ਜੈਪੁਰ, 20 ਫਰਵਰੀ (ਪੋਸਟ ਬਿਊਰੋ)- ਰਾਜਸਥਾਨ ਦੇ ਪ੍ਰਤਾਪਗੜ੍ਹ ਜ਼ਿਲ੍ਹੇ ਦੇ ਛੋਟੀ ਸਾਦੜੀ ਥਾਣੇ ਹੇਠ ਕੱਲ੍ਹ ਰਾਤ ਤੇਜ਼ ਰਫਤਾਰ ਟਰੱਕ ਸੜਕ ਦੇ ਕਿਨਾਰੇ ਜਾਂਚ ਇੱਕ ਬਰਾਤ ਵਿੱਚ ਵੜ ਗਿਆ ਜਿਸ ਕਾਰਨ ਚਾਰ ਬੱਚਿਆਂ ਸਣੇ ਨੌਂ ਦੀ ਮੌਤ ਹੋ ਗਈ ਅਤੇ 10 ਹੋਰ ਜ਼ਖਮੀ ਹੋ ਗਏ।
ਪ੍ਰਤਾਪਗੜ੍ਹ ਦੇ ਪੁਲਸ ਸੁਪਰਡੈਂਟ ਅਨਿਲ ਬੈਨੀਵਾਲ ਨੇ ਦੱਸਿਆ ਕਿ ਹਾਦਸਾ ਨੈਸ਼ਨਲ ਹਾਈਵੇ ਉੱਤੇ ਰਾਮਦੇਵ ਮੰਦਰ ਨੇੜੇ ਕੱਲ੍ਹ ਰਾਤ ਨੂੰ ਹੋਇਆ। ਬਾਂਸਵਾੜਾ ਤੋਂ ਨਿਮਬਾਹੇੜਾ ਜਾ ਰਿਹਾ ਟਰੱਕ ਸੜਕ ਦੇ ਕੰਢੇ ਚੱਲ ਰਹੀ ਇੱਕ ਬਰਾਤ ਵਿੱਚ ਜਾ ਵੜਿਆ, ਜਿਸ ਨਾਲ ਨੌਂ ਵਿਅਕਤੀਆਂ ਦੀ ਮੌਕੇ 'ਤੇ ਮੌਤ ਹੋ ਗਈ ਅਤੇ 19 ਹੋਰ ਜ਼ਖਮੀ ਹੋ ਗਏ। ਦੋ ਗੰਭੀਰ ਜ਼ਖਮੀਆਂ ਨੂੰ ਉਦੈਪੁਰ ਰੈਫਰ ਕਰ ਦਿੱਤਾ ਗਿਆ। ਛੋਟੀ ਸਾਦੜੀ ਦੇ ਸੁਪਰਡੈਂਟ ਵਿਜੇ ਪਾਲ ਸਿੰਘ ਸੰਧੂ ਨੇ ਦੱਸਿਆ ਕਿ ਟਰੱਕ ਜ਼ਬਤ ਕਰ ਕੇ ਫਰਾਰ ਟਰੱਕ ਚਾਲਕ ਦੇ ਖਿਲਾਫ ਮਾਮਲਾ ਦਰਜ ਕੀਤਾ ਗਿਆ ਹੈ।