ਵਾਸ਼ਿੰਗਟਨ, 13 ਫਰਵਰੀ (ਪੋਸਟ ਬਿਊਰੋ)- ਅਮਰੀਕੀ ਕਾਂਗਰਸ ਵਿੱਚ ਸ਼ਾਮਲ ਪਹਿਲੀਆਂ ਦੋ ਮੁਸਲਿਮ ਔਰਤਾਂ ਵਿੱਚੋਂ ਇਕ ਇਲਹਾਨ ਅਬਦੁਲਲਾਹੀ ਉਮਰ (37) ਨੇ ਆਪਣੀ ਉਸ ਟਿੱਪਣੀ ਬਾਰੇ ਮੁਆਫੀ ਮੰਗ ਲਈ ਹੈ, ਜਿਸ ਨਾਲ ਵਿਵਾਦ ਖੜਾ ਹੋ ਗਿਆ ਸੀ ਅਤੇ ਜਿਸ ਨੂੰ ਯਹੂਦੀਆਂ ਦੇ ਖਿਲਾਫ ਕੀਤੀ ਗਈ ਟਿੱਪਣੀ ਮੰਨਿਆ ਗਿਆ।
ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਇਸ ਦੀ ਨਿੰਦਾ ਕਰਦੇ ਹੋਏ ਇਸ ਨੂੰ ‘ਭਿਆਨਕ ਬਿਆਨ' ਕਿਹਾ ਸੀ। ਉਮਰ ਨਵੰਬਰ ਵਿੱਚ ਡੈਮੋਕਰੇਟ ਮੈਂਬਰ ਦੇ ਰੂਪ ਵਿੱਚ ਪ੍ਰਤੀਨਿਧ ਸਭਾ ਲਈ ਚੁਣੀ ਗਈ ਸੀ। ਬੀਤੇ ਦਿਨੀਂ ਉਨ੍ਹਾਂ ਨੇ ਇਕ ਟਵੀਟ ਵਿੱਚ ਪ੍ਰਭਾਵਸ਼ਾਲੀ ਅਮਰੀਕਨ ਇਸਰਾਈਲ ਪਬਲਿਕ ਅਫੇਅਰਸ ਕਮੇਟੀ (ਏ ਆਈ ਪੀ ਏ ਸੀ) ਅਤੇ ਕਾਂਗਰਸ ਮੈਂਬਰਾਂ ਦੇ ਵਿਚਾਲੇ ਵਿੱਤੀ ਸੰਬੰਧਾਂ ਉੱਤੇ ਸਵਾਲ ਖੜਾ ਕੀਤਾ ਸੀ। ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਸ਼ਕਤੀਸ਼ਾਲੀ ‘ਡੀ ਸੀ ਸਰਕਿਟ ਕੋਰਟ ਆਫ ਅਪੀਲਸ' ਲਈ ਨਾਮਜ਼ਦ ਭਾਰਤੀ ਮੂਲ ਦੀ ਅਮਰੀਕੀ ਬੁਲਾਰਾ ਨੇਓਮੀ ਰਾਵ ਨੇ ਕਾਲਜ ਦੇ ਦਿਨਾਂ ਵਿੱਚ ‘ਡੇਟ ਰੇਪ' ਅਤੇ ਯੌਨ ਹਮਲਿਆਂ ਬਾਰੇ ਲਿਖੇ ਆਪਣੇ ਲੇਖਾਂ ਵਿੱਚ ‘ਅਸਹਿਣਸ਼ੀਲਤਾ' ਲਈ ਮੁਆਫੀ ਮੰਗੀ ਹੈ।