲੇ ਸਦਨ ਲੋਕ ਸਭਾਲਈ ਚੋਣਾਂ ਤਰੀਕਾਂ ਦਾ ਐਲਾਨ ਅੱਜ ਕਰ ਦਿੱਤਾ ਗਿਆ ਹੈ। ਇਸ ਵਾਰ ਇਹ ਪਾਰਲੀਮੈਂਟ ਚੋਣਾਂ 7 ਗੇੜ ਵਿੱਚ ਹੋਣਗੀਆਂ। ਵੋਟਾਂ ਪਾਉਣ ਵਾਲਾ ਅਮਲ 11 ਅਪ੍ਰੈਲ ਤੋਂ ਸ਼ੁਰੂ ਹੋਵੇਗਾ ਤੇ ਆਖਰੀ ਗੇੜ ਲਈ 19 ਮਈ ਨੂੰ ਵੋਟਾਂ ਪਾਈਆਂ ਜਾਣਗੀਆਂ। ਇਸ ਦੇ ਬਾਅਦ 23 ਮਈ ਨੂੰ ਵੋਟਾਂ ਦੀ ਗਿਣਤੀ ਹੋਵੇਗੀ ਅਤੇ ਨਤੀਜੇ ਸਾਹਮਣੇ ਆਉਣਗੇ।
ਅੱਜ ਏਥੇ ਵਿਸ਼ੇਸ਼ ਤੌਰ ਉੱਤੇ ਸੱਦੀ ਗਈ ਪ੍ਰੈੱਸ ਕਾਨਫ਼ਰੰਸ ਵਿੱਚਭਾਰਤ ਦੇ ਮੁੱਖ ਚੋਣ ਕਮਿਸ਼ਨਰ ਸੁਨੀਲ ਅਰੋੜਾ ਨੇ ਕਿਹਾ ਕਿ ਇਨ੍ਹਾਂ ਪਾਰਲੀਮੈਂਟ ਚੋਣਾਂ ਵਿੱਚ 90 ਕਰੋੜ ਲੋਕ ਆਪਣਾਵੋਟ ਅਧਿਕਾਰ ਵਰਤਣਗੇ, ਜਿਨ੍ਹਾਂਵਿੱਚ 8 ਕਰੋੜ 40 ਲੱਖ ਨਵੇਂ ਵੋਟਰ ਸ਼ਾਮਲ ਹੋਣਗੇ। ਉਨ੍ਹਾਂ ਦੱਸਿਆ ਕਿ 10 ਲੱਖ ਪੋਲਿੰਗ ਸਟੇਸ਼ਨ ਬਣਾਏ ਜਾਣਗੇ ਤੇ ਸਾਰੇ ਵੋਟ ਕੇਂਦਰਾਂ ਵਿੱਚ ਵੋਟਿੰਗ ਮਸ਼ੀਨਾਂ ਉੱਤੇ ਵੋਟ ਦਾ ਸਬੂਤ ਦੇਣ ਵਾਲੀ ਪਰਚੀ ਕੱਢਣ ਵਾਲੀ ਵੀ ਵੀ ਪੈਟ ਮਸ਼ੀਨ ਦੀ ਵੀ ਵਰਤੋਂ ਕੀਤੀ ਜਾਵੇਗੀ। ਵੋਟ ਪਾਉਣ ਪਿੱਛੋਂ ਹਰ ਵੋਟਰ ਨੂੰ ਆਪਣੀ ਵੋਟ ਦੀ ਪਰਚੀ ਮਿਲੇਗੀ ਅਤੇ ਇਸ ਵਾਰ ਇਲੈਕਟਰਾਨਿਕ ਵੋਟਿੰਗ ਮਸ਼ੀਨਾਂ (ਈ ਵੀ ਐੱਮ)ਉੱਤੇ ਉਮੀਦਵਾਰਾਂ ਦੀਆਂ ਤਸਵੀਰਾਂ ਵੀ ਹੋਣਗੀਆਂ।
