Welcome to Canadian Punjabi Post
Follow us on

18

April 2019
ਕੈਨੇਡਾ

ਲੀਹ ਤੋਂ ਉਤਰਨ ਤੋਂ ਪਹਿਲਾਂ ਆਪਣੇ ਆਪ ਹੀ ਰੁੜ੍ਹਨੀ ਸ਼ੁਰੂ ਹੋਈ ਸੀ ਕੈਨੇਡੀਅਨ ਪੈਸੇਫਿਕ ਗੱਡੀ : ਟੀਐਸਬੀ

February 06, 2019 08:27 AM

ਕੈਲਗਰੀ, 5 ਫਰਵਰੀ (ਪੋਸਟ ਬਿਊਰੋ) : ਬੇਹੱਦ ਠੰਢੀ ਰਾਤ ਨੂੰ ਪਹਾੜੀ ਇਲਾਕੇ ਵਿੱਚ ਪਾਰਕ ਕੀਤੀ ਗਈ ਕੈਨੇਡੀਅਨ ਪੈਸੇਫਿਕ ਮਾਲ ਗੱਡੀ ਲੀਹ ਤੋਂ ਉਤਰਨ ਤੋਂ ਪਹਿਲਾਂ ਆਪਣੇ ਆਪ ਹੀ ਰੁੜ੍ਹਨੀ ਸ਼ੁਰੂ ਹੋ ਗਈ ਸੀ। ਇਸ ਹਾਦਸੇ ਵਿੱਚ ਤਿੰਨ ਕਾਮਿਆਂ ਦੀ ਜਾਨ ਚਲੀ ਗਈ ਸੀ ਤੇ 99 ਬੋਗੀਆਂ ਤੇ ਦੋ ਲੋਕੋਮੋਟਿਵ ਡੱਬੇ ਲੀਹ ਤੋਂ ਲੱਥ ਗਏ ਸਨ।
ਟਰਾਂਸਪੋਰਟੇਸ਼ਨ ਸੇਫਟੀ ਬੋਰਡ ਨੇ ਦੱਸਿਆ ਕਿ ਪੱਛਮ ਵੱਲ ਜਾ ਰਹੀ ਇਹ ਰੇਲਗੱਡੀ ਫੀਲਡ, ਬੀਸੀ ਨੇੜੇ ਅਲਬਰਟਾ ਤੇ ਬ੍ਰਿਟਿਸ਼ ਕੋਲੰਬੀਆ ਦੀ ਹੱਦ ਤੋਂ ਪੱਛਮ ਵੱਲ ਪਾਰਕ ਕੀਤੀ ਗਈ ਸੀ ਤੇ ਇਸ ਦੀਆਂ ਏਅਰ ਬ੍ਰੇਕਜ਼ ਦੋ ਘੰਟੇ ਲਈ ਲੱਗੀਆਂ ਰਹੀਆਂ ਸਨ, ਜਦੋਂ ਇਸ ਨੇ ਆਪਣੇ ਆਪ ਰੁੜ੍ਹਨਾ ਸ਼ੁਰੂ ਕੀਤਾ। ਹੈਂਡਬ੍ਰੇਕਜ਼ ਕਦੇ ਲਾਈਆਂ ਹੀ ਨਹੀਂ ਗਈਆਂ। ਮੰਗਲਵਾਰ ਨੂੰ ਸੀਨੀਅਰ ਜਾਂਚਕਾਰ ਜੇਮਜ਼ ਕਾਰਮਾਈਕਲ ਨੇ ਆਖਿਆ ਕਿ ਅਮਲੇ ਨੇ ਇਸ ਵਿੱਚ ਕੁੱਝ ਵੀ ਨਹੀਂ ਕੀਤਾ। ਗੱਡੀ ਆਪਣੇ ਆਪ ਹੀ ਰੁੜ੍ਹਨ ਲੱਗੀ।
ਉਨ੍ਹਾਂ ਦੱਸਿਆ ਕਿ ਕੈਲਗਰੀ ਸਥਿਤ ਅਮਲਾ ਸੋਮਵਾਰ ਨੂੰ ਫੀਲਡ ਦੇ ਪੂਰਬ ਵਿੱਚ ਗੱਡੀ ਦਾ ਚਾਰਜ ਇਸ ਲਈ ਸਾਂਭਣ ਜਾ ਰਿਹਾ ਸੀ ਕਿਉਂਕਿ ਪਹਿਲਾਂ ਤੋਂ ਕੰਮ ਕਰ ਰਹੇ ਵਰਕਰਜ਼ ਵੱਧ ਤੋਂ ਵੱਧ ਕੰਮ ਕਰਨ ਦੀ ਹੱਦ ਪੂਰੀ ਕਰਨ ਵਾਲੇ ਸਨ। ਨਵਾਂ ਅਮਲਾ ਅਜੇ ਗੱਡੀ ਨੂੰ ਲਿਜਾਣ ਲਈ ਤਿਆਰ ਨਹੀਂ ਸੀ ਜਦੋਂ ਤੜ੍ਹਕੇ 1:00 ਵਜੇ ਗੱਡੀ ਆਪਣੇ ਆਪ ਹੀ ਰੁੜ੍ਹਨ ਲੱਗ ਪਈ। ਉਨ੍ਹਾਂ ਦੱਸਿਆ ਕਿ ਗੱਡੀ ਦੀਆਂ 112 ਬੋਗੀਆਂ ਸਨ ਜਿਨ੍ਹਾਂ ਵਿੱਚ ਅਨਾਜ ਵੈਨਕੂਵਰ ਲਿਜਾਇਆ ਜਾ ਰਿਹਾ ਸੀ। ਪਹਾੜੀ ਇਲਾਕੇ ਵਿੱਚ ਪਾਰਕ ਕੀਤੀ ਇਹ ਗੱਡੀ ਮੋੜ-ਘੋੜ ਵਾਲੇ ਟਰੈਕ ਉੱਤੇ ਆਪੇ ਹੀ ਰੁੜ੍ਹ ਪਈ ਤੇ ਇਸ ਦੀ ਰਫਤਾਰ 32 ਕਿਲੋਮੀਟਰ ਪ੍ਰਤੀ ਘੰਟੇ ਤੱਕ ਅੱਪੜ ਗਈ।
ਗੱਡੀ ਤਿੰਨ ਕਿਲੋਮੀਟਰ ਤੱਕ ਰੁੜ੍ਹਦੀ ਰਹੀ ਤੇ ਫਿਰ ਕਿਕਿੰਗ ਹੌਰਸ ਰਿਵਰ ਉੱਤੇ ਬਨੇ ਪੁਲ ਤੋਂ ਥੋੜ੍ਹਾ ਪਹਿਲਾਂ ਹੀ ਲੀਹ ਤੋਂ ਲੱਥ ਗਈ। ਗੱਡੀ ਦੀਆਂ ਸਿਰਫ 13 ਬੋਗੀਆਂ ਹੀ ਲੀਹ ਉੱਤੇ ਬਚੀਆਂ। ਅਮਲਾ ਸੱਭ ਤੋਂ ਮੂਹਰਲੇ ਡੱਬੇ ਵਿੱਚ ਸੀ ਤੇ ਇਸ ਡੱਬੇ ਨੂੰ ਕਾਫੀ ਨੁਕਸਾਨ ਪਹੁੰਚਿਆ। ਕਾਰਮਾਈਕਲ ਨੇ ਦੱਸਿਆ ਕਿ ਅਜੇ ਤੱਕ ਡਾਟਾ ਰਿਕਾਰਡਰ ਹਾਸਲ ਨਹੀਂ ਹੋ ਸਕਿਆ ਹੈ। ਮ੍ਰਿਤਕਾਂ ਦੀ ਪਛਾਣ ਕੰਡਕਟਰ ਡਾਇਲਨ ਪੈਰਾਡਿਸ, ਇੰਜੀਨੀਅਰ ਐਂਡਰਿਊ ਡੌਕਰੈੱਲ ਤੇ ਟਰੇਨੀ ਡੈਨੀਅਲ ਵਾਲਡਨਬਰਗਰ ਬਲਮਰ ਵਜੋਂ ਹੋਈ ਹੈ।

