Welcome to Canadian Punjabi Post
Follow us on

13

November 2019
ਪੰਜਾਬ

ਵਿਰਸਾ ਵਲਟੋਹਾ ਦੇ ਵਿਰੁੱਧ ਕੇਸ ਦੀ ਗੁੰਮ ਫਾਈਲ ਪੁਲਸ ਪ੍ਰਸ਼ਾਸਨ ਦੇ ਗਲੇ ਦੀ ਹੱਡੀ ਬਣੀ

February 08, 2019 08:27 AM

ਤਰਨ ਤਾਰਨ, 7 ਫਰਵਰੀ (ਪੋਸਟ ਬਿਊਰੋ)- ਇਸ ਜਿ਼ਲੇ ਦੇ ਕਸਬਾ ਪੱਟੀ ਦੇ ਪ੍ਰਸਿੱਧ ਡਾਕਟਰ ਡਾ. ਸੁਦਰਸ਼ਨ ਤ੍ਰੇਹਨ ਦੇ ਮਿਤੀ 30 ਸਤੰਬਰ 1983 ਦੀ ਸ਼ਾਮ ਨੂੰ ਹੋਏ ਕਤਲ ਬਾਰੇ ਪੁਲਸ ਥਾਣਾ ਪੱਟੀ ਤੋਂ ਗਾਇਬ ਹੋਈ ਫਾਈਲ ਦਾ ਮਾਮਲਾ ਪੁਲਸ ਪ੍ਰਸ਼ਾਸਨ ਦੇ ਗਲੇ ਦੀ ਹੱਡੀ ਬਣਿਆ ਹੋਇਆ ਹੈ। ਇਸ ਕੇਸ ਵਿੱਚ ਅਕਾਲੀ ਦਲ ਦੇ ਸਾਬਕਾ ਮੁੱਖ ਪਾਰਲੀਮੈਂਟਰੀ ਸੈਕਟਰੀ ਪ੍ਰੋ. ਵਿਰਸਾ ਸਿੰਘ ਵਲਟੋਹਾ ਦੇ ਖਿਲਾਫ ਪੱਟੀ ਦੀ ਅਦਾਲਤ 'ਚ ਚਲਾਨ ਪੇਸ਼ ਹੋ ਚੁੱਲਾ ਹੈ।
ਮਿਲੀ ਜਾਣਕਾਰੀ ਅਨੁਸਾਰ ਚਲਾਨ ਪੇਸ਼ ਕਰਨ ਵਾਲੀ ਪੁਲਸ 'ਤੇ ਸਵਾਲ ਖੜਾ ਹੋ ਰਿਹਾ ਹੈ ਕਿ ਹਰ ਤਿੰਨ ਮਹੀਨੇ ਬਾਅਦ ਥਾਣੇ ਦੀ ਇੰਸਪੈਕਸ਼ਨ ਦੇ ਬਾਵਜੂਦ ਫਾਈਲ ਲਾਪਤਾ ਹੋਣ ਦਾ ਕੇਸ ਕਿਉਂ ਦਬਾ ਕੇ ਰੱਖਿਆ ਗਿਆ। ਥਾਣਾ ਪੱਟੀ 'ਚ ਕੇਸ ਨੰਬਰ 346 ਦੀ ਫਾਈਲ ਲਾਪਤਾ ਹੋਣ ਕਾਰਨ ਅਦਾਲਤ ਵੱਲੋਂ ਭਗੌੜਾ ਕਰਾਰ ਦਿੱਤੇ ਜਾਣ ਦਾ ਮਾਮਲਾ 35 ਸਾਲਾਂ ਤੋਂ ਠੰਢੇ ਬਸਤੇ 'ਚ ਸੀ। ਥਾਣਾ ਪੱਟੀ ਤੋਂ ਡਾ. ਤ੍ਰੇਹਨ ਕਤਲ ਕਾਂਡ ਨਾਲ ਸਬੰਧਤ ਫਾਈਲ ਨੂੰ ਕਿਸ ਨੇ ਗੁੰਮ ਕੀਤਾ, ਇਸ ਦੀ ਜਾਂਚ ਹਾਲੇ ਬਾਕੀ ਹੈ। ਡਾ. ਤ੍ਰੇਹਨ ਕਤਲ ਕੇਸ ਵਿੱਚ ਦੋ ਜਣਿਆਂ ਹਰਦੇਵ ਸਿੰਘ ਅਤੇ ਬਲਦੇਵ ਸਿੰਘ ਨੂੰ 15 ਨਵੰਬਰ 1984 ਨੂੰ ਗ੍ਰਿਫਤਾਰ ਕੀਤਾ ਗਿਆ ਸੀ ਅਤੇ ਛੇ ਨਵੰਬਰ 1990 ਨੂੰ ਬਰੀ ਹੋ ਗਏ ਸਨ। ਤੀਜੇ ਮੁਲਜ਼ਮ ਪ੍ਰੋ. ਵਿਰਸਾ ਸਿੰਘ ਵਲਟੋਹਾ ਨੂੰ ਗ੍ਰਿਫਤਾਰ ਕਰਕੇ ਅਦਾਲਤ 'ਚ ਪੇਸ਼ ਕਰਨ ਦੀ ਥਾਂ ਤਰਨ ਤਾਰਨ ਪੁਲਸ ਨੇ ਅਦਾਲਤ ਨੂੰ ਇਹ ਬਿਆਨ ਦਿੱਤੇ ਸਨ ਕਿ ਵਿਰਸਾ ਸਿੰਘ ਵਲਟੋਹਾ ਗ੍ਰਿਫਤਾਰੀ ਤੋਂ ਬਚਣ ਲਈ ਕਿਤੇ ਭੱਜ ਗਿਆ ਹੈ ਜਦ ਕਿ ਵਿਰਸਾ ਸਿੰਘ ਵਲਟੋਹਾ ਉਸ ਸਮੇਂ ਅੱਧੀ ਦਰਜਨ ਦੇ ਕਰੀਬ ਮਾਮਲਿਆਂ 'ਚ ਜੇਲ੍ਹ 'ਵਿੱ ਬੰਦ ਸੀ।
ਜਾਣਕਾਰ ਸੂਤਰਾਂ ਮੁਤਾਬਕ ਥਾਣਾ ਪੱਟੀ ਤੋਂ ਡਾ. ਤ੍ਰੇਹਨ ਕਤਲ ਕੇਸ ਦੀ ਫਾਈਲ ਲਾਪਤਾ ਹੋਣ ਦਾ ਮਾਮਲਾ ਪੁਲਸ ਨੇ ਸਿਆਸੀ ਦਬਾਅ 'ਚ ਦਬਾਇਆ ਸੀ। ਹਰ ਤਿੰਨ ਮਹੀਨੇ ਬਾਅਦ ਥਾਣੇ ਦੀ ਇੰਸਪੈਕਸ਼ਨ ਦੇ ਬਾਵਜੂਦ ਕਿਸੇ ਅਧਿਕਾਰੀ ਨੇ ਨਾ ਰਿਪੋਰਟ ਦਰਜ ਕੀਤੀ ਤੇ ਨਾ ਇਸ ਦੀ ਜਾਂਚ ਲਈ ਕਿਸੇ ਥਾਣਾ ਮੁਖੀ ਨੂੰ ਜ਼ਿੰਮੇਵਾਰ ਦੱਸਿਆ। ਪੰਜਾਬ ਹਿਊਮਨ ਰਾਈਟਸ ਸੰਸਥਾ ਦੇ ਚੇਅਰਮੈਨ ਐਡਵੋਕੇਟ ਰਾਜਵਿੰਦਰ ਸਿੰਘ ਬੈਂਸ ਦਾ ਕਹਿਣਾ ਹੈ ਕਿ 2017 'ਚ ਇਹ ਕੇਸ ਉਠਾਇਆ ਗਿਆ ਸੀ ਅਤੇ ਫਾਈਲ ਲਾਪਤਾ ਹੋਣ ਬਾਰੇ ਇਸ ਸੰਸਥਾ ਨੇ ਆਈ ਜੀ ਬਾਰਡਰ ਜ਼ੋਨ ਨੂੰ ਸ਼ਿਕਾਇਤ ਦਿੱਤੀ ਹੈ। ਇਸ ਦੀ ਜਾਂਚ ਸ਼ੁਰੂ ਹੁੰਦੇ ਸਾਰ ਐਸ ਐਸ ਪੀ ਦਰਸ਼ਨ ਸਿੰਘ ਮਾਨ ਨੇ ਫਾਈਲ ਲਾਪਤਾ ਹੋਣ ਦੀ ਪੁਸ਼ਟੀ ਕੀਤੀ ਹੈ, ਜਿਸ ਤੋਂ ਬਾਅਦ ਐਸ ਪੀ ਸੁਰੱਖਿਆ ਜਸਵੰਤ ਕੌਰ, ਡੀ ਐਸ ਪੀ ਪੱਟੀ ਸੋਹਨ ਸਿੰਘ, ਥਾਣਾ ਮੁਖੀ ਇੰਸਪੈਕਟਰ ਰਾਜੇਸ਼ ਕੱਕੜ ਦੀ ਜਾਂਛ ਟੀਮ ਦੀ ਰਿਪੋਰਟ ਉੱਤੇ ਪੱਟੀ ਦੀ ਅਦਾਲਤ 'ਚ ਪ੍ਰੋ. ਵਲਟੋਹਾ ਖਿਲਾਫ ਚਲਾਨ ਪੇਸ਼ ਕੀਤਾ ਗਿਆ ਹੈ।

