ਪਿੱਛੇ ਜਿਹੇ ਆਈ ਵੈਬ ਸੀਰੀਜ਼ ‘ਫੋਰ ਮੋਰ ਸ਼ਾਟਸ ਪਲੀਜ਼’ ਵਿੱਚ ਨਜ਼ਰ ਆਈ ਅਭਿਨੇਤਰੀ ਕੀਰਤੀ ਕੁਲਹਾਰੀ ਦਾ ਕਹਿਣਾ ਹੈ ਕਿ ਉਹ ਕੇਵਲ ਬਿਜ਼ੀ ਰਹਿਣ ਲਈ ਕੋਈ ਪ੍ਰੋਜੈਕਟ ਸਵੀਕਾਰ ਨਹੀਂ ਕਰਦੀ। ਫਿਲਹਾਲ ਦੋ ਹੋਰ ਪ੍ਰੋਜੈਕਟਾਂ ‘ਬਾਰਡ ਆਫ ਬਲੱਡ’ ਅਤੇ ‘ਮਿਸ਼ਨ ਮੰਗਲ’ ਵਿੱਚ ਬਿਜ਼ੀ ਕੀਰਤੀ ਕਹਿੰਦੀ ਹੈ ਕਿ ਉਹ ਕਵਾਲਿਟੀ 'ਤੇ ਫੋਕਸ ਕਰਦੀ ਹੈ, ਕੇਵਲ ਟਾਈਮ ਬਿਤਾਉਣ ਲਈ ਕੰਮ ਹੱਥ ਵਿੱਚ ਨਹੀਂ ਲੈਂਦੀ। ਚੂਜ਼ੀ ਹੋਣ ਦੇ ਬਾਰੇ ਕੀਰਤੀ ਦਾ ਕਹਿਣਾ ਹੈ, ‘‘ਮੈਂ ਪਰਦੇ 'ਤੇ ਨਿਭਾਏ ਜਾਣ ਵਾਲੇ ਹਰ ਕਿਰਦਾਰ ਦੇ ਨਾਲ ਚੁਣੌਤੀ ਲੈਣਾ ਪਸੰਦ ਕਰਦੀ ਹਾਂ।”
ਇਸ ਸਾਲ ਵਿੱਚ ‘ਉੜੀ-ਦ ਸਰਜੀਕਲ ਸਟਰਾਈਕ' ਦੇ ਸੁਪਰ ਹਿੱਟ ਹੋਣ ਤੋਂ ਪਹਿਲਾਂ ‘ਇੰਦੂ ਸਰਕਾਰ’ ਅਤੇ ‘ਬਲੈਕਮੇਲ’ ਨੂੰ ਬਾਕਸ ਆਫਿਸ ਓਤੇ ਓਨਾ ਵਧੀਆ ਰਿਸਪਾਂਸ ਨਹੀਂ ਮਿਲਿਆ ਸੀ। ਇਸ ਲਈ ਮੈਂ ਕੇਵਲ ਸਿਲੈਕਟਿਵ ਪ੍ਰੋਜੈਕਟਾਂ ਵਿੱਚ ਕੰਮ ਕਰਨਾ ਤੈਅ ਕੀਤਾ ਹੈ।” ਅਭਿਨੇਤਰੀ ਦਾ ਕਹਿਣਾ ਹੈ, ‘‘ਬਾਲੀਵੁੱਡ ਫਿਲਮ ਵਿੱਚ ਬਾਕਸ ਆਫਿਸ 'ਤੇ ਸਫਲ ਹੋਣ ਦਾ ਤਣਾਅ ਰਹਿੰਦਾ ਹੈ। ਸ਼ੁਕਰ ਹੈ ਕਿ ਵੈਬ ਸ਼ੋਅਜ਼ ਨੇ ਅਭਿਨੇਤਾਵਾਂ ਨੂੰ ਬਿਹਤਰੀਨ ਪਲੇਟਫਾਰਮ ਦਿੱਤਾ ਹੈ, ਜਿੱਥੇ ਉਹ ਬਿਜ਼ਨਸ ਖਰਾਬ ਹੋਣ ਦੀ ਚਿੰਤਾ ਕੀਤੇ ਬਗੈਰ ਆਪਣਾ ਕੰਮ ਕਰ ਸਕਦੇ ਹਨ।”