ਲਖਨਊ, 14 ਫਰਵਰੀ (ਪੋਸਟ ਬਿਊਰੋ)- ਕਾਂਗਰਸ ਦੀ ਜਨਰਲ ਸਕੱਤਰ ਅਤੇ ਪੂਰਬੀ ਉਤਰ ਪ੍ਰਦੇਸ਼ ਦੀ ਇੰਚਾਰਜ ਪ੍ਰਿਅੰਕਾ ਗਾਂਧੀ ਕਾਂਗਰਸ ਵਰਕਰਾਂ ਨਾਲ ਪਰਸਨਲ ਨੇੜਤਾ ਬਣਾਉਣ ਵਿੱਚ ਲੱਗ ਗਈ ਹੈ ਤੇ ਇਸ ਵੇਲੇ ਉਹ ਵਰਕਰਾਂ ਤੋਂ ਸਿਰਫ ਤਿੰਨ ਅਹਿਮ ਸਵਾਲ ਪੁੱਛ ਰਹੀ ਹੈ।
ਪ੍ਰਿਅੰਕਾ ਦਾ ਪਾਰਟੀ ਵਰਕਰਾਂ ਨੂੰ ਪਹਿਲਾ ਸਵਾਲ ਇਹ ਪੁੱਛਿਆ ਜਾਂਦਾ ਹੈ ਕਿ ਪ੍ਰਦੇਸ਼ ਪ੍ਰਧਾਨ ਕਿਸ ਨੂੰ ਬਣਾਇਆ ਜਾਣਾ ਚਾਹੀਦਾ ਤੇ ਮੌਜੂਦਾ ਪ੍ਰਧਾਨ ਕਿਵੇਂ ਹੈ। ਦੂਸਰਾ ਸਵਾਲ ਪ੍ਰਿਅੰਕਾ ਵੱਲੋਂ ਲੋਕ ਸਭਾ ਸੀਟ ਉੱਤੇ ਖੜੇ ਕੀਤੇ ਜਾਣ ਵਾਲੇ ਕਾਂਗਰਸ ਉਮੀਦਵਾਰ ਨਾਲ ਜੁੜਿਆ ਹੋਇਆ ਹੈ। ਉਹ ਪੁੱਛ ਰਹੀ ਹੈ ਕਿ ਕਿਹੜਾ ਉਮੀਦਵਾਰ ਵਰਕਰਾਂ ਦੀਆਂ ਭਾਵਨਾਵਾਂ 'ਤੇ ਪੂਰਾ ਉਤਰ ਸਕਦਾ ਹੈ। ਤੀਸਰਾ ਸਵਾਲ ਉਹ ਵਰਕਰਾਂ ਤੋਂ ਸੰਗਠਨ ਦੀ ਸਥਿਤੀ ਬਾਰੇ ਪੁੱਛ ਰਹੀ ਹੈ।
ਪੂਰਬੀ ਉਤਰ ਪ੍ਰਦੇਸ਼ ਦੀ ਜ਼ਿੰਮੇਵਾਰੀ ਮਿਲਣ ਪਿੱਛੋਂ ਪ੍ਰਿਅੰਕਾ ਨੇ ਵਰਕਰਾਂ ਨੂੰ ਸਖਤ ਮਿਹਨਤ ਕਰਨ ਦੇ ਸੰਦੇਸ਼ ਵੀ ਦਿੱਤੇ ਹਨ। ਉਹ ਖੁਦ ਕੱਲ੍ਹ ਰਾਤ ਤਿੰਨ ਵਜੇ ਤੱਕ ਪਾਰਟੀ ਦਫਤਰ ਵਿੱਚ ਪਾਰਟੀ ਨੇਤਾਵਾਂ ਅਤੇ ਵਰਕਰਾਂ ਦੇ ਨਾਲ ਬੈਠਕਾਂ ਕਰਦੀ ਰਹੀ ਜਿਸ ਵਿੱਚ ਵਰਕਰਾਂ ਤੋਂ ਉਨ੍ਹਾਂ ਨੇ ਮਹੱਤਵ ਪੂਰਨ ਫੀਡਬੈਕ ਲਿਆ ਹੈ। ਦੇਰ ਰਾਤ ਕੰਮ ਕਰਨ ਦੇ ਬਾਵਜੂਦ ਪ੍ਰਿਅੰਕਾ ਕੱਲ੍ਹ ਫਿਰ ਸਵੇਰੇ ਕੰਮ 'ਤੇ ਪਹੁੰਚ ਗਈ ਅਤੇ ਪਾਰਟੀ ਦਫਤਰ ਵਿੱਚ ਬੈਠਕਾਂ ਸ਼ੁਰੂ ਕਰ ਦਿੱਤੀਆਂ। ਕਾਂਗਰਸ ਦੇ ਸੂਤਰਾਂ ਨੇ ਦੱਸਿਆ ਕਿ ਪ੍ਰਿਅੰਕਾ ਨੇ ਆਪਣੇ ਚਾਰ ਦਿਨਾਂ ਉਤਰ ਪ੍ਰਦੇਸ਼ ਦੌਰੇ ਵਿੱਚ 42 ਲੋਕ ਸਭਾ ਸੀਟਾਂ ਬਾਰੇ ਤਿਆਰੀਆਂ ਸ਼ੁਰੂ ਕਰ ਦਿੱਤੀਆਂ ਹਨ। ਉਸ ਨੇ ਮਿਡ ਨਾਈਟ ਕਲਾਸ ਵਿਚ ਲਗਾਤਾਰ ਪਾਰਟੀ ਸੰਗਠਨ ਨੂੰ ਸਮਝਾਉਣ ਦੀਆਂ ਕੋਸ਼ਿਸ਼ਾਂ ਦੇ ਲਈ ਕੀਤੀ ਹੈ। ਲਗਾਤਾਰ 15 ਘੰਟੇ ਤੱਕ ਉਹ ਪਾਰਟੀ ਦਫਤਰ ਵਿੱਚ ਡਟੀ ਰਹੀ ਅਤੇ ਉਤਰ ਪ੍ਰਦੇਸ਼ ਵਿੱਚ ਪਾਰਟੀ ਦੀਅ ਕਮਜ਼ੋਰੀਆਂ ਨੂੰ ਵੀ ਉਨ੍ਹਾਂ ਨੇ ਨੇੜੇ ਤੋਂ ਪਰਖਿਆ। ਕਾਂਗਰਸੀ ਹਲਕਿਆਂ ਨੇ ਦੱਸਿਆ ਕਿ ਪ੍ਰਿਅੰਕਾ ਨੇ ਸਭ ਤੋਂ ਬੂਥਾਂ ਨਾਲ ਸੰਬੰਧਤ ਸਵਾਲ ਪੁੱਛੇ ਹਨ। ਬੂਥਾਂ 'ਤੇ ਵੋਟਰਾਂ ਦਾ ਮਿਜ਼ਾਜ ਕੀ ਹੈ, ਕਾਂਗਰਸ ਦੇ ਕਿੰਨੇ ਪੁਰਾਣੇ ਵਰਕਰ ਐਕਟਿਵ ਹਨ, ਕਿੰਨੇ ਲੋਕ ਰਾਜਨੀਤਕ ਗਤੀਵਿਧੀਆਂ ਵਿੱਚ ਸਰਗਰਮ ਰਹਿੰਦੇ ਹਨ।