Have something to say? Post your comment
ਹੋਰ ਪੰਜਾਬ ਖ਼ਬਰਾਂ
ਕਤਲ ਦੇ ਦੋਸ਼ੀ ਸਾਬਕਾ ਪਾਕਿਸਤਾਨੀ ਵਿਧਾਇਕ ਬਲਦੇਵ ਸਿੰਘ ਦਾ ਵੀਜ਼ਾ ਖ਼ਤਮ
ਵਿਦੇਸ਼ਾਂ ਵਿੱਚ ਵਸੇ ਕਾਨੂੰਨੀ ਭਗੌੜਿਆਂ ਬਾਰੇ ਪੰਜਾਬ ਸਰਕਾਰ ਵੱਡਾ ਕਦਮ ਚੁੱਕੇਗੀ
550ਵਾਂ ਪ੍ਰਕਾਸ਼ ਉਤਸਵ: ਰਾਸ਼ਟਰਪਤੀ ਨੇ ਸੁਲਤਾਨਪੁਰ ਲੋਧੀ ਦੇ ਦੋਵਾਂ ਪੰਡਾਲਾਂ ਵਿੱਚ ਵਾਰੋ-ਵਾਰੀ ਹਾਜ਼ਰੀ ਲਵਾਈ
ਬਲਵੰਤ ਸਿੰਘ ਰਾਜੋਆਣਾ ਦੀ ਫਾਂਸੀ ਦੀ ਸਜ਼ਾ ਨੰ ਉਮਰ ਕੈਦ ਵਿੱਚ ਬਦਲ ਦਿੱਤਾ ਗਿਆ
ਜਸਟਿਸ ਰਣਜੀਤ ਸਿੰਘ ਕਮਿਸ਼ਨ ਦੀ ਮਾਣ-ਹਾਨੀ ਦੀ ਸ਼ਿਕਾਇਤ ਹਾਈਕੋਰਟ ਵੱਲੋਂ ਰੱਦ
ਸ਼ਾਰਧਾ ਚੈਨਲ ਦੀ ਪ੍ਰਚਾਰਕ ਬੀਬੀ ਬਬੀਤਾ ਵਿਰੁੱਧ ਪੁਲਸ ਨੇ ਕੇਸ ਦਰਜ ਕੀਤਾ
ਕਰਤਾਰਪੁਰ ਸਾਹਿਬ ਜਾ ਰਹੀ ਸੰਗਤ ਭਾਰਤ 'ਚੋਂ ਡਾਲਰ ਤਬਦੀਲ ਕਰਵਾ ਕੇ ਜਾਵੇ
ਅਮਰਿੰਦਰ ਨੇ ਕਿਹਾ: ਪਾਕਿਸਤਾਨ ਦੇ ਬਾਕੀ ਗੁਰਧਾਮਾਂ ਦੇ ਦਰਸ਼ਨਾਂ ਦੀ ਖੁੱਲ੍ਹ ਲਈ ਮੋਦੀ ਕੋਲ ਪਹੁੰਚ ਕਰਾਂਗਾ
ਅਮਰੀਕਾ 'ਚ ਲੁਟੇਰਿਆ ਵਲੋਂ ਗੋਲੀ ਮਾਰ ਕੇ ਪੰਜਾਬੀ ਦੀ ਹੱਤਿਆ
ਦੋ ਨਾਬਾਲਗਾਂ ਨੇ ਨਾਟਕੀ ਢੰਗ ਨਾਲ ਵਿਆਂਹਦੜ ਜੋੜੇ ਦੇ ਗਹਿਣੇ ਤੇ ਨਕਦੀ ਚੋਰੀ ਕਰ ਲਏ