ਮੁੱਖ ਚੋਣ ਕਮਿਸ਼ਨਰ ਨੇ ਦੱਸਿਆ ਕਿ ਵੋਟਿੰਗ ਤੋਂ 48 ਘੰਟੇ ਪਹਿਲਾਂ ਸਾਰੇ ਉਮੀਦਵਾਰਾਂ ਨੂੰ ਆਪੋ-ਆਪਣਾ ਪ੍ਰਚਾਰ ਬੰਦ ਕਰਨਾ ਹੋਵੇਗਾ। ਉਨ੍ਹਾਂ ਦੱਸਿਆ ਕਿ ਲੋਕ ਸਭਾ ਚੋਣਾਂ ਦੌਰਾਨ ਸਾਰੇ ਚੋਣ ਅਧਿਕਾਰੀਆਂ ਦੀਆਂ ਗੱਡੀਆਂ ਵਿੱਚ ਜੀ ਪੀ ਐੱਸਸਿਸਟਮ ਹੋਵੇਗਾ ਤੇ ਆਮ ਲੋਕਾਂ ਵੱਲੋਂ ਮੋਬਾਈਲ ਐਪ ਨਾਲ ਵੀ ਚੋਣ ਕਮਿਸ਼ਨ ਨੂੰ ਜ਼ਾਬਤੇ ਦੀ ਕਿਸੇ ਉਲੰਘਣਾ ਬਾਰੇ ਜਾਣਕਾਰੀ ਭੇਜੀ ਜਾ ਸਕਦੀ ਹੈ, ਜਿਸ ਉੱਤੇ 10 ਮਿੰਟ ਵਿੱਚ ਕਾਰਵਾਈ ਹੋਵੇਗੀ। ਉਨ੍ਹਾਂ ਕਿਹਾ ਕਿ ਜਿਹੜਾ ਉਮੀਦਵਾਰ ਫ਼ਾਰਮ-26 ਵਿੱਚਸਭ ਸੰਬੰਧਤ ਸੂਚਨਾਵਾਂ ਨਹੀਂ ਦੇਂਦਾ, ਉਸ ਦੀ ਨਾਮਜ਼ਦਗੀ ਰੱਦ ਹੋ ਜਾਵੇਗੀ। ਜਾਰੀ ਕੀਤੇ ਗਏ ਚੋਣ ਪ੍ਰੋਗਰਾਮ ਮੁਤਾਬਕ ਪੰਜਾਬ ਵਿੱਚ ਵੋਟਾਂ ਪਾਉਣ ਦਾ ਕੰਮ ਆਖਰੀ ਗੇੜ ਵਿੱਚ 19 ਮਈ ਨੂੰ ਹੋਵੇਗਾ।
ਚੋਣਾਂ ਦੇ ਪਹਿਲੇ ਗੇੜ ਵਿੱਚ 11 ਅਪ੍ਰੈਲ ਨੂੰ ਆਂਧਰਾ ਪ੍ਰਦੇਸ਼ (25 ਸੀਟਾਂ), ਅਰੁਣਾਚਲ ਪ੍ਰਦੇਸ਼ (2), ਅਸਾਮ (ਕੁੱਲ 14 ਵਿੱਚੋਂ 5 ਸੀਟਾਂ), ਬਿਹਾਰ (ਕੁੱਲ 40 ਵਿੱਚੋਂ 4 ਸੀਟਾਂ), ਛੱਤੀਸਗੜ੍ਹ (ਕੁੱਲ 11 ਵਿੱਚੋਂ 1 ਸੀਟ), ਜੰਮੂ-ਕਸ਼ਮੀਰ (ਕੁੱਲ ਛੇ ਸੀਟਾਂ ਵਿੱਚੋਂ 2), ਮਹਾਰਾਸ਼ਟਰ (ਕੁੱਲ 48 ਸੀਟਾਂ ਵਿੱਚੋਂ 7), ਮੇਘਾਲਿਆ (ਕੁੱਲ ਦੋ ਸੀਟਾਂ ਵਿੱਚੋਂ 1), ਮੀਜ਼ੋਰਮ (1), ਮਨੀਪੁਰ (ਕੁੱਲ 2 ਵਿੱਚੋਂ ਇੱਕ ਸੀਟ), ਉੜੀਸਾ (ਕੁੱਲ 21 ਸੀਟਾਂ ਵਿੱਚੋਂ 4), ਸਿੱਕਮ (1), ਤੇਲੰਗਾਨਾ (17), ਤ੍ਰਿਪੁਰਾ (ਕੁੱਲ ਦੋ ਸੀਟਾਂ ਵਿੱਚੋਂ 1), ਉੱਤਰ ਪ੍ਰਦੇਸ਼ (ਕੁੱਲ 80 ਵਿੱਚੋਂ 8 ਸੀਟਾਂ), ਉੱਤਰਾਖੰਡ (5), ਪੱਛਮ ਬੰਗਾਲ (ਕੁੱਲ 42 ਵਿੱਚੋਂ 2) ਅਤੇ ਅੰਡੇਮਾਨ ਨਿਕੋਬਾਰ (1) ਅਤੇ ਲਕਸ਼ਦੀਪ ਦੀ ਇੱਕੋ ਇੱਕ ਸੀਟ ਲਈ ਵੋਟਾਂ ਪੈਣਗੀਆਂ।
ਦੂਸਰੇ ਗੇੜ ਵਿੱਚ 18 ਅਪ੍ਰੈਲ ਨੂੰ ਅਸਾਮ (ਕੁੱਲ 14 ਵਿੱਚੋਂ 5 ਹੋਰ ਸੀਟਾਂ), ਬਿਹਾਰ (ਕੁੱਲ 40 ਵਿੱਚੋਂ 5 ਹੋਰ ਸੀਟਾਂ), ਛੱਤੀਸਗੜ੍ਹ (ਕੁੱਲ 11 ਵਿੱਚੋਂ 3 ਹੋਰ ਸੀਟਾਂ), ਜੰਮੂ-ਕਸ਼ਮੀਰ (ਕੁੱਲ 6 ਵਿੱਚੋਂ 2 ਹੋਰ ਸੀਟਾਂ), ਕਰਨਾਟਕ (ਕੁੱਲ 28 ਵਿੱਚੋਂ 14ਸੀਟਾਂ), ਮਹਾਰਾਸ਼ਟਰ (ਕੁੱਲ 48 ਵਿੱਚੋਂ 10 ਹੋਰ ਸੀਟਾਂ), ਮਣੀਪੁਰ (ਦੋ ਵਿੱਚੋਂ 1 ਸੀਟ), ਉੜੀਸਾ (ਕੁੱਲ 21 ਵਿੱਚੋਂ 5 ਹੋਰ ਸੀਟਾਂ), ਤਾਮਿਲਨਾਡੂ (ਸਾਰੀਆਂ 39 ਸੀਟਾਂ ਇੱਕੋ ਦਿਨ), ਤ੍ਰਿਪੁਰਾ (ਬਾਕੀ ਰਹਿੰਦੀ ਇੱਕ ਸੀਟ), ਉੱਤਰ ਪ੍ਰਦੇਸ਼ (ਕੁੱਲ 80 ਵਿੱਚੋਂ 8 ਹੋਰ ਸੀਟਾਂ), ਪੱਛਮ ਬੰਗਾਲ (ਕੁੱਲ 42 ਵਿੱਚੋਂ 3 ਹੋਰ ਸੀਟਾਂ), ਪੁਡੂਚੇਰੀ ਦੀ ਇੱਕੋ ਇੱਕ ਸੀਟ ਦੇ ਲਈ ਵੋਟਾਂ ਪਾਈਆਂ ਜਾਣ ਦਾ ਐਲਾਨ ਕੀਤਾ ਗਿਆ ਹੈ।
ਤੀਸਰੇ ਗੇੜ ਵਿੱਚ 23 ਅਪ੍ਰੈਲ ਨੂੰ ਅਸਾਮ ਦੀਆਂ ਬਾਕੀ ਬਚੀਆਂ 4 ਸੀਟਾਂ, ਬਿਹਾਰ (40 ਵਿੱਚੋਂ 5 ਹੋਰ ਸੀਟਾਂ), ਛੱਤੀਸਗੜ੍ਹ (ਕੁੱਲ 11 ਵਿੱਚੋਂ ਬਾਕੀ 7 ਸੀਟਾਂ), ਗੁਜਰਾਤ (ਕੁੱਲ 26 ਸੀਟਾਂ), ਗੋਵਾ ਵਿੱਚ ਦੋਵੇਂ ਸੀਟਾਂ, ਜੰਮੂ-ਕਸ਼ਮੀਰ (ਕੁੱਲ ਛੇ ਵਿੱਚੋਂ 1 ਹੋਰ ਸੀਟ), ਕਰਨਾਟਕ (ਕੁੱਲ 28 ਵਿੱਚੋਂ ਬਾਕੀ 14 ਸੀਟਾਂ), ਕੇਰਲ (ਕੁੱਲ 20 ਸੀਟਾਂ), ਮਹਾਰਾਸ਼ਟਰ (ਕੁੱਲ 48 ਵਿੱਚੋਂ 14 ਹੋਰ ਸੀਟਾਂ), ਉੜੀਸਾ (ਕੁੱਲ 21 ਵਿੱਚੋਂ 6 ਹੋਰ ਸੀਟਾਂ), ਉੱਤਰ ਪ੍ਰਦੇਸ਼ (ਕੁੱਲ 80 ਵਿੱਚੋਂ 10 ਹੋਰ ਸੀਟਾਂ), ਪੱਛਮ ਬੰਗਾਲ (ਕੁੱਲ 42 ਵਿੱਚੋਂ 5 ਹੋਰ ਸੀਟਾਂ) ਦੇ ਨਾਲ ਦਾਦਰਾਅਤੇ ਨਗਰ ਹਵੇਲੀ ਅਤੇ ਦਮਨ ਤੇ ਦੀਵ ਦੀ ਇੱਕੋ ਇੱਕ ਸੀਟ ਦੇ ਵੋਟਰ ਵੀ ਵੋਟਾਂ ਪਾਉਣਗੇ।
ਚੌਥੇ ਗੇੜ ਵਿੱਚ 29 ਅਪ੍ਰੈਲ ਨੂੰ ਬਿਹਾਰ (ਕੁੱਲ 40 ਵਿੱਚੋਂ 5 ਹੋਰ ਸੀਟਾਂ), ਜੰਮੂ-ਕਸ਼ਮੀਰ ਦੀ ਬਾਕੀ ਬਚਦੀ 1 ਸੀਟ, ਝਾਰਖੰਡ (ਕੁੱਲ 14 ਵਿੱੱਚੋਂ 3 ਸੀਟਾਂ), ਮੱਧ ਪ੍ਰਦੇਸ਼ (ਕੁੱਲ 29 ਵਿੱਚੋਂ 6 ਸੀਟਾਂ), ਮਹਾਰਾਸ਼ਟਰ (ਕੁੱਲ 48 ਵਿੱਚੋਂ 17 ਹੋਰ ਸੀਟਾਂ), ਉੜੀਸਾ (ਕੁੱਲ 21 ਵਿੱਚੋਂ 6 ਹੋਰ ਸੀਟਾਂ), ਰਾਜਸਥਾਨ (ਕੁੱਲ 25 ਵਿੱਚੋਂ 13 ਸੀਟਾਂ), ਉੱਤਰ ਪ੍ਰਦੇਸ਼ (ਕੁੱਲ 80 ਵਿੱਚੋਂ 13 ਹੋਰ ਸੀਟਾਂ ), ਪੱਛਮ ਬੰਗਾਲ ( ਕੁੱਲ 42 ਵਿੱਚੋਂ 8 ਹੋਰ ਸੀਟਾਂ) ਦੇ ਲਈ ਵੋਟਾਂ ਪੈਣਗੀਆਂ।
ਪੰਜਵੇਂ ਗੇੜ ਵਿੱਚ 6 ਮਈ ਨੂੰ ਬਿਹਾਰ (ਕੁੱਲ 40 ਵਿੱਚੋਂ 5 ਹੋਰ ਸੀਟਾਂ), ਜੰਮੂ-ਕਸ਼ਮੀਰ (2 ਸੀਟਾਂ), ਝਾਰਖੰਡ (ਕੁੱਲ 14 ਵਿੱਚੋਂ 4 ਹੋਰ ਸੀਟਾਂ), ਮੱਧ ਪ੍ਰਦੇਸ਼ (ਕੁੱਲ 29 ਵਿੱਚੋਂ 7 