Welcome to Canadian Punjabi Post
Follow us on

19

April 2019
ਅੰਤਰਰਾਸ਼ਟਰੀ

ਚਾਰ ਬੱਚੇ ਪੈਦਾ ਕਰਨ ਵਾਲੇ ਲੋਕਾਂ ਨੂੰ ਇਨਕਮ ਟੈਕਸ ਨਹੀਂ ਦੇਣਾ ਪਵੇਗਾ

February 12, 2019 08:21 AM

ਬੁਡਾਪੇਸਟ, 11 ਫਰਵਰੀ (ਪੋਸਟ ਬਿਊਰੋ)- ਯੂਰਪੀ ਦੇਸ਼ ਹੰਗਰੀ ਦੇ ਪ੍ਰਧਾਨ ਮੰਤਰੀ ਵਿਕਟੋਰ ਓਰਬੇਨ ਨੇ ਦੇਸ਼ ਦੀਆਂ ਔਰਤਾਂ ਨਾਲ ਵਾਅਦਾ ਕੀਤਾ ਹੈ ਕਿ ਜਿਨ੍ਹਾਂ ਔਰਤਾਂ ਦੇ ਚਾਰ ਜਾਂ ਉਸ ਤੋਂ ਵੱਧ ਬੱਚੇ ਹਨ, ਉਨ੍ਹਾਂ ਨੂੰ ਇਨਕਮ ਟੈਕਸ ਨਹੀਂ ਦੇਣਾ ਪਵੇਗਾ। ਇਹ ਕਦਮ ਉਨ੍ਹਾਂ ਨੇ ਦੇਸ਼ ਦੀ ਆਬਾਦੀ ਨੂੰ ਵਧਾਉਣ ਦੇ ਇਰਾਦੇ ਨਾਲ ਚੁੱਕਿਆ ਹੈ।
ਓਰਬੇਨ ਨੂੰ ਖੱਬੇ-ਪੱਖੀ ਨੇਤਾ ਮੰਨਿਆ ਜਾਂਦਾ ਹੈ, ਉਹ ਬੀਤੇ ਕਈ ਸਾਲਾਂ ਤੋਂ ਪ੍ਰਵਾਸੀਆਂ ਦੇ ਵਿਰੁੱਧ ਬੋਲ ਰਹੇ ਹਨ। ਉਨ੍ਹਾਂ ਕਿਹਾ ਕਿ ਹੰਗਰੀ ਦੇ ਪਰਿਵਾਰਾਂ ਦਾ ਵੱਧ ਬੱਚੇ ਪੈਦਾ ਕਰਨਾ ਮੁਸਲਿਮ ਦੇਸ਼ਾਂ ਦੇ ਪ੍ਰਵਾਸੀਆਂ ਨੂੰ ਆਉਣ ਦੀ ਆਗਿਆ ਦੇਣ ਨਾਲੋਂ ਬਿਹਤਰ ਹੈ। ਓਰਬੇਨ ਦਾ ਕਹਿਣਾ ਹੈ ਕਿ ਪੂਰੇ ਯੂਰਪ ਵਿੱਚ ਘੱਟ ਬੱਚੇ ਹਨ ਅਤੇ ਇਸ ਦਾ ਉੱਤਰ ਹੈ ਪ੍ਰਵਾਸ। ਓਰਬੇਨ ਨੇ ਇਹ ਗੱਲ ਐਤਵਾਰ ਨੂੰ ਐਨੁਅਲ ਸਟੇਟ ਆਫ ਦ ਨੇਸ਼ਨ ਨੂੰ ਸੰਬੋਧਿਤ ਕਰਦਿਆਂ ਕਹੀ ਹੈ। ਉਨ੍ਹਾਂ ਨੇ ਕਿਹਾ ਕਿ ਉਹ ਚਾਹੁੰਦੇ ਹਨ ਕਿ ਇਥੇ ਵੱਧ ਪ੍ਰਵਾਸੀ ਆਉਣ, ਜਵੇਂ ਇਥੇ ਬੱਚੇ ਨਹੀਂ ਹਨ ਤਾਂ ਕਿ ਆਬਾਦੀ ਵਧ ਸਕੇ। ਸਾਡੀ ਹੰਗਰੀ ਦੇ ਲੋਕਾਂ ਦੀ ਸੋਚ ਵੱਖਰੀ ਹੈ। ਸਾਨੂੰ ਨੰਬਰ ਨਹੀਂ, ਹੰਗਰੀ ਦੇ ਬੱਚੇ ਚਾਹੀਦੇ ਹਨ। ਸਾਡੇ ਲਈ ਮਾਈਗ੍ਰੇਸ਼ਨ ਸਰੰਡਰ ਵਰਗਾ ਹੈ। ਪ੍ਰਵਾਸੀਆਂ ਦੇ ਵਿਰੋਧ ਦੇ ਅਕਸ ਵਾਲੇ ਵਿਕਟੋਰ ਓਰਬੇਨ ਫਿਡੇਜ ਦੀ ਪਾਰਟੀ ਨੇ ਚੋਣਾਂ ਵਿੱਚ ਬੀਤੇ ਸਾਲ ਲਗਾਤਾਰ ਤੀਜੀ ਵਾਰ ਜਿੱਤ ਹਾਸਲ ਕੀਤੀ ਸੀ। ਉਹ ਆਸ ਕਰਦੇ ਹਨ ਕਿ ਮਈ `ਚ ਚੋਣਾਂ ਤੋਂ ਬਾਅਦ ਸਾਰੇ ਯੂਰਪੀ ਅਦਾਰੇ ਪ੍ਰਵਾਸੀ ਵਿਰੋਧੀ ਤਾਕਤਾਂ ਵਲੋਂ ਕੰਟਰੋਲ ਕੀਤੇ ਜਾਣਗੇ। ਉਨ੍ਹਾਂ ਕਈ ਵਾਰ ਦਾਅਵਾ ਕੀਤਾ ਹੈ ਕਿ ਹੰਗਰੀ ਵਿੱਚ ਜਨਮੇ ਅਮਰੀਕਨ ਫਾਈਨਾਂਸਰ ਹੀ ਵੱਡੀ ਗਿਣਤੀ ਵਿੱਚ ਪ੍ਰਵਾਸ ਨੂੰ ਸ਼ਹਿ ਦੇ ਕੇ ਯੂਰਪ ਨੂੰ ਨਸ਼ਟ ਕਰਨ ਦੀ ਸਾਜ਼ਿਸ਼ ਦੇ ਮੁੱਖ ਦੋਸ਼ੀ ਹਨ। ਇਸ ਦੇਸ਼ `ਚ ਘੱਟ ਆਬਾਦੀ ਕਾਰਨ ਲੇਬਰ ਦੀ ਸਮੱਸਿਆ ਵੀ ਹੈ, ਜਿਸ ਨੂੰ ਰੋਕਣ ਦਾ ਇੱਕੋ ਹੱਲ ਪ੍ਰਵਾਸੀ ਲੋਕ ਹਨ, ਪਰ ਇਥੇ ਸਰਕਾਰ ਹਮੇਸ਼ਾ ਇਹ ਬਦਲ ਰੱਦ ਕਰਦੀ ਰਹੀ ਹੈ। ਸਾਲ 2015 `ਚ ਪ੍ਰਵਾਸੀ ਸਮੱਸਿਆ ਤੋਂ ਬਾਅਦ ਓਰਬੇਨ ਨੇ ਦੱਖਣੀ ਸਰਹੱਦ ਉੱਤੇ ਕੰਧ ਵੀ ਬਣਵਾਈ ਸੀ ਤਾਂ ਕਿ ਕੋਈ ਪ੍ਰਵਾਸੀ ਦੇਸ਼ `ਚ ਆ ਨਾ ਸਕੇ। ਸਰਕਾਰੀ ਕੰਟਰੋਲ ਵਾਲਾ ਮੀਡੀਆ ਅਕਸਰ ਪੱਛਮੀ ਯੂਰਪ ਵਿੱਚ ਨੈਤਿਕ ਪਤਨ ਅਤੇ ਅੱਤਵਾਦ ਨੂੰ ਮਾਈਗ੍ਰੇਸ਼ਨ ਨਾਲ ਹੀ ਜੋੜਦਾ ਆ ਰਿਹਾ ਹੈ।

