Welcome to Canadian Punjabi Post
Follow us on

18

April 2019
ਪੰਜਾਬ

ਬੇਟੇ ਦਾ ਨਾਂਅ ਰਜਿਸਟਰੀ ਕਰਾਈ, ਉਸ ਨੇ ਕੱਢਿਆ ਤਾਂ ਕੋਰਟ ਨੇ ਪਿਤਾ ਦੀ ਜਾਇਦਾਦ ਮੁੜਵਾਈ

February 07, 2019 07:40 AM

ਫਿਲੌਰ, 6 ਫਰਵਰੀ (ਪੋਸਟ ਬਿਊਰੋ)- ਬਜ਼ੁਰਗ ਪਿਤਾ ਨੇ 10 ਸਾਲ ਪਹਿਲਾਂ ਖਰੀਦਿਆ ਪਲਾਟ ਇਹ ਸੋਚ ਕੇ ਬੇਟੇ ਦੇ ਨਾਂਅ ਕਰ ਦਿੱਤਾ ਕਿ ਬੁਢਾਪਾ ਬੱਚਿਆਂ ਨਾਲ ਕੱਟੇਗਾ, ਪ੍ਰੰਤੂ ਬੇਟੇ ਨੇ ਜ਼ਮੀਨ ਉੱਤੇ ਬਣਾਈ ਕੋਠੀ ਦੇ ਗ੍ਰਹਿ ਪ੍ਰਵੇਸ਼ ਤੋਂ ਇੱਕ ਦਿਨ ਪਹਿਲਾਂ ਪਿਤਾ ਨੂੰ ਕੁੱਟ ਕੇ ਘਰੋਂ ਕੱਢ ਦਿੱਤਾ। ਪਿਤਾ ਨੇ ਅਦਾਲਤ ਦਾ ਦਰ ਖੜਕਾਇਆ ਤਾਂ ਦੋ ਸਾਲ ਪਿੱਛੋਂ ਫੈਸਲਾ ਆਏ ਤੋਂ ਬੇਟੇ ਦੇ ਨਾਂਅ ਰਜਿਸਟਰੀ ਰੱਦ ਕਰ ਕੇ ਪਿਤਾ ਦੇ ਨਾਂਅ ਇੰਤਕਾਲ ਕਰਨ ਦੇ ਹੁਕਮ ਹੋ ਗਏ।
ਅਧਿਆਪਕ ਰਤਨ ਸਿੰਘ ਤੇ ਸਰਕਾਰੀ ਸਕੂਲ ਦੀ ਟੀਚਰ ਉਨ੍ਹਾਂ ਦੀ ਪਤਨੀ ਬਲਵਿੰਦਰ ਕੌਰ ਨੇ ਦੱਸਿਆ ਕਿ ਉਨ੍ਹਾਂ ਦੇ ਦੋ ਵਿਆਹੇ ਹੋਏ ਬੇਟੇ ਹਨ। ਕੁਝ ਸਾਲ ਪਹਿਲਾਂ ਬੋਪਾਰਾਏ ਵਿੱਚ 10 ਲੱਖ ਰੁਪਏ ਵਿੱਚ ਪਲਾਟ ਖਰੀਦਿਆ ਤੇ ਸੋਚਿਆ ਸੀ ਕਿ ਰਿਟਾਇਰਮੈਂਟ ਪਿੱਛੋਂ ਇਥੇ ਘਰ ਬਣਾ ਕੇ ਬੱਚਿਆਂ ਨਾਲ ਰਹਾਂਗੇ। ਪਲਾਟ ਉਨ੍ਹਾਂ ਨੇ ਛੋਟੇ ਬੇਟੇ ਕੰਵਲਦੀਪ ਦੇ ਨਾਂਅ ਕਰ ਦਿੱਤਾ ਅਤੇ ਬੇਟੇ ਦੇ ਕਹਿਣ 'ਤੇ ਪਿੰਡ ਵਡਾਲਾ ਵਿੱਚ ਪਏ ਘਰ ਨੂੰ ਵੇਚ ਕੇ ਸਾਲ 2016 ਵਿੱਚ ਉਸੇ ਖਾਲੀ ਪਲਾਟ 'ਤੇ ਕੋਠੀ ਵੀ ਬਣਵਾ ਦਿੱਤੀ, ਪ੍ਰੰਤੂ ਗ੍ਰਹਿ ਪ੍ਰਵੇਸ਼ ਦੇ ਇੱਕ ਦਿਨ ਪਹਿਲਾਂ ਉਨ੍ਹਾਂ ਦੇ ਬੇਟੇ ਨੇ ਉਨ੍ਹਾਂ ਨੂੰ ਕੁੱਟ ਕੇ ਘਰੋਂ ਕੱਢ ਦਿੱਤਾ। ਸਭ ਕੁਝ ਹੁੰਦੇ ਵੀ ਇਹ ਟੀਚਰ ਜੋੜਾ ਤਿੰਨ ਸਾਲ ਕਿਰਾਏ ਦੇ ਘਰ ਵਿੱਚ ਰਹਿਣ ਨੂੰ ਮਜਬੂਰ ਸੀ। ਐਡਵੋਕੇਟ ਇੰਦਰਜੀਤ ਵਰਮਾ ਨੂੰ ਮਿਲ ਕੇ ਉਨ੍ਹਾਂ ਨੇ ਸਥਾਨਕ ਅਦਾਲਤ ਵਿੱਚ ਬੇਟੇ ਦੇ ਵਿਰੁੱਧ ਕੇਸ ਦਾਇਰ ਕਰ ਦਿੱਤਾ। ਕੇਸ ਦੇ ਦੌਰਾਨ ਉਨ੍ਹਾਂ ਦੇ ਬੇਟੇ ਨੇ ਘਰ ਕਿਸੇ ਤੀਸਰੇ ਵਿਅਕਤੀ ਨੂੰ ਵੇਚ ਦਿਤਾ। ਉਨ੍ਹਾਂ ਦੱਸਿਆ ਕਿ ਸਥਾਨਕ ਅਦਾਲਤ ਨੇ ਦੋ ਸਾਲਾਂ ਤੋਂ ਚੱਲਦੇ ਕੇਸ 'ਤੇ ਕੱਲ੍ਹ ਉਨ੍ਹਾਂ ਦੇ ਹੱਕ ਵਿੱਚ ਫੈਸਲਾ ਦੇਂਦੇ ਹੋਏ ਅਧਿਕਾਰੀਆਂ ਨੂੰ ਨਿਰਦੇਸ਼ ਜਾਰੀ ਕੀਤੇ ਕਿ ਜੋ ਜਾਇਦਾਦ ਉਨ੍ਹਾਂ ਪੁੱਤਰ ਮੋਹ ਵਿੱਚ ਆ ਕੇ ਬੇਟੇ ਦੇ ਨਾਂਅ ਕੀਤੀ ਸੀ, ਉਸ ਦਾ ਇੰਤਕਾਲ ਰੱਦ ਕਰ ਕੇ ਫਿਰ ਮਾਤਾ-ਪਿਤਾ ਦੇ ਨਾਂਅ ਕੀਤਾ ਜਾਏ।

Have something to say? Post your comment
ਹੋਰ ਪੰਜਾਬ ਖ਼ਬਰਾਂ
ਜੈਸ਼-ਏ-ਮੁਹੰਮਦ ਦੇ ਪੱਤਰ ਨੇ ਪੰਜਾਬ ਪੁਲਸ ਦੀ ਨੀਂਦ ਉਡਾਈ
ਚੋਣ ਜ਼ਾਬਤੇ ਦੀ ਉਲੰਘਣਾ ਲਈ ਬਲਜਿੰਦਰ ਕੌਰ ਤੇ ਹਲਕਾ ਲੰਬੀ ਦੀ ਕਾਂਗਰਸ ਕਮੇਟੀ ਨੂੰ ਨੋਟਿਸ
ਕਰਤਾਰਪੁਰ ਸਾਹਿਬ ਲਈ ਰਾਵੀ ਉੱਤੇ 100 ਮੀਟਰ ਲੰਬਾ ਤੇ 5.5 ਮੀਟਰ ਉਚਾ ਪੁਲ ਬਣੇਗਾ
20 ਸਾਲਾਂ ਪਿੱਛੋਂ ਸੁਪਰੀਮ ਕੋਰਟ ਨੇ ਕਾਤਲ ਨੂੰ ਨਾਬਾਲਗ ਦੱਸ ਕੇ ਛੱਡਿਆ
ਕੈਰੀ ਬੈਗ ਦੇ ਤਿੰਨ ਰੁਪਏ ਨਹੀਂ ਮੋੜੇ, ਫੋਰਮ ਨੇ ਫਰਮ ਨੂੰ ਤਿੰਨ ਹਜ਼ਾਰ ਜੁਰਮਾਨਾ ਲਾਇਆ
ਚੰਦੂਮਾਜਰਾ ਨੇ ਤਿਵਾੜੀ ਨੂੰ ਬਾਹਰੀ ਕਿਹਾ, ਤਿਵਾੜੀ ਨੇ ਕਿਹਾ: ਮੈਂ ਕਿਹੜਾ ਪਾਕਿਸਤਾਨੋਂ ਆਇਆਂ
ਜਸਪਾਲ ਕਮਾਨਾ ਨੇ ਕੈਮਰੇ `ਚ ਕੈਦ ਕੀਤੇ ‘ਕਾਮੇ ਦੇਸ ਪੰਜਾਬ ਦੇੇ’, ਫੋਟੋ ਪ੍ਰਦਰਸ਼ਨੀ ਲਾਕੇ ਕੀਤਾ ਆਪਣੇ ਵਿਚਾਰਾਂ ਦਾ ਪ੍ਰਗਟਾਵਾ
ਨੌਜਵਾਨ ਕਾਂਗਰਸੀ ਆਗੂ ਜੱਸਾ ਸੈਣੀ ਵੱਲੋਂ ਫਾਹਾ ਲੈ ਕੇ ਖੁਦਕੁਸ਼ੀ
ਬੱਚਾ ਅਗਵਾ ਕਰਨ ਵਾਲਾ ਸਫਾਈ ਕਾਮਾ ਅਤੇ ਉਸ ਦੀ ਮਾਸ਼ੂਕਾ ਗ੍ਰਿਫਤਾਰ
ਹਾਕਿਨਜ਼ ਕੁੱਕਰ ਫੈਕਟਰੀ ਦੇ ਮਾਲਕ ਤੇ ਮੈਨੇਜਰ ਨੂੰ ਕੈਦ ਦੇ ਨਾਲ ਜੁਰਮਾਨਾ