ਹੋਰ ਸੀਟਾਂ), ਰਾਜਸਥਾਨ (ਕੁੱਲ 25 ਵਿੱਚੋਂ ਬਾਕੀ ਦੀਆਂ 12 ਸੀਟਾਂ), ਉੱਤਰ ਪ੍ਰਦੇਸ਼ (ਕੁੱਲ 80 ਵਿੱਚੋਂ 14 ਹੋਰ ਸੀਟਾਂ), ਪੱਛਮ ਬੰਗਾਲ (ਕੁੱਲ 42 ਵਿੱਚੋਂ 7 ਹੋਰ ਸੀਟਾਂ) ਦੇ ਲਈ ਵੋਟਰ ਆਪਣੇ ਵੋਟ ਅਧਿਕਾਰ ਦੀ ਵਰਤੋਂ ਕਰਨਗੇ।
ਛੇਵੇਂ ਗੇੜ ਦੇ ਦੌਰਾਨ 12 ਮਈ ਨੂੰ ਬਿਹਾਰ (ਕੁੱਲ 40 ਵਿੱਚੋਂ 8 ਹੋਰ ਸੀਟਾਂ ਸੀਟਾਂ), ਹਰਿਆਣਾ (ਸਾਰੀਆਂ 10 ਸੀਟਾਂ), ਝਾਰਖੰਡ (ਕੁੱਲ 14 ਵਿੱਚੋਂ 4 ਹੋਰ ਸੀਟਾਂ), ਮੱਧ ਪ੍ਰਦੇਸ਼ (ਕੁੱਲ 29 ਵਿੱਚੋਂ 8 ਹੋਰ ਸੀਟਾਂ), ਉੱਤਰ ਪ੍ਰਦੇਸ਼ ( ਕੁੱਲ 80 ਵਿੱਚੋਂ 14 ਹੋਰ ਸੀਟਾਂ), ਪੱਛਮ ਬੰਗਾਲ (ਕੁੱਲ 42 ਵਿੱਚੋਂ 8 ਹੋਰ ਸੀਟਾਂ) ਅਤੇ ਦੇਸ਼ ਦੀ ਰਾਜਧਾਨੀ ਦਿੱਲੀ ਵਿੱਚ ਸਾਰੀਆਂ 7 ਸੀਟਾਂ ਦੇ ਲਈ ਵੋਟਾਂ ਪਵਾਈਆਂ ਜਾਣਗੀਆਂ।
ਆਖਰੀ ਅਤੇ ਸੱਤਵੇਂ ਗੇੜ ਵਿੱਚ 19 ਮਈ ਨੂੰ ਬਿਹਾਰ ਦੀਆ ਬਾਕੀ 8 ਸੀਟਾਂ, ਝਾਰਖੰਡ ਦੀਆਂ ਬਾਕੀ 3 ਸੀਟਾਂ, ਮੱਧ ਪ੍ਰਦੇਸ਼ ਦੀਆਂ ਬਾਕੀ 8 ਸੀਟਾਂ, ਪੰਜਾਬ ਦੀਆਂ ਸਾਰੀਆਂ 13 ਸੀਟਾਂ, ਚੰਡੀਗੜ੍ਹ ਦੀ ਇਕਲੌਤੀ ਸੀਟ, ਪੱਛਮੀ ਬੰਗਾਲ ਦੀਆਂ ਬਾਕੀ 9 ਸੀਟਾਂ ਅਤੇ ਹਿਮਾਚਲ ਪ੍ਰਦੇਸ਼ ਦੀਆਂ ਕੁੱਲ4 ਸੀਟਾਂ ਅਤੇ ਉੱਤਰ ਪ੍ਰਦੇਸ਼ 13 ਸੀਟਾਂ ਲਈ ਵੋਟਾਂ ਪੈਣਗੀਆਂ।
