ਮਿਲਟਨ, 31 ਜਨਵਰੀ (ਪੋਸਟ ਬਿਊਰੋ) : 26 ਜਨਵਰੀ ਨੂੰ ਭਾਰਤ ਦਾ 70ਵਾਂ ਗਣਤੰਤਰ ਦਿਵਸ ਮਿਲਟਨ ਸਪੋਰਟਸ ਸੈਂਟਰ ਵਿੱਚ ਪੂਰੇ ਜੋਸ਼ੋ ਖਰੋਸ਼ ਨਾਲ ਮਨਾਇਆ ਗਿਆ। ਇਸ ਮੌਕੇ ਝੰਡਾ ਲਹਿਰਾਉਣ ਦੀ ਰਸਮ 5:30 ਵਜੇ ਅਦਾ ਕੀਤੀ ਗਈ ਤੇ ਕੈਨੇਡਾ ਅਤੇ ਭਾਰਤ ਦਾ ਕੌਮੀ ਗੀਤ ਵੀ ਗਾਇਆ ਗਿਆ। ਕੈਨੇਡੀਅਨ ਇੰਡੀਅਨ ਐਸੋਸਿਏਸ਼ਨ ਦੇ ਪ੍ਰੈਜ਼ੀਡੈਂਟ ਜਗਮੋਹਨ ਮਾਇਨਰਾ ਨੇ ਇੱਕਠ ਨੂੰ ਸੰਬੋਧਨ ਕੀਤਾ ਤੇ ਆਏ ਹੋਏ ਸਾਰੇ ਮਹਿਮਾਨਾਂ ਤੇ ਮਹਾਨ ਹਸਤੀਆਂ ਦਾ ਸਵਾਗਤ ਕੀਤਾ। ਇਸ ਸਮਾਰੋਹ ਵਿੱਚ ਲੱਗਭਗ 300 ਮਹਿਮਾਨਾਂ ਨੇ ਸਿ਼ਰਕਤ ਕੀਤੀ।
ਗਣਤੰਤਰ ਦਿਵਸ ਮੌਕੇ ਮਿਲਟਨ ਦੇ ਮੇਅਰ ਗੌਰਡਨ ਕ੍ਰੈਂਟਜ਼, ਕੈਨੇਡਾ ਵਿੱਚ ਕਾਉਂਸਲੇਟ ਜਨਰਲ ਆਫ ਇੰਡੀਆਂ ਦੇ ਕਾਉਂਸਲ ਡੀਪੀ ਸਿੰਘ, ਐਮਪੀ ਲੀਜ਼ਾ ਰਾਇਤ, ਐਮਪੀਪੀ ਪਰਮ ਗਿੱਲ, ਸਾਬਕਾ ਓਲੰਪਿਕ ਕਾਇਕਰ ਤੇ ਲਿਬਰਲ ਉਮੀਦਵਾਰ ਐਡਮ ਵੈਨ ਕੋਵਰਡਨ, ਹਰਿਆਣਾ ਕਲਚਰਲ ਅਂੈਡ ਸਪੋਰਟਸ ਕਲੱਬ ਆਫ ਕੈਨੇਡਾ ਦੇ ਪ੍ਰੈਜ਼ੀਡੈਂਟ ਕਰਮਜੀਤ ਸਿੰਘ ਮਾਨ ਤੇ ਮਿਲਟਨ ਦੇ ਕਈ ਕਾਉਂਸਲਰਜ਼ ਨੇ ਹਿੱਸਾ ਲਿਆ।