ਮਨੋਜ ਵਾਜਪਾਈ ਫਿਲਮ ‘ਸੋਨਾ ਚਿਰੱਈਆ’ ਵਿੱਚ ਡਕੈਤ ਮਾਨ ਸਿੰਘ ਦਾ ਕਿਰਦਾਰ ਨਿਭਾਅ ਰਹੇ ਹਨ। ਸੰਯੋਗ ਨਾਲ ਉਨ੍ਹਾਂ ਨੇ 1994 ਵਿੱਚ ਆਈ ਫਿਲਮ ‘ਬੈਂਡਿਟ ਕੁਈਨ’ ਵਿੱਚ ਵੀ ਡਾਕੂ ਮਾਨ ਸਿੰਘ ਦਾ ਕਿਰਦਾਰ ਕੀਤਾ ਸੀ। ਇਸ ਬਾਰੇ ਮਨੋਜ ਕਹਿੰਦੇ ਹਨ, “25 ਸਾਲ ਪਹਿਲਾਂ ਮੈਂ ‘ਬੈਂਡਿਟ ਕੁਈਨ' ਵਿੱਚ ਮਾਨ ਸਿੰਘ ਦਾ ਕਿਰਦਾਰ ਕੀਤਾ ਸੀ। ਓਦੋਂ ਇਹ ਰੀਅਲ ਕਰੈਕਟਰ ਸੀ ਤੇ ਇਸ ਫਿਲਮ ਵਿੱਚ ਇਹ ਕਾਲਪਨਿਕ ਹੈ। ਇਥੇ ਮੈਂ ਇੱਕ ਡਾਕੂ ਦਾ ਕਿਰਦਾਰ ਕਰ ਰਿਹਾ ਹਾਂ, ਜੋ ਆਧਿਆਤਮਿਕ ਵੀ ਹੈ। ਨਵੀਂ ਪੀੜ੍ਹੀ ਨੂੰ ‘ਬੈਂਡਿਟ ਕੁਈਨ’ ਦੇ ਬਾਰੇ ਪਤਾ ਵੀ ਨਹੀਂ ਹੈ, ਇਸ ਲਈ ਇਹ ਉਨ੍ਹਾਂ ਦੇ ਲਈ ਨਵਾਂ ਹੋਣ ਜਾ ਰਿਹਾ ਹੈ।”
ਫਿਲਮ ਵਿੱਚ ਆਪਣੇ ਪ੍ਰਦਰਸ਼ਨ ਬਾਰੇ ਨਿਰਦੇਸ਼ਕ ਨੂੰ ਕਰੈਡਿਟ ਦਿੰਦੇ ਹੋਏ ਮਨੋਜ ਨੇ ਕਿਹਾ, ‘ਮੈਂ ਅਭਿਸ਼ੇਕ ਚੌਬੇ ਦਾ ਕੰੇਮ ਦੇਖਿਆ ਸੀ। ਮੈਂ ਉਨ੍ਹਾਂ ਨਾਲ ਕੰਮ ਕਰਨਾ ਚਾਹੁੰਦਾ ਸੀ। ਅਭਿਸ਼ੇਕ ਨਾਲ ਇਹ ਇੱਕ ਚੰਗਾ ਅਨੁਭਵ ਸੀ, ਕਿਉਂਕਿ ਜਦ ਅਸੀਂ ਸੈੱਟ 'ਤੇ ਪਹੁੰਚੇ ਤਾਂ ਉਹ ਪਹਿਲਾਂ ਹੀ ਸਥਾਨਕ ਲੋਕਾਂ ਨਾਲ ਗੱਲ ਕਰ ਚੁੱਕੇ ਸਨ। ਉਨ੍ਹਾਂ ਦੀ ਭਾਸ਼ਾ ਤੇ ਖੇਤਰ ਨੂੰ ਜਾਣ ਚੁੱਕੇ ਸਨ। ਉਹ ਇਨ੍ਹਾਂ ਦਾ ਹਿੱਸਾ ਬਣ ਗਏ ਤਾਂ ਸ਼ੂਟਿੰਗ ਕਰਨਾ ਅਤੇ ਆਪਣਾ ਪਾਰਟ ਨਿਭਾਉਣਾ ਆਸਾਨ ਸੀ।”