Welcome to Canadian Punjabi Post
Follow us on

25

August 2019
ਬ੍ਰੈਕਿੰਗ ਖ਼ਬਰਾਂ :
ਕੈਨੇਡਾ

2019 ਦੀਆਂ ਫੈਡਰਲ ਚੋਣਾਂ ਵਿੱਚ ਐਨਡੀਪੀ ਦੇ ਵੋਟ ਬੈਂਕ ਨੂੰ ਲੱਗ ਸਕਦੀ ਹੈ ਢਾਹ : ਮਲਕੇਅਰ

February 04, 2019 08:15 AM

*ਗ੍ਰੀਨ ਪਾਰਟੀ ਨੂੰ ਚੰਗੀ ਕਾਰਗੁਜ਼ਾਰੀ ਦੀ ਉਮੀਦ

ਓਟਵਾ, 3 ਫਰਵਰੀ (ਪੋਸਟ ਬਿਊਰੋ) : ਰਿਕਾਰਡ ਤੋੜ ਫੰਡਰੇਜਿੰ਼ਗ ਅੰਕੜਿਆਂ ਦੇ ਨਾਲ ਨਾਲ ਗ੍ਰੀਨ ਪਾਰਟੀ ਦੀ ਆਗੂ ਐਲਿਜ਼ਾਬੈੱਥ ਮੇਅ ਵੱਲੋਂ ਸਮਰਥਨ ਵਿੱਚ ਹੋਏ ਵਾਧੇ ਦੇ ਦਾਅਵੇ ਤੋਂ ਬਾਅਦ ਸਾਬਕਾ ਐਨਡੀਪੀ ਆਗੂ ਥਾਮਸ ਮਲਕੇਅਰ ਦਾ ਕਹਿਣਾ ਹੈ ਕਿ 2019 ਦੀਆਂ ਚੋਣਾਂ ਵਿੱਚ ਐਨਡੀਪੀ ਦੇ ਵੋਟਰਾਂ ਦੀ ਵੋਟ ਗ੍ਰੀਨ ਪਾਰਟੀ ਨੂੰ ਜਾ ਸਕਦੀ ਹੈ।
ਐਤਵਾਰ ਨੂੰ ਇੱਕ ਇੰਟਰਵਿਊ ਵਿੱਚ ਮਲਕੇਅਰ ਨੇ ਆਖਿਆ ਕਿ ਪ੍ਰੋਗਰੈਸਿਵ ਵੋਟਰਜ਼ ਵਾਤਾਵਰਣ ਸਬੰਧੀ ਮੁੱਦਿਆਂ ਲਈ ਆਸਰਾ ਭਾਲ ਰਹੇ ਹਨ। ਉਨ੍ਹਾਂ ਆਖਿਆ ਕਿ ਹੁਣ ਲੋਕ ਵੇਖ ਰਹੇ ਹਨ ਕਿ ਲਿਬਰਲ ਵਾਤਾਵਰਣ ਦੀ ਗੱਲ ਕਰ ਰਹੇ ਹਨ, 4.5 ਬਿਲੀਅਨ ਡਾਲਰ ਦੀ ਪਾਈਪਲਾਈਨ ਖਰੀਦਣ ਬਾਰੇ ਦੱਸ ਰਹੇ ਹਨ ਤੇ ਆਇਲਸੈਂਡਜ਼ ਉੱਤੇ ਵਧੇਰੇ ਉਤਪਾਦਨ ਦਾ ਰੌਲਾ ਪਾ ਰਹੇ ਹਨ। ਐਨਡੀਪੀ ਆਗੂ ਜਗਮੀਤ ਸਿੰਘ ਨੇ ਵੀ ਕੁਦਰਤੀ ਗੈਸ ਪਾਈਪਲਾਈਨ ਦਾ ਸਮਰਥਨ ਕਰਨ ਦਾ ਫੈਸਲਾ ਕੀਤਾ ਹੈ ਤੇ ਇਸੇ ਲਈ ਜਿਨ੍ਹਾਂ ਲੋਕਾਂ ਦੇ ਦਿਮਾਗ ਵਿੱਚ ਵਾਤਾਵਰਣ ਦਾ ਮੁੱਦਾ ਸੱਭ ਤੋਂ ਜਿ਼ਆਦਾ ਹਾਵੀ ਹੈ ਉਨ੍ਹਾਂ ਨੇ ਹੁਣ ਐਲਿਜ਼ਾਬੈੱਥ ਵੱਲ ਧਿਆਨ ਦੇਣਾ ਸ਼ੁਰੂ ਕਰ ਦਿੱਤਾ ਹੈ।
ਗ੍ਰੀਨ ਪਾਰਟੀ ਵੱਲੋਂ 1.5 ਮਿਲੀਅਨ ਡਾਲਰਜ਼ ਤੋਂ ਮਾਮੂਲੀ ਘੱਟ ਹੋਈ ਫੰਡਰੇਜਿ਼ੰਗ ਨੂੰ ਬਹੁਤ ਹੁੱਭ ਕੇ ਦੱਸਿਆ ਜਾ ਰਿਹਾ ਹੈ ਤੇ ਸਾਲ ਭਰ ਵਿੱਚ ਗ੍ਰੀਨ ਪਾਰਟੀ ਨੂੰ 3.1 ਮਿਲੀਅਨ ਡਾਲਰ ਫੰਡਰੇਜਿੰ਼ਗ ਹੋਈ ਹੈ। ਜਦਕਿ ਐਨਡੀਪੀ ਨੂੰ ਮੁਕਾਬਲਤਨ ਸਾਲ ਭਰ ਵਿੱਚ 5.2 ਮਿਲੀਅਨ ਡਾਲਰ ਦੀ ਹੀ ਫੰਡਰੇਜਿ਼ੰਗ ਹੋਈ ਹੈ ਤੇ ਐਨਡੀਪੀ ਲਈ ਅੱਠ ਸਾਲਾਂ ਵਿੱਚ ਪਹਿਲੀ ਵਾਰੀ ਚੌਥੀ ਤਿਮਾਹੀ ਵਿੱਚ ਹੋਈ ਸੱਭ ਤੋਂ ਘੱਟ ਫੰਡਰੇਜਿੰ਼ਗ ਹੈ।
ਮਲਕੇਅਰ ਨੇ ਆਖਿਆ ਕਿ ਅਗਲੀਆਂ ਫੈਡਰਲ ਚੋਣਾਂ ਤੋਂ ਗ੍ਰੀਨ ਪਾਰਟੀ ਦੀ ਆਗੂ ਨੂੰ ਕਾਫੀ ਆਸਾਂ ਹਨ। ਉਨ੍ਹਾਂ ਨੂੰ ਕਿਊਬਿਕ ਵਿੱਚ ਚੰਗੀ ਕਾਰਗੁਜ਼ਾਰੀ ਦੀ ਸੰਭਾਵਨਾ ਹੈ। ਇਸ ਦੇ ਨਾਲ ਹੀ ਨਵੀਂ ਬਣੀ ਪੀਪਲਜ਼ ਪਾਰਟੀ ਦੇ ਖਾਤੇ ਵਿੱਚ ਵੀ ਕੁੱਝ ਵੋਟਾਂ ਜਾਣ ਦੀ ਸੰਭਾਵਨਾ ਹੈ। ਇਸ ਵਾਰੀ ਐਂਡਰਿਊ ਸ਼ੀਅਰ ਤੇ ਕੰਜ਼ਰਵੇਟਿਵ ਪਾਰਟੀ ਦੇ ਵੋਟ ਬੈਂਕ ਨੂੰ ਵੀ ਢਾਹ ਲੱਗ ਸਕਦੀ ਹੈ।

