ਨਵੀਂ ਦਿੱਲੀ, 18 ਫਰਵਰੀ (ਪੋਸਟ ਬਿਊਰੋ)- ਜੇ ਕੋਈ ਸਰਚ ਇੰਜਣ ਗੂਗਲ 'ਤੇ ਦੁਨੀਆ ਦੇ ਸਭ ਤੋਂ ਚੰਗੇ ਟਾਇਲਟ ਪੇਪਰ ਨੂੰ ਲੱਭੋਗੇ ਤਾਂ ਪਾਕਿਸਤਾਨ ਦਾ ਝੰਡਾ ਦਿੱਸੇਗਾ। ਜੇ ਕੋਈ ਗੂਗਲ ਸੂਰਚ 'ਚ ਸਿਰਫ ‘ਟਾਇਲਟ ਪੇਪਰ’ ਜਾਂ ‘ਚਾਈਨਾ ਮੇਡ ਟਾਇਲਟ ਪੇਪਰ’ ਵੀ ਲਿਖੇਗਾ ਤਾਂ ਪਾਕਿਸਤਾਨ ਦਾ ਚੰਦ ਸਿਤਾਰੇ ਵਾਲਾ ਝੰਡਾ ਹੀ ਦਿੱਸੇਗਾ।
ਅਸਲ ਵਿੱਚ ਪਿਛਲੇ ਹਫਤੇ ਜੰਮੂ-ਕਸ਼ਮੀਰ ਦੇ ਪੁਲਵਾਮਾ ਵਿੱਚ ਅੱਤਵਾਦੀ ਹਮਲੇ ਵਿੱਚ ਸੀ ਆਰ ਪੀ ਐੱਫ ਦੇ ਸੈਂਤੀ ਜਵਾਨਾਂ ਦੇ ਮਾਰੇ ਜਾਣ ਤੋਂ ਕੁਝ ਦਿਨ ਪਿੱਛੋਂ ਗੂਗਲ 'ਤੇ ਇਹ ਗਲਤੀ ਵੇਖੀ ਗਈ ਹੈ। ਇਸ ਉਤੇ ਸਰਚ ਦੇ ਨਤੀਜੇ ਤੇਜ਼ੀ ਨਾਲ ਸੋਸ਼ਲ ਮੀਡੀਆ 'ਤੇ ਵਧਦੇ ਗਏ। ਖਾਸ ਕਰ ਕੇ ਇਸ ਸੰਬੰਧੀ ਟਵਿੱਟਰ, ਫੇਸਬੁਕ ਤੇ ਇੰਸਟਾਗ੍ਰਾਮ ਦੇ ਮੈਸੇਜ, ਪੋਸਟ ਅਤੇ ਸਟੇਟਸ ਅਪਡੇਟ ਵਧਣ ਨਾਲ ਪਾਕਿਸਤਾਨੀ ਝੰਡੇ ਦਾ ਟਾਇਲਟ ਪੇਪਰ ਵਾਇਰਲ ਹੋ ਗਿਆ ਹੈ।
ਗੂਗਲ ਸਰਚ ਵਿੱਚ ਟਾਇਲਟ ਪੇਪਰ ਦੇ ਨਾਂਅ 'ਤੇ ਪਾਕਿਸਤਾਨ ਦੇ ਝੰਡੇ ਦੀ ਫੋਟੋ ਦਿਸਣ ਤੋਂ ਇਲਾਵਾ ਇਸ ਨਾਲ ਜੁੜੀ ਸਰਚ ਨੂੰ ਲੈ ਕੇ ਮੀਡੀਆ ਵਿੱਚ ਚੱਲ ਰਹੀਆਂ ਖਬਰਾਂ ਦੀ ਫੋਟੋਆਂ ਵੀ ਵੱਡੀ ਗਿਣਤੀ ਵਿੱਚ ਨਜ਼ਰ ਆ ਰਹੀਆਂ ਹਨ। ਇਸ ਬਾਰੇ ਗੂਗਲ ਨੇ ਕੋਈ ਜਵਾਬ ਨਹੀਂ ਦਿੱਤਾ ਕਿ ਗੜਬੜ ਕਿਵੇਂ ਹੋਈ। ਗੁੂਗਲ ਦਾ ਅਲਗੋਰਿਦਮ ਅਕਸਰ ਵੱਖ-ਵੱਖ ਮਾਮਲਿਆਂ ਵਿੱਚ ਗਲਤ ਚੀਜ਼ਾਂ ਵਿਖਾਉਂਦਾ ਹੈ। ਪਿੱਛੇ ਜਿਹੇ ਗੂਗਲ ਸਰਚ ਇੰਜਣ 'ਤੇ ਇਡੀਅਟ ਲਿਖਣ 'ਤੇ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦਾ ਨਾਂਅ ਆਉਂਦਾ ਸੀ।