ਵਰਨਣ ਯੋਗ ਹੈ ਕਿ ਪੰਜ ਸਾਲ ਪਹਿਲਾਂ 2014 ਵਿੱਚ ਹੋਈਆਂ ਚੋਣਾਂ ਵੇਲੇ 9 ਗੇੜਾਂ ਵਿੱਚ ਵੋਟਾਂ ਪਈਆਂ ਤੇ ਵੋਟਾਂ ਦੀ ਗਿਣਤੀ 16 ਮਈ ਨੂੰ ਕੀਤੀ ਗਈ ਸੀ, ਜਿਸ ਵਿੱਚ ਭਾਜਪਾ ਅਗਵਾਈ ਵਾਲੀ ਐਨਡੀਏ ਗੱਠਜੋੜ ਨੂੰ 336 ਸੀਟਾਂ, ਕਾਂਗਰਸੀ ਅਗਵਾਈ ਵਾਲੇ ਯੂਪੀਏ ਗੱਠਜੋੜ ਨੂੰ 60 ਸੀਟਾਂ ਤੇ ਹੋਰ ਪਾਰਟੀਆਂ ਨੂੰ 147 ਸੀਟਾਂ ਮਿਲੀਆਂ ਸਨ।

Have something to say? Post your comment
ਹੋਰ ਭਾਰਤ ਖ਼ਬਰਾਂ
ਮੋਦੀ ਨੇ ਸ਼ੀਲਾ ਦਿਕਸ਼ਤ ਦੇ ਦੇਹਾਂਤ 'ਤੇ ਟਵੀਟ ਕਰਕੇ ਕੀਤਾ ਦੁੱਖ ਦਾ ਪ੍ਰਗਟਾਵਾ
ਤਿੰਨ ਵਾਰ ਦੀ ਦਿੱਲੀ ਦੀ ਮੁੱਖ ਮੰਤਰੀ ਸ਼ੀਲਾ ਦੀਕਸ਼ਿਤ ਦਾ ਦੇਹਾਂਤ
ਵਿਦੇਸ਼ੀ ਜੇਲ੍ਹਾਂ ਵਿੱਚ 8,189 ਭਾਰਤੀ ਕੈਦੀ ਬੰਦ
ਸੁਪਰੀਮ ਕੋਰਟ ਨੇ ਕਿਹਾ: ਅਯੁੱਧਿਆ ਕੇਸ ਬਾਰੇ 13 ਦਿਨਾਂ ਅੰਦਰ ਸਮਝੌਤਾ ਨਾ ਹੋਵੇ ਤਾਂ ਦੋ ਅਗਸਤ ਤੋਂ ਰੋਜ਼ ਸੁਣਵਾਈ ਹੋਵੇਗੀ
ਬੱਚੀ ਨਾਲ ਬਲਾਤਕਾਰ ਕਰ ਕੇ ਸਾਊਦੀ ਅਰਬ ਭੱਜਾ ਦੋਸ਼ੀ, ਕੇਰਲਾ ਦੀ ਅਫਸਰ ਨੇ ਉਥੋਂ ਜਾ ਫੜਿਆ
ਕੁਪਵਾੜਾ ਵਿੱਚ ਗਸ਼ਤ ਕਰਦੇ ਜਵਾਨ ਉੱਤੇ ਰੁੱਖ ਡਿੱਗਣ ਨਾਲ ਮੌਤ
ਬਾਬਾ ਰਾਮਦੇਵ ਦੀ ਮਦਦ ਲਈ ਮੁੱਖ ਮੰਤਰੀ ਫੜਨਵੀਸ ਗੋਡਿਆਂ ਭਾਰ ਹੋਏ
ਏਅਰ ਇੰਡੀਆ ਦਾ ਭੋਗ ਪਾਉਣ ਦਾ ਕੰਮ ਤੇਜ਼ ਹੋਣ ਲੱਗਾ
ਮਣੀਪੁਰ ਦੇ ਝੂਠੇ ਮੁਕਾਬਲਿਆਂ ਦੀ ਸੁਣਵਾਈ ਲਈ ਸੁਪਰੀਮ ਕੋਰਟ ਦਾ ਨਵਾਂ ਬੈਂਚ ਬਣੇਗਾ
ਰਿਜ਼ਰਵ ਬੈਂਕ ਦਾ ਵਾਧੂ ਪੈਸਾ ਸਰਕਾਰ ਨੂੰ ਤਿੰਨ ਤੋਂ ਪੰਜ ਸਾਲਾਂ 'ਚ ਤਬਦੀਲ ਕਰਨ ਦੀ ਸਿਫਾਰਿਸ਼