Welcome to Canadian Punjabi Post
Follow us on

25

April 2019
ਲਾਈਫ ਸਟਾਈਲ

ਸਪੈਸ਼ਲ ਲੱਸਣ ਮੇਥੀ ਪਨੀਰ

January 23, 2019 08:57 AM

ਸਮੱਗਰੀ-ਚਾਰ ਚਮਚ ਤੇਲ, ਤਿੰਨ ਚਮਚ ਲਸਣ, 130 ਗਰਾਮ ਪਿਆਜ਼, 75 ਮਿਲੀਲੀਟਰ ਦਹੀਂ, ਇੱਕ ਚਮਚ ਮੈਦਾ, ਦੋ ਚਮਚ ਧਨੀਆ ਅੱਧਾ ਚਮਚ ਹਲਦੀ, ਇੱਕ ਚਮਚ ਮਿਰਚ, ਅੱਧਾ ਚਮਚ ਗਰਮ ਮਸਾਲਾ, ਇੱਕ ਚਮਚ ਨਮਕ, ਤੀਹ ਮਿਲੀਲੀਟਰ ਪਾਣੀ, 250 ਗਰਾਮ ਪਨੀਰ, ਦੋ ਚਮਚ ਤਾਜ਼ਾ ਕਰੀਮ, ਦੋ ਚਮਚ ਮੇਥੀ ਦੇ ਸੁੱਕੇ ਪੱਤੇ, ਇੱਕ ਚਮਚ ਸ਼ਹਿਦ, 100 ਮਿਲੀਲੀਟਰ ਪਾਣੀ, ਚਟਣੀ ਬਣਾਉਣ ਲਈ ਇੱਕ ਚਮਚ ਘਿਓ, ਇੱਕ ਚਮਚ ਲਸਣ।
ਵਿਧੀ; ਸਭ ਤੋਂ ਪਹਿਲਾਂ ਇੱਕ ਪੈਨ ਵਿੱਚ ਤੇਲ ਪਾ ਕੇ ਲਸਣ ਦਾ ਪੇਸਟ ਪਾ ਕੇ ਹਲਕਾ ਭੁੰਨ ਲਓ ਅਤੇ ਇਸ ਵਿੱਚ ਪਿਆਜ਼ ਪਾ ਕੇ ਇਸ ਨੂੰ ਹਲਕਾ ਗੁਲਾਬੀ ਹੋਣ ਤੱਕ ਭੁੰਨ ਲਓ। ਫਿਰ ਕੌਲੀ ਵਿੱਚ ਦਹੀਂ ਅਤੇ ਮੈਦਾ ਪਾ ਕੇ ਚੰਗੀ ਤਰ੍ਹਾਂ ਨਾਲ ਰਲਾ ਲਓ। ਇਸ ਤੋਂ ਬਾਅਦ ਇਹ ਕੜਾਹੀ ਵਿੱਚ ਪਾ ਲਓ। ਇਸ ਵਿੱਚ ਧਨੀਆ ਪਾਊਡਰ, ਲਾਲ ਮਿਰਚ, ਹਲਦੀ, ਗਰਮ ਮਸਾਲਾ ਅਤੇ ਨਮਕ ਪਾ ਕੇ ਇਸ ਨੂੰ ਰਲਾ ਲਓ।
ਇਸ ਤੋਂ ਪਿੱਛੋਂ ਇਸ ਵਿੱਚ ਪਾਣੀ ਪਾ ਕੇ ਚੰਗੀ ਤਰ੍ਹਾਂ ਨਾਲ ਪੱਕਣ ਦਿਓ। ਫਿਰ ਇਸ ਵਿੱਚ ਪਨੀਰ, ਕਰੀਮ, ਸੁੱਕੀ ਮੇਥੀ ਦੇ ਪੱਤੇ, ਨਿੰਬੂ ਦਾ ਰਸ, ਸ਼ਹਿਦ ਪਾ ਕੇ ਚੰਗੀ ਤਰ੍ਹਾਂ ਨਾਲ ਰਲਾ ਲਓ। ਇਸ ਵਿੱਚ 10 ਮਿਲੀਲੀਟਰ ਪਾਣੀ ਪਾ ਦਿਓ ਤੇ ਗਾੜ੍ਹਾ ਹੋਣ ਤੱਕ ਪਕਾਓ। ਜਦੋਂ ਪਾਣੀ ਗਾੜ੍ਹਾ ਹੋ ਜਾਵੇ ਤਾਂ ਇਸ ਨੂੰ ਪਲੇਟ ਵਿੱਚ ਕੱਢ ਕੇ ਇੱਕ ਪੈਨ ਵਿੱਚ ਇੱਕ ਚਮਚ ਘਿਓ ਪਾ ਕੇ ਇਸ ਵਿੱਚ ਲਸਣ ਨੂੰ ਹਲਕਾ ਭੁੰਨ ਲਓ। ਇਸ ਚਟਣੀ ਨੂੰ ਫਿਰ ਪਨੀਰ ਦੇ ਉਪਰ ਪਾ ਦਿਓ ਅਤੇ ਪਰੋਸੋ।

Have something to say? Post your comment