 

 

Have something to say? Post your comment
ਹੋਰ ਕੈਨੇਡਾ ਖ਼ਬਰਾਂ
ਟਰੈਫਲਗਰ ਰੋਡ ਉੱਤੇ ਹੋਏ ਹਾਦਸੇ ਵਿੱਚ ਇੱਕ ਹਲਾਕ
ਕੈਨੇਡਾ ਨੇ ਹਾਂਗ ਕਾਂਗ ਸਥਿਤ ਆਪਣੇ ਸਫਾਰਤਖਾਨੇ ਦੇ ਸਟਾਫ ਨੂੰ ਸਿਟੀ ਛੱਡਣ ਤੋਂ ਕੀਤਾ ਮਨ੍ਹਾਂ
ਚੀਨ ਵਿੱਚ ਨਜ਼ਰਬੰਦ ਦੋ ਕੈਨੇਡੀਅਨਾਂ ਦੀ ਰਿਹਾਈ ਲਈ ਪੂਰਾ ਜ਼ੋਰ ਲਾ ਰਿਹਾ ਹੈ ਅਮਰੀਕਾ : ਪੌਂਪੀਓ
ਘੱਟ ਗਿਣਤੀ ਸਰਕਾਰ ਬਣਨ ਉੱਤੇ ਕੰਜ਼ਰਵੇਟਿਵ ਏਜੰਡੇ ਦਾ ਸਮਰਥਨ ਨਹੀਂ ਕਰੇਗੀ ਐਨਡੀਪੀ: ਜਗਮੀਤ ਸਿੰਘ
ਡਾਊਨਟਾਊਨ ਵਿੱਚ ਕਈ ਗੱਡੀਆਂ ਦੀ ਟੱਕਰ ਵਿੱਚ ਤਿੰਨ ਔਰਤਾਂ ਤੇ ਇੱਕ ਬੱਚਾ ਜ਼ਖ਼ਮੀ
ਨੌਰਥ ਯੌਰਕ ਵਿੱਚ ਚੱਲੀ ਗੋਲੀ, ਇੱਕ ਹਲਾਕ
ਅਮਰੀਕਾ ਦੇ ਵਿਦੇਸ਼ ਮੰਤਰੀ ਅੱਜ ਕਰਨਗੇ ਓਟਵਾ ਦਾ ਦੌਰਾ
ਐਸਐਨਸੀ-ਲਾਵਾਲਿਨ ਮਾਮਲਾ: ਡਿਓਨ ਨੂੰ ਐਥਿਕਸ ਕਮੇਟੀ ਸਾਹਮਣੇ ਗਵਾਹੀ ਦੇਣ ਦੀ
ਨੋਵਾ ਸਕੋਸ਼ੀਆ ਤੋਂ ਮਿਊਜਿ਼ਕ ਸਟਾਰ ਜਾਰਜ ਕੈਨੀਅਨ ਹੋਣਗੇ ਕੰਜ਼ਰਵੇਟਿਵ ਉਮੀਦਵਾਰ
ਓਨਟਾਰੀਓ ਸਰਕਾਰ ਨੇ ਕੀਤਾ ਨਵਾਂ ਸੈਕਸ-ਐਜੂਕੇਸ਼ਨ ਪਾਠਕ੍ਰਮ ਜਾਰੀ