Welcome to Canadian Punjabi Post
Follow us on

18

August 2019
ਬ੍ਰੈਕਿੰਗ ਖ਼ਬਰਾਂ :
ਅੰਤਰਰਾਸ਼ਟਰੀ

ਵਿਆਹ ਤੋਂ ਮਸਾਂ 3 ਮਿੰਟ ਬਾਅਦ ਲਾੜੀ ਨੇ ਤਲਾਕ ਲੈ ਲਿਆ

February 08, 2019 09:02 PM

ਕੁਵੈਤ ਸਿਟੀ, 8 ਫਰਵਰੀ (ਪੋਸਟ ਬਿਊਰੋ)- ਪਤੀ-ਪਤਨੀ ਆਪਣੇ ਝਗੜਿਆਂ ਨੂੰ ਕਈ ਵਾਰ ਖੁਦ ਹੱਲ ਕਰ ਲੈਂਦੇ ਹਨ, ਕਈ ਵਾਰ ਝਗੜਾ ਵਧ ਕੇ ਤਲਾਕ ਦੀ ਨੌਬਤ ਵੀ ਆ ਜਾਂਦੀ ਹੈ। ਕੁਵੈਤ ਦਾ ਇਕ ਹੈਰਾਨ ਕਰਨ ਵਾਲਾ ਕੇਸ ਪਤਾ ਲੱਗਾ ਹੈ। ਇੱਥੇ ਇਕ ਲਾੜੀ ਨੇ ਵਿਆਹ ਦੇ ਸਿਰਫ 3 ਮਿੰਟ ਬਾਅਦ ਹੀ ਆਪਣੇ ਪਤੀ ਨੂੰ ਤਲਾਕ ਦੇ ਦਿੱਤਾ ਹੈ। ਇਹ ਕੁਵੈਤ ਦੇ ਇਤਿਹਾਸ ਵਿਚ ਸਭ ਤੋਂ ਛੋਟਾ ਵਿਆਹ ਮੰਨਿਆ ਜਾ ਰਿਹਾ ਹੈ।
ਪਤਾ ਲੱਗਾ ਹੈ ਕਿ ਕੁਵੈਤ ਸਿਟੀ ਦੀ ਇਕ ਅਦਾਲਤ ਵਿਚ ਵਿਆਹ ਲਈ ਲਾੜਾ-ਲਾੜੀ ਪਹੁੰਚੇ ਤਾਂ ਵਿਆਹ ਹੋਣ ਦੇ ਬਾਅਦ ਜਦੋਂ ਬਾਹਰ ਆ ਰਹੇ ਸਨ ਤਾਂ ਲਾੜੀ ਤਿਲਕ ਕੇ ਡਿੱਗ ਗਈ। ਉਸ ਦੇ ਤਿਲਕਣ ਉੱਤੇ ਲਾੜੇ ਨੇ ਉਸ ਨੂੰ ਬੇਵਕੂਫ ਕਹਿ ਦਿੱਤਾ। ਇਹ ਗੱਲ ਲਾੜੀ ਨੂੰ ਪਸੰਦ ਨਾ ਆਈ ਤੇ ਨਾਰਾਜ਼ ਲਾੜੀ ਨੇ ਵਿਆਹ ਦੇ ਤਿੰਨ ਮਿੰਟ ਪਿੱਛੋਂ ਤਲਾਕ ਲੈ ਲਿਆ। ਲਾੜਾ-ਲਾੜੀ ਜਿਸ ਅਦਾਲਤ ਵਿਚ ਵਿਆਹ ਲਈ ਗਏ, ਓਸੇ ਅਦਾਲਤ ਤੋਂ ਮਸਾਂ 3 ਮਿੰਟ ਬਾਅਦ ਤਲਾਕ ਲੈ ਕੇ ਆ ਗਏ ਅਤੇ ਵਿਆਹ ਵਿੱਚ ਆਏ ਹੋਏ ਸਾਰੇ ਮਹਿਮਾਨ ਵੇਖਦੇ ਰਹਿ ਗਏ।
ਇਕ ਏਜੰਸੀ ਦੀ ਖਬਰ ਮੁਤਾਬਕ ਦੋਵਾਂ ਨੇ ਜੱਜ ਦੇ ਸਾਹਮਣੇ ਵਿਆਹ ਦੇ ਕਾਗਜ਼ਾਂ `ਤੇ ਦਸਤਖਤ ਕੀਤੇ ਸਨ। ਹਾਲ ਤੋਂ ਬਾਹਰ ਆਉਂਦੇ ਸਮੇਂ ਲਾੜੀ ਦਾ ਪੈਰ ਤਿਲਕ ਗਿਆ ਤੇ ਉਹ ਹੇਠਾਂ ਡਿੱਗ ਪਈ। ਇਸ ਮੌਕੇ ਪਤੀ ਦੇ ਕਹੇ ਗਲਤ ਸ਼ਬਦਾਂ ਨਾਲ ਦੁਖੀ ਹੋ ਕੇ ਲਾੜੀ ਨੇ ਵਿਆਹ ਨੂੰ ਓਥੇ ਹੀ ਖਤਮ ਕਰਨ ਦਾ ਫੈਸਲਾ ਲਿਆ। ਇਸ ਪਿੱਛੋਂ ਸੋਸ਼ਲ ਮੀਡੀਆ ਵਿਚ ਕੋਈ ਲੋਕਾਂ ਨੇ ਲਾੜੀ ਪ੍ਰਤੀ ਹਮਦਰਦੀ ਜ਼ਾਹਰ ਕੀਤੀ ਤੇ ਉਸ ਦੇ ਸਮਰਥਨ ਵਿਚ ਕੁਮੈਂਟ ਕੀਤੇ ਹਨ। ਕਈ ਲੋਕਾਂ ਨੇ ਕਿਹਾ ਕਿ ਲਾੜੀ ਸਹੀ ਸੀ ਤੇ ਉਸ ਨੇ ਸਹੀ ਫੈਸਲਾ ਲਿਆ। ਇਕ ਟਵਿੱਟਰ ਯੂਜ਼ਰ ਨੇ ਕਿਹਾ ਕਿ ਵਿਆਹ ਦੇ ਸ਼ੁਰੂ ਵਿਚ ਜੇ ਪਤੀ ਇਸ ਤਰ੍ਹਾਂ ਹਰਕਤ ਕਰਦਾ ਹੈ ਤਾਂ ਉਸ ਨੂੰ ਛੱਡ ਦੇਣਾ ਹੀ ਠੀਕ ਹੈ। ਇਕ ਹੋਰ ਯੂਜ਼ਰ ਨੇ ਇਹ ਲਿਖਿਆ ਕਿ ਜਿਸ ਵਿਆਹ ਵਿਚ ਸਨਮਾਨ ਨਹੀਂ ਹੈ, ਉਹ ਸ਼ੁਰੂ ਵਿਚ ਹੀ ਅਸਫਲ ਹੋ ਜਾਂਦਾ ਹੈ।

