ਦਮਿਸ਼ਕ, 4 ਫਰਵਰੀ (ਪੋਸਟ ਬਿਊਰੋ)- ਅੱਤਵਾਦੀ ਸੰਗਠਨ ਆਈ ਐਸ ਆਈ ਐਸ ਦੇ ਟਿਕਾਣੇ ਤੋਂ ਭੱਜੀ ਜਰਮਨ ਮਹਿਲਾ ਲਿਓਨੋਰਾ ਆਪਣੇ ਆਪਣੇ ਘਰ ਵਾਪਸ ਮੁੜ ਜਾਣਾ ਚਾਹੰੁਦੀ ਹੈ। ਦਿਲਚਸਪ ਗੱਲ ਇਹ ਹੈ ਕਿ ਲਗਭਗ ਚਾਰ ਸਾਲ ਪਹਿਲਾ ਕੇਵਲ 15 ਸਾਲ ਦੀ ਉਮਰ ਵਿੱਚ ਉਹ ਖੁਦ ਹੀ ਅੱਤਵਾਦੀ ਸੰਗਠਨ ਵਿੱਚ ਸ਼ਾਮਲ ਹੋਣ ਲਈ ਆਪਣੇ ਘਰ ਤੋਂ ਭੱਜ ਕੇ ਸੀਰੀਆ ਤੱਕ ਪਹੁੰਚ ਗਈ ਸੀ।
ਲਿਓਨੋਰਾ ਦੇ ਮੁਤਾਬਕ ਇਸਲਾਮ ਕਬੂਲ ਕਰਨ ਦੇ ਸਿਰਫ ਦੋ ਮਹੀਨੇ ਅੰਦਰ ਹੀ ਉਹ ਸੀਰੀਆ ਪਹੁੰਚ ਗਈ ਅਤੇ ਇਥੇ ਪਹੁੰਚਣ ਦੇ ਤਿੰਨ ਦਿਨਾਂ ਦੇ ਅੰਦਰ ਉਸ ਨੇ ਜਰਮਨ ਮੂਲ ਦੇ ਅੱਤਵਾਦੀ ਮਾਰਟਿਨ ਲੇਮਕੇ ਨਾਲ ਵਿਆਹ ਕਰ ਲਿਆ ਸੀ। ਉਸ ਦੇ ਦੋ ਬੱਚੇ ਹਨ। ਮਾਰਟਿਨ ਦਾ ਇਹ ਤੀਜਾ ਵਿਆਹ ਸੀ ਅਤੇ ਉਹ ਆਪਣੀਆਂ ਪਹਿਲੀਆਂ ਦੋਵਾਂ ਪਤਨੀਆਂ ਦੇ ਨਾਲ ਸੀਰੀਆ ਆਇਆ ਸੀ। ਲਿਓਨੋਰਾ ਨੇ ਕਿਹਾ, ‘ਪਰ ਮੈਂ ਵਾਪਸ ਘਰ ਜਾਣਾ ਅਤੇ ਆਪਣੀ ਪੁਰਾਣੀ ਜ਼ਿੰਦਗੀ ਵਾਪਸ ਚਾਹੁੰਦੀ ਹਾਂ। ਮੈਨੂੰ ਪਤਾ ਹੈ ਕਿ ਮੇਰੇ ਤੋਂ ਬਹੁਤ ਵੱਡੀ ਗਲਤੀ ਹੋਈ ਹੈ।'