ਹਾਇਤੀ, 14 ਫਰਵਰੀ (ਪੋਸਟ ਬਿਊਰੋ) : ਕਿਊਬਿਕ ਤੋਂ ਦਰਜਨਾਂ ਭਰ ਲੋਕ ਹਾਇਤੀ ਦੇ ਰਿਜਾਰਟਸ ਵਿੱਚ ਫਸ ਗਏ ਹਨ ਕਿਉਂਕਿ ਉੱਥੇ ਹਿੰਸਕ ਮੁਜਾਹਰੇ ਸੁਰੂ ਹੋ ਗਏ ਹਨ।
ਟੌਸੈਂਟ ਲੂਵਰਚਰ ਏਅਰਪੋਰਟ ਤੋਂ 70 ਕਿਲੋਮੀਟਰ ਦੀ ਦੂਰੀ ਉੱਤੇ ਰੌਇਲ ਡੈਕਾਮਰੌਨ ਰਿਜਾਰਟ ਵਿੱਚ 50 ਦੇ ਲੱਗਭਗ ਸੈਲਾਨੀ ਫਸ ਗਏ। ਇਸ ਰਿਜਾਰਟ ਦੇ ਨੇੜਲੀਆਂ ਕਈ ਸੜਕਾਂ ਉੱਤੇ ਲੋਕ ਵੱਡੀ ਗਿਣਤੀ ਵਿੱਚ ਮੌਜੂਦ ਸਨ। ਪੋਰਟ ਆਅ ਪ੍ਰਿੰਸ ਵਿੱਚ ਹਜਾਰਾਂ ਦੀ ਗਿਣਤੀ ਵਿੱਚ ਲੋਕਾਂ ਨੇ ਮੁਜਾਹਰਿਆਂ ਵਿੱਚ ਹਿੱਸਾ ਲਿਆ। ਭ੍ਰਿਸਟਾਚਾਰ ਘਪਲੇ ਦੇ ਸਾਹਮਣੇ ਆਉਣ ਮਗਰੋਂ ਸਥਾਨਕ ਲੋਕ ਰਾਸਟਰਪਤੀ ਜੋਵੇਨਲ ਮੌਇਸ ਤੋਂ ਅਸਤੀਫੇ ਦੀ ਮੰਗ ਕਰ ਰਹੇ ਸਨ।
ਜਿਕਰਯੋਗ ਹੈ ਕਿ ਸਮਾਜਕ ਵਿਕਾਸ ਉੱਤੇ ਖਰਚ ਕੀਤਾ ਜਾਣ ਵਾਲਾ 4 ਬਿਲੀਅਨ ਡਾਲਰ ਗਾਇਬ ਹੈ। ਪੁਲਿਸ ਨਾਲ ਹੋਈਆਂ ਝੜਪਾਂ ਵਿੱਚ ਚਾਰ ਲੋਕ ਮਾਰੇ ਗਏ ਤੇ 78 ਕੈਦੀ ਜੇਲ੍ਹ ਵਿੱਚੋਂ ਫਰਾਰ ਹੋਣ ਵਿੱਚ ਕਾਮਯਾਬ ਰਹੇ ਕਿਉਂਕਿ ਪੁਲਿਸ ਮੁਜਾਹਰਿਆਂ ਨਾਲ ਨਜਿੱਠਣ ਵਿੱਚ ਲੱਗੀ ਹੋਈ ਸੀ।