 

Have something to say? Post your comment
ਹੋਰ ਕੈਨੇਡਾ ਖ਼ਬਰਾਂ
ਨਿਊਫਾਊਂਡਲੈਂਡ ਦੇ ਪ੍ਰੀਮੀਅਰ ਨੇ 16 ਮਈ ਨੂੰ ਪ੍ਰੋਵਿੰਸ਼ੀਅਲ ਚੋਣਾਂ ਕਰਵਾਉਣ ਦਾ ਕੀਤਾ ਐਲਾਨ
ਕੇਨੀ ਦੀ ਜਿੱਤ ਤੋਂ ਟਰੂਡੋ ਘਬਰਾਏ?
ਅਲਬਰਟਾ ਵਿੱਚ ਜੇਸਨ ਕੇਨੀ ਦੀ ਯੂਸੀਪੀ ਨੇ ਦਰਜ ਕਰਵਾਈ ਵੱਡੀ ਜਿੱਤ
ਫੈਡਰਲ ਕੋਰਟ ਨੇ ਆਗਾ ਖਾਨ ਮਾਮਲੇ ਦਾ ਦੁਬਾਰਾ ਮੁਲਾਂਕਣ ਕਰਨ ਦੇ ਦਿੱਤੇ ਹੁਕਮ
ਕਾਰ ਵਿੱਚੋਂ ਮਿਲੀ ਲੜਕੇ ਦੀ ਲਾਸ਼, ਤਿੰਨ ਟੀਨੇਜਰਜ਼ ਨੂੰ ਫਰਸਟ ਡਿਗਰੀ ਮਰਡਰ ਲਈ ਕੀਤਾ ਗਿਆ ਚਾਰਜ
ਚਾਰ ਵਿਅਕਤੀਆਂ ਦਾ ਕਤਲ ਕਰਨ ਵਾਲੇ ਨੂੰ ਕੀਤਾ ਗਿਆ ਚਾਰਜ
ਟੋਰਾਂਟੋ ਤੋਂ ਵਿੰਡਸਰ ਲਈ ਹਾਈ ਸਪੀਡ ਰੇਲ ਵਾਸਤੇ ਪ੍ਰਸਤਾਵਿਤ ਫੰਡਾਂ ਉੱਤੇ ਫੋਰਡ ਸਰਕਾਰ ਨੇ ਲਾਈ ਰੋਕ
ਮਿਸੀਸਾਗਾ ਵਿੱਚ ਚੱਲੀ ਗੋਲੀ, ਇੱਕ ਜ਼ਖ਼ਮੀ
ਫੋਰਡ ਦੀਆਂ ਬਜਟ ਕਟੌਤੀਆਂ ਤੋਂ ਓਨਟਾਰੀਓ ਦੇ ਪਰਿਵਾਰ ਪਰੇਸ਼ਾਨ : ਐਨਡੀਪੀ
ਪੈਂਟਿਕਟਨ ਵਿੱਚ ਹੋਈ ਸ਼ੂਟਿੰਗ ਵਿੱਚ ਚਾਰ ਹਲਾਕ, ਇੱਕ ਗ੍ਰਿਫਤਾਰ