ਨਿਤੇਸ਼ ਤਿਵਾੜੀ ਇਨ੍ਹੀਂ ਦਿਨੀਂ ਆਪਣੀ ਅਗਲੀ ਫਿਲਮ ‘ਛਿਛੋਰੇ’ ਦੀ ਸ਼ੂਟਿੰਗ ਵਿੱਚ ਲੱਗੇ ਹੋਏ ਹਨ। ਸੁਣਨ ਵਿੱਚ ਆਇਆ ਹੈ ਕਿ ਇਸ ਵਿੱਚ ਸੁਸ਼ਾਂਤ ਸਿੰਘ ਰਾਜਪੂਤ ਅਤੇ ਪ੍ਰਤੀਕ ਬੱਬਰ ਦੇ ਵਿੱਚ ਇੱਕ ਡੰਕ ਫਾਈਟ ਸੀਕਵੈਂਸ ਹੋਵੇਗਾ।
ਜਾਣਕਾਰ ਸੂਤਰਾਂ ਮੁਤਾਬਕ ਸਕ੍ਰਿਪਟ ਦੀ ਮੰਗ 'ਤੇ ਫਿਲਮ ਵਿੱਚ ਇੱਕ ਸੀਨ ਫਿਲਮਾਇਆ ਜਾਏਗਾ। ਇਸ ਵਿੱਚ ਸੁਸ਼ਾਂਤ, ਪ੍ਰਤੀਕ ਤੇ ਵਰੁਣ ਸ਼ਰਮਾ ਸਮੇਤ ਫਿਲਮ ਦੇ ਦੂਸਰੇ ਕਲਾਕਾਰ ਇੱਕ ਦੂਸਰੇ ਨੂੰ ਪਾਣੀ ਵਿੱਚ ਡੁਬਾਉਂਦੇ ਹੋਏ ਨਜ਼ਰ ਆਉਣਗੇ। ਇਹ ਸੀਨ ਸਰਦੀਆਂ ਦੀ ਰਾਤ ਨੂੰ ਫਿਲਮਾਇਆ ਗਿਆ ਹੈ। ਇਸ ਸੀਨ ਵਿੱਚ ਕਲਾਕਾਰਾਂ ਦੇ ਨਾਲ ਤਕਰੀਬਨ 100 ਜੂਨੀਅਰ ਕਲਾਕਾਰ ਵੀ ਨਜ਼ਰ ਆਉਣਗੇ। ਸੈੱਟ 'ਤੇ ਮੌਜੂਦ ਇੱਕ ਸੂਤਰ ਨੇ ਦੱਸਿਆ ਕਿ ਇਸ ਸੀਨ ਦੀ ਸ਼ੂਟਿੰਗ ਦੇ ਬਾਅਦ ਕਲਾਕਾਰਾਂ ਨੇ ਕਾਸਟ ਅਤੇ ਕਰੂਅ ਦੇ ਨਾਲ ਅਲੱਗ ਤੋਂ ਡੰਕ ਫਾਈਟ ਕੀਤੀ।