Have something to say? Post your comment
ਹੋਰ ਅੰਤਰਰਾਸ਼ਟਰੀ ਖ਼ਬਰਾਂ
ਪਾਕਿਸਤਾਨ ਵਿੱਚ ਹਿੰਦੂ ਲੜਕੀ ਦੇ ਅਗਵਾਪਿੱਛੋਂ ਲਹਿੰਦੇ ਪੰਜਾਬ ਵਿੱਚ ਰੋਸ ਪ੍ਰਦਰਸ਼ਨ
ਅਮਰੀਕੀ ਚੋਣਾਂ ਵਿੱਚ ਰੂਸੀ ਦਖਲਅੰਦਾਜ਼ੀ ਦੀ ਜਾਂਚ ਰੋਕਣ ਦੀ ਟਰੰਪ ਨੇ ਕੀਤੀ ਸੀ ਕੋਸਿ਼ਸ਼ : ਰਿਪੋਰਟ
ਭਾਰਤ ਦੀਆਂ ਲੋੜਾਂ ਮੁਤਾਬਕ ਤਿਆਰ ਕੀਤਾ ਗਿਐ ਐੱਫ-21
ਅਮਰੀਕਾ ਵਿੱਚ 10 ਰੋਬੋਟ ਡਾਗ ਨੇ 30 ਮੀਟਰ ਟਰੱਕ ਖਿੱਚਿਆ
ਕਿਊਬਾ ਤੇ ਵੈਨੇਜ਼ੁਏਲਾ ਉੱਤੇ ਅਮਰੀਕਾ ਨੇ ਨਵੀਆਂ ਪਾਬੰਦੀਆਂ ਲਾਗੂ ਕੀਤੀਆਂ
ਪਾਕਿਸਤਾਨ ਦੇ ਬਲੋਚਿਸਤਾਨ ਰਾਜ ਵਿੱਚ 14 ਮੁਸਾਫਰਾਂ ਨੂੰ ਗੋਲੀ ਮਾਰ ਕੇ ਮਾਰਿਆ
ਉੱਤਰੀ ਕੋਰੀਆ ਵੱਲੋਂ ਮੁੜ ਨਵੇਂ ਹਥਿਆਰ ਦਾ ਪਰੀਖਣ
ਆਸਟਰੇਲੀਆ ਵਿੱਚ ਬਾਹਰਲੇ ਦੇਸ਼ਾਂ ਤੋਂ ਪਾਬੰਦੀ ਸ਼ੁਦਾ ਚੀਜ਼ਾਂ ਲੈ ਕੇ ਆਉਣ ਲਈ ਨਵਾਂ ਕਾਨੂੰਨ
ਸੱਤਾ ਲਈ ਵਿਰੋਧੀਆਂ ਨੂੰ ਮਰਵਾਉਣ ਵਾਲੇ ਬਸ਼ੀਰ ਬਾਰੇ ਫ਼ੈਸਲਾ ਸੁਡਾਨ ਦੀ ਅਦਾਲਤ ਕਰੇਗੀ
ਸਾਊਦੀ ਅਰਬ ਵਿੱਚ 2 ਪੰਜਾਬੀ ਨੌਜਵਾਨਾਂ ਦੇ ਸਿਰ ਕਲਮ