ਅਭਿਨੇਤਾ ਸਲਮਾਨ ਖਾਨ ਸ਼ੂਟਿੰਗ ਦੇ ਬਿਜ਼ੀ ਸ਼ਡਿਊਲ ਵਿੱਚੋਂ ਵੀ ਵਰਕ ਆਊਟ ਲਈ ਸਮਾਂ ਕੱਢ ਲੈਂਦੇ ਹਨ। ਇਸ ਸਮੇਂ ਸਲਮਾਨ ਆਪਣੀ ਫਿਲਮ ‘ਭਾਰਤ’ ਦੀ ਸ਼ੂਟਿੰਗ ਵਿੱਚ ਬਿਜ਼ੀ ਹਨ। ਫਿਲਮ ਦਾ ਆਖਰੀ ਸ਼ਡਿਊਲ ਗੋਰੇਗਾਂਵ ਵਿੱਚ ਚੱਲ ਰਿਹਾ ਹੈ ਅਤੇ ਸੁਣਨ ਵਿੱਚ ਆਇਆ ਹੈ ਕਿ ਫਿਲਮ ਦੇ ਨਿਰਮਾਤਾ ਅਤੁਲ ਅਗਨੀਹੋਤਰੀ ਅਤੇ ਨਿਖਿਲ ਨਮਿਤ ਨੇ ਅਭਿਨੇਤਾ ਸਲਮਾਨ ਦੇ ਲਈ ਫਿਲਮ ਸਿਟੀ ਵਿੱਚ 10 ਹਜ਼ਾਰ ਸਕਵਾਇਰ ਫਿੱਟ ਵਿੱਚ ਜਿਮ ਤਿਆਰ ਕਰਵਾਇਆ ਹੈ, ਤਾਂ ਕਿ ਉਹ ਰੋਜ਼ ਦੀ ਤਰ੍ਹਾਂ ਵਰਕਆਊਟ ਕਰ ਸਕਣ।
ਯੂਨਿਟ ਨਾਲ ਜੁੜੇ ਸੂਤਰਾਂ ਨੇ ਦੱਸਿਆ, ਸਲਮਾਨ ਰੋਜ਼ ਗੋਰੇਗਾਂਓਂ ਤੋਂ ਬਾਂਦ੍ਰਾ ਨਹੀਂ ਜਾਣਾ ਚਾਹੁੰਦੇ, ਇਸ ਲਈ ਉਹ ਸੈਟ ਦੇ ਨੇੜੇ ਰਹਿ ਰਹੇ ਹਨ। ਉਨ੍