Welcome to Canadian Punjabi Post
Follow us on

19

March 2019
ਅੰਤਰਰਾਸ਼ਟਰੀ

ਅਮਰੀਕੀ ਪਾਰਲੀਮੈਂਟ ਵੱਲੋਂ ਸਿੱਖਾਂ, ਹਿੰਦੂਆਂ ਤੇ ਮੁਸਲਿਮਾਂ ਖਿਲਾਫ ਨਫਰਤ ਦੇ ਦੋਸ਼ਾਂ ਦੀ ਨਿੰਦਾ

March 09, 2019 09:45 PM

ਵਾਸ਼ਿੰਗਟਨ, 9 ਮਾਰਚ (ਪੋਸਟ ਬਿਊਰੋ)- ਅਮਰੀਕੀ ਪਾਰਲੀਮੈਂਟ ਦੇ ਚੁਣੇ ਹੋਏ ਸਦਨ ਨੇ ਇਕ ਮਤੇ ਵਿੱਚ ਹਿੰਦੂਆਂ, ਸਿੱਖਾਂ, ਮੁਸਲਮਾਨਾਂ ਅਤੇ ਹੋਰ ਘੱਟ ਗਿਣਤੀ ਭਾਈਚਾਰਿਆਂ ਦੇ ਖਿਲਾਫ ਨਫਰਤ ਤੇ ਦੋਹਰੀ ਵਫਾਦਾਰੀ ਦੇ ਦੋਸ਼ਾਂ ਦੀ ਨਿੰਦਾ ਕੀਤੀ ਹੈ। ਕੱਲ੍ਹ ਪੇਸ਼ ਹੋਏ ਮਤੇ ਵਿੱਚ ਜੋੜੇ ਮੁੱਖ ਤੱਥਾਂ ਵਿੱਚ ਦੋਹਰੀ ਵਫਾਦਾਰੀ ਦੇ ਦੋਸ਼ ਲਾਉਣ ਦੀ ਨਿੰਦਾ ਕੀਤੀ ਗਈ ਹੈ, ਜਿਸ ਹੇਠ ਕੁਝ ਨਾਗਰਿਕਾਂ ਦੀ ਦੇਸ਼ ਭਗਤੀ ਬਾਰੇ ਸ਼ੱਕ ਕੀਤਾ ਜਾਂਦਾ ਹੈ।
ਇਸ ਮਤੇ ਦੀ ਮਹੱਤਤਾ ਉਨ੍ਹਾਂ ਭਾਰਤੀ-ਅਮਰੀਕੀਆਂ ਲਈ ਹੈ, ਜਿਨ੍ਹਾਂ ਨੂੰ ਭਾਰਤ ਲਈ ਸਮਰਥਨ ਕਰਨ ਖਾਤਰ ਕਈ ਵਾਰ ਕਈ ਤਰ੍ਹਾਂ ਦੇ ਦੋਸ਼ ਸਹਿਣ ਪੈਂਦੇ ਹਨ। ਮਤੇ ਦਾ 243 ਡੈਮੋਕ੍ਰੇਟ ਮੈਂਬਰਾਂ ਨੇ ਸਮਰਥਨ ਕੀਤਾ ਤੇ ਇਕ ਜਣਾ ਗੈਰ ਹਾਜ਼ਰ ਰਿਹਾ। ਇਸ ਦੇ ਇਲਾਵਾ 173 ਰਿਪਬਲਿਕਨ ਨੇ ਇਸ ਦੇ ਪੱਖ 'ਚ ਵੋਟ ਦਿੱਤਾ ਤੇ 23 ਨੇ ਇਸ ਦੇ ਵਿਰੋਧ 'ਚ ਵੋਟ ਦਿੱਤਾ। ਹਿੰਦੂ ਅਮਰੀਕਨ ਫਾਊਂਡੇਸ਼ਨ ਦੇ ਕਾਰਜਕਾਰੀ ਡਾਇਰੈਕਟਰ ਸੁਹਾਗ ਸ਼ੁਕਲਾ ਨੇ ਮਤੇ ਦਾ ਸਵਾਗਤ ਕੀਤਾ ਤੇ ਕਿਹਾ ਕਿ ਸਾਡੇ ਭਾਈਚਾਰੇ ਨੂੰ ਕਈ ਵਾਰ ਭਾਰਤ ਲਈ ਦੋਹਰੀ ਵਫਾਦਾਰੀ ਰੱਖਣ ਦੇ ਆਧਾਰਹੀਣ ਦੋਸ਼ਾਂ ਦੇ ਕਾਰਨ ਸ਼ੱਕ ਤੇ ਨਫਰਤ ਨਾਲ ਦੇਖਿਆ ਜਾਂਦਾ ਹੈ। ਇਹ ਮਤਾ ਸਭ ਤੋਂ ਪਹਿਲਾ ਸੋਮਾਲੀ ਮੂਲ ਦੇ ਮੁਸਲਮਾਨ ਪ੍ਰਤੀਨਿਧ ਇਲਹਾਨ ਉਮਰ ਦੇ ਲਗਾਤਾਰ ਯਹੂਦੀ ਵਿਰੋਧੀ ਟਿੱਪਣੀ ਦੀ ਵਜ੍ਹਾ ਨਾਲ ਪੇਸ਼ ਕੀਤਾ ਗਿਆ ਸੀ, ਜਿਨ੍ਹਾਂ ਨੇ ਇਜ਼ਰਾਈਲ ਪੱਖੀਆਂ ਨੂੰ ‘ਬਾਹਰੀ ਦੇਸ਼ ਨਾਲ ਸਬੰਧਤ’ ਦੱਸਿਆ ਸੀ। ਸਪੀਕਰ ਨੈਨਸੀ ਪੇਲੋਸੀ ਵੱਲੋਂ ਲਿਆਂਦੇ ਗਏ ਮਤੇ ਦਾ ਪਾਰਟੀ ਦੇ ਲੈਫਟ ਵਿੰਗ ਅਤੇ ਸਦਨ ਦੇ ਅਮਰੀਕੀ-ਅਫਰੀਕੀ ਬਲਾਕ ਨੇ ਵਿਰੋਧ ਕੀਤਾ। ਇਸ ਮਤੇ 'ਚ ਉਮਰ ਦਾ ਨਾਂਅ ਤੱਕ ਨਹੀਂ ਸੀ।

Have something to say? Post your comment
ਹੋਰ ਅੰਤਰਰਾਸ਼ਟਰੀ ਖ਼ਬਰਾਂ