Have something to say? Post your comment
ਹੋਰ ਅੰਤਰਰਾਸ਼ਟਰੀ ਖ਼ਬਰਾਂ
ਪਾਕਿ ਦਾ ਆਜ਼ਾਦੀ ਦਿਨ: ਇਮਰਾਨ ਖਾਨ ਦੇ ਉਚੇਚੇ ਭਾਸ਼ਣ ਤੋਂ ਭਾਰਤ ਸਰਕਾਰ ਦੇ ਐਕਸ਼ਨ ਦਾ ਡਰ ਝਲਕਦਾ ਰਿਹਾ
ਹਾਂਗ ਕਾਂਗ ਦੀ ਆਗੂ ਲੇਮ ਨੇ ਕਿਹਾ: ਖਿੱਲਰਨ ਦੇ ਰਸਤੇ ਉੱਤੇ ਹੈ ਦੇਸ਼
ਭਾਰਤ ਵੱਲੋਂ ਹਾਂਗਕਾਂਗ ਜਾਣ ਵਾਲੇ ਯਾਤਰੀਆਂ ਨੂੰ ਚੇਤਾਵਨੀ ਜਾਰੀ
17 ਦੇਸ਼ਾਂ ਵਿੱਚ ਉਤਰੀ ਕੋਰੀਆ ਦੇ 35 ਸਾਈਬਰ ਹਮਲਿਆਂ ਦੀ ਯੂ ਐਨ ਜਾਂਚ ਕਰ ਰਿਹੈ
ਡੋਨਾਲਡ ਟਰੰਪ ਭਾਰਤ-ਪਾਕਿ ਵਿਚੋਲਗੀ ਤੋਂ ਪਾਸੇ ਹੋਏ
ਟਰੇਡ ਵਾਰ ਦੇ ਡਰ ਤੋੱ ਅਮਰੀਕਾ ਨੇ ਚੀਨੀ ਵਸਤਾਂ ਉੱਤੇ ਲਾਇਆ ਜਾਣ ਵਾਲਾ ਟੈਰਿਫ ਟਾਲਿਆ
ਅਮਰੀਕੀ ‘ਡੇਅ ਕੇਅਰ ਸੈਂਟਰ’ ਵਿੱਚ ਅੱਗ ਨਾਲ ਪੰਜ ਬੱਚਿਆਂ ਦੀ ਮੌਤ
ਮਿਆਂਮਾਰ 'ਚ ਜ਼ਮੀਨ ਖਿਸਕਣ ਨਾਲ ਮੌਤਾਂ ਦੀ ਗਿਣਤੀ 56 ਹੋਈ
ਯੂ ਐੱਨ ਵਿੱਚ ਪਾਕਿਸਤਾਨੀ ਰਾਜਦੂਤ ਮਲੀਹਾ ਲੋਧੀ ਵਿਰੁੱਧ ਪਾਕਿ ਨਾਗਰਿਕ ਭੜਕਿਆ
ਪਾਕਿ ਦੇ ਮੰਤਰੀ ਨੇ ਭਾਰਤ ਦੇ ਪੰਜਾਬੀ ਫੌਜੀਆਂ ਨੂੰ ਭਾਰਤ ਦੇ ਵਿਰੋਧ ਲਈ ਉਕਸਾਇਆ