Welcome to Canadian Punjabi Post
Follow us on

13

November 2019
ਪੰਜਾਬ

ਗੁਰੂ ਨਾਨਕ ਹਸਪਤਾਲ ਵਿੱਚ ਦੋ ਮਹਿਲਾ ਡਾਕਟਰਾਂ ਨਾਲ ਛੇੜਛਾੜ, ਸੁਰੱਖਿਆ ਮੁਲਾਜ਼ਮ ਗ੍ਰਿਫਤਾਰ

February 06, 2019 08:52 AM

ਅੰਮ੍ਰਿਤਸਰ, 5 ਫਰਵਰੀ (ਪੋਸਟ ਬਿਊਰੋ)- ਸਰਕਾਰੀ ਕੰਟਰੋਲ ਵਾਲੇ ਗੁਰੂ ਨਾਨਕ ਦੇਵ ਹਸਪਤਾਲ ਦੇ ਸਰਜੀਕਲ ਵਾਰਡ ਵਿੱਚ ਦੋ ਮਹਿਲਾ ਜੂਨੀਅਨਰ ਰੈਜੀਡੈਂਟ ਡਾਕਟਰਾਂ ਦਾ ਰਾਤ ਨੂੰ ਹਸਪਤਾਲ ਦੇ ਸੁਰੱਖਿਆ ਕਰਮਚਾਰੀ ਨੇ ਸਰੀਰਕ ਸ਼ੋਸ਼ਣ ਕਰਨ ਦੀ ਕੋਸ਼ਿਸ਼ ਕੀਤੀ। ਨਿੱਜੀ ਸੁਰੱਖਿਆ ਕੰਪਨੀ ਵੱਲੋਂ ਹਸਪਤਾਲ ਦੀ ਸੁਰੱਖਿਆ ਵਿੱਚ ਤੈਨਾਤ ਕੀਤੇ ਇਸ ਕਰਮਚਾਰੀ ਨੇ ਪਹਿਲਾਂ ਇੱਕ ਡਾਕਟਰ ਨਾਲ ਛੇੜਛਾੜ ਕੀਤੀ ਅਤੇ ਫਿਰ ਅੱਧੇ ਘੰਟੇ ਬਾਅਦ ਦੂਸਰੀ ਡਾਕਟਰ ਨੂੰ ਨਿਸ਼ਾਨਾ ਬਣਾਇਆ। ਦੋਵੇਂ ਮਹਿਲਾ ਡਾਕਟਰ ਬੜੀ ਮੁਸ਼ਕਲ ਨਾਲ ਉਸ ਦੇ ਚੁੰਗਲ ਵਿੱਚੋਂ ਛੁਟ ਸਕੀਆਂ।
ਪਤਾ ਲੱਗਾ ਹੈ ਕਿ ਐਤਵਾਰ ਰਾਤ ਤੜਕੇ ਦੋ ਵਜੇ ਸਰਜੀਕਲ ਵਾਰਡ ਵਿੱਚ ਇੱਕ ਮਹਿਲਾ ਡਾਕਟਰ ਵਾਰਡ ਵੱਲ ਜਾ ਰਹੀ ਸੀ। ਜਦੋਂ ਉਹ ਗੁਰੂ ਨਾਨਕ ਦੇਵ ਹਸਪਤਾਲ ਦੇ ਗਰਲਜ਼ ਹੋਸਟਲ ਦੇ ਸਾਹਮਣੇ ਪਾਰਕਿੰਗ ਵਿੱਚ ਪਹੁੰਚੀ ਤਾਂ ਉਥੇ ਹਨੇਰੇ ਵਿੱਚ ਇੱਕ ਵਿਅਕਤੀ ਨੇ ਉਸ ਦਾ ਰਸਤਾ ਰੋਕ ਕੇ ਅਸ਼ਲੀਲ ਹਰਕਤਾਂ ਸ਼ੁਰੂ ਕਰ ਦਿੱਤੀਆਂ। ਮਹਿਲਾ ਡਾਕਟਰ ਉਸ ਨੂੰ ਧੱਕਾ ਮਾਰ ਕੇ ਭੱਜੀ। ਫਿਰ ਅੱਧੇ ਘੰਟੇ ਬਾਅਦ ਇੱਕ ਹੋਰ ਮਹਿਲਾ ਡਾਕਟਰ ਇਸੇ ਰਸਤੇ ਵਾਰਡ ਵੱਲ ਗਈ ਤਾਂ ਇਸ ਸ਼ਖਸ ਨੇ ਉਸ ਉੱਤੇ ਵੀ ਜਿਨਸੀ ਹਮਲੇ ਦਾ ਕੋਸ਼ਿਸ਼ ਕੀਤੀ ਅਤੇ ਉਹ ਵੀ ਰੌਲਾ ਪਾ ਕੇ ਉਸ ਦੇ ਚੰੁਗਲ 'ਚੋਂ ਛੁਟ ਕੇ ਭੱਜ ਗਈ। ਇਸ ਘਟਨਾ ਦੇ ਬਾਅਦ ਹਸਪਤਾਲ ਵਿੱਚ ਹੰਗਾਮਾ ਮਚ ਗਿਆ ਅਤੇ ਡਾਕਟਰ ਤੇ ਸਹਿਯੋਗੀ ਸਟਾਫ ਇਸ ਸ਼ਖਸ ਨੂੰ ਲੱਭਣ ਨਿਕਲੇ। ਇਸੇ ਮੌਕੇ ਪੁਲਸ ਨੂੰ ਵੀ ਸੂਚਿਤ ਕੀਤਾ ਤਾਂ ਓਥੇ ਆਈ ਪੁਲਸ ਨੇ ਹਸਪਤਾਲ ਦੇ ਸੁਰੱਖਿਆ ਮੁਲਾਜ਼ਮਾਂ ਤੋਂ ਪੁੱਛਗਿੱਛ ਕੀਤੀ ਤਾਂ ਇੱਕ ਸੁਰੱਖਿਆ ਕਰਮਚਾਰੀ ਸ਼ਰਾਬ ਦੇ ਨਸ਼ੇ ਵਿੱਚ ਪਾਇਆ ਗਿਆ। ਪੁਲਸ ਨੇ ਜਦ ਇਸ ਬਾਰੇ ਪੁੱਛਗਿੱਛ ਕੀਤੀ ਤਾਂ ਉਹ ਦੁਰ ਵਿਹਾਰ ਕਰਨ ਲੱਗਾ ਅਤੇ ਪੁਲਸ ਮੁਲਾਜ਼ਮ ਨੂੰ ਧੱਕਾ ਮਾਰ ਦਿੱਤਾ। ਇਸ ਪਿੱਛੋਂ ਪੁਲਸ ਨੇ ਉਸ ਨੂੰ ਹਿਰਾਸਤ ਵਿੱਚ ਲਿਆ ਅਤੇ ਥਾਣੇ ਲੈ ਗਈ। ਕੱਲ੍ਹ ਸਵੇਰੇ ਜਦ ਇਸ ਸੁਰੱਖਿਆ ਕਰਮਚਾਰੀ ਦਾ ਨਸ਼ਾ ਉਤਰਿਆ ਤਾਂ ਦੋਸ਼ੀ ਸੁਖਵਿੰਦਰ ਸਿੰਘ ਨੇ ਮੰਨਿਆ ਕਿ ਨਸ਼ੇ ਵਿੱਚ ਉਸ ਨੇ ਦੋਵਾਂ ਮਹਿਲਾ ਡਾਕਟਰਾਂ ਨਾਲ ਛੇੜਛਾੜ ਕੀਤੀ ਸੀ।

Have something to say? Post your comment
ਹੋਰ ਪੰਜਾਬ ਖ਼ਬਰਾਂ
ਕਤਲ ਦੇ ਦੋਸ਼ੀ ਸਾਬਕਾ ਪਾਕਿਸਤਾਨੀ ਵਿਧਾਇਕ ਬਲਦੇਵ ਸਿੰਘ ਦਾ ਵੀਜ਼ਾ ਖ਼ਤਮ
ਵਿਦੇਸ਼ਾਂ ਵਿੱਚ ਵਸੇ ਕਾਨੂੰਨੀ ਭਗੌੜਿਆਂ ਬਾਰੇ ਪੰਜਾਬ ਸਰਕਾਰ ਵੱਡਾ ਕਦਮ ਚੁੱਕੇਗੀ
550ਵਾਂ ਪ੍ਰਕਾਸ਼ ਉਤਸਵ: ਰਾਸ਼ਟਰਪਤੀ ਨੇ ਸੁਲਤਾਨਪੁਰ ਲੋਧੀ ਦੇ ਦੋਵਾਂ ਪੰਡਾਲਾਂ ਵਿੱਚ ਵਾਰੋ-ਵਾਰੀ ਹਾਜ਼ਰੀ ਲਵਾਈ
ਬਲਵੰਤ ਸਿੰਘ ਰਾਜੋਆਣਾ ਦੀ ਫਾਂਸੀ ਦੀ ਸਜ਼ਾ ਨੰ ਉਮਰ ਕੈਦ ਵਿੱਚ ਬਦਲ ਦਿੱਤਾ ਗਿਆ
ਜਸਟਿਸ ਰਣਜੀਤ ਸਿੰਘ ਕਮਿਸ਼ਨ ਦੀ ਮਾਣ-ਹਾਨੀ ਦੀ ਸ਼ਿਕਾਇਤ ਹਾਈਕੋਰਟ ਵੱਲੋਂ ਰੱਦ
ਸ਼ਾਰਧਾ ਚੈਨਲ ਦੀ ਪ੍ਰਚਾਰਕ ਬੀਬੀ ਬਬੀਤਾ ਵਿਰੁੱਧ ਪੁਲਸ ਨੇ ਕੇਸ ਦਰਜ ਕੀਤਾ
ਕਰਤਾਰਪੁਰ ਸਾਹਿਬ ਜਾ ਰਹੀ ਸੰਗਤ ਭਾਰਤ 'ਚੋਂ ਡਾਲਰ ਤਬਦੀਲ ਕਰਵਾ ਕੇ ਜਾਵੇ
ਅਮਰਿੰਦਰ ਨੇ ਕਿਹਾ: ਪਾਕਿਸਤਾਨ ਦੇ ਬਾਕੀ ਗੁਰਧਾਮਾਂ ਦੇ ਦਰਸ਼ਨਾਂ ਦੀ ਖੁੱਲ੍ਹ ਲਈ ਮੋਦੀ ਕੋਲ ਪਹੁੰਚ ਕਰਾਂਗਾ
ਅਮਰੀਕਾ 'ਚ ਲੁਟੇਰਿਆ ਵਲੋਂ ਗੋਲੀ ਮਾਰ ਕੇ ਪੰਜਾਬੀ ਦੀ ਹੱਤਿਆ
ਦੋ ਨਾਬਾਲਗਾਂ ਨੇ ਨਾਟਕੀ ਢੰਗ ਨਾਲ ਵਿਆਂਹਦੜ ਜੋੜੇ ਦੇ ਗਹਿਣੇ ਤੇ ਨਕਦੀ ਚੋਰੀ ਕਰ ਲਏ