‘ਟੋਟਲ ਧਮਾਲ’ ਦਾ ਗਾਣਾ ‘ਮੁੰਗੜਾ...` ਇਨ੍ਹੀਂ ਦਿਨੀਂ ਵਿਵਾਦਾਂ ਵਿੱਚ ਹੈ। ਇਹ ਗਾਣਾ 1977 ਵਿੱਚ ਬਣੀ ਫਿਲਮ ‘ਇਨਕਾਰ' ਦੇ ‘ਮੁੰਗੜਾ’ ਗਾਣੇ ਦਾ ਰੀਕ੍ਰਿਏਟਿਡ ਵਰਜਨ ਹੈ, ਜਿਸ 'ਤੇ ਸੋਨਾਕਸ਼ੀ ਸਿਨਹਾ ਨੇ ਪ੍ਰਫਾਰਮ ਕੀਤਾ ਹੈ। ਅਸਲੀ ‘ਮੁੰਗੜਾ’ ਗਾਣੇ ਉਤੇ ਹੈਲਨ ਨੇ ਡਾਂਸ ਕੀਤਾ ਤੇ ਬੇਹੱਦ ਪਾਪੁਲਰ ਹੋਇਆ ਸੀ, ਪਰ ਇਸ ਦੇ ਰੀਕ੍ਰਿਏਟਿਡ ਵਰਜਨ ਦੀ ਸੋਸ਼ਲ ਮੀਡੀਆ 'ਤੇ ਆਲੋਚਨਾ ਹੋ ਰਹੀ ਹੈ। ਲਤਾ ਮੰਗੇਸ਼ਕਰ ਆਪਣੀ ਭੈਣ ਊਸ਼ਾ ਦਾ ਰੀਕ੍ਰਿਏਟਿਡ ਵਰਜਨ ਸੁਣ ਕੇ ਉਹ ਵੀ ਭੜਕ ਗਈ ਹੈ। ਇੱਕ ਇੰਟਰਵਿਊ ਵਿੱਚ ਉਨ੍ਹਾਂ ਨੇ ਕਿਹਾ, ‘‘ਸਾਡੇ ਗਾਣੇ ਕਾਫੀ ਸੋਚ ਵਿਚਾਰ ਕੇ ਬਣਾਏ ਜਾਂਦੇ ਸਨ ਤੇ ਉਨ੍ਹਾਂ ਵਿੱਚ ਥਾਟ ਸੀ। ਉਨ੍ਹਾਂ ਨੂੰ ਕਾਫੀ ਸੰਵੇਦਨਸ਼ੀਲਤਾ ਨਾਲ ਬਣਾਇਆ ਜਾਂਦਾ ਸੀ। ਉਨ੍ਹਾਂ ਨੂੰ ਗਲਤ ਢੰਗ ਨਾਲ ਮੁੜ ਪੇਸ਼ ਕਰਨਾ ਸਹੀ ਨਹੀਂ ਹੈ। ਇਨ੍ਹਾਂ ਗੀਤਾਂ ਦੇ ਰੀਮੇਕ ਬਣਾਉਣ ਲਈ ਕਿਸੇ ਨੇ ਵੀ ਸਾਡੇ ਤੋਂ ਇਜਾਜ਼ਤ ਨਹੀਂ ਲਈ।”
ਓਰਿਜਨਲ ਗਾਣੇ ਨੂੰ ਕੰਪੋਜ ਕਰਨ ਵਾਲੇ ਰਾਜੇਸ਼ ਰੋਸ਼ਨ ਨੇ ਇਸ ਬਾਰੇ ਕਿਹਾ ਹੈ ਕਿ ਅੱਜ ਕੱਲ੍ਹ ਫਿਲਮ ਮੇਕਰਸ ਵਿੱਚ ਨਵੇਂ ਗਾਣੇ ਕ੍ਰਿਏਟ ਕਰਨ ਦਾ ਕਾਨਫੀਡੈਂਸ ਹੀ ਨਹੀਂ ਬਚਿਆ। ਉਨ੍ਹਾਂ ਵਿੱਚ ਇੰਸੀਪ੍ਰੇਸ਼ਨ ਘੱਟ ਅਤੇ ਕਾਪੀ ਕਰਨ ਦੀ ਇੱਛਾ ਜ਼ਿਆਦਾ ਦੇਖਣ ਨੂੰ ਮਿਲ ਰਹੀ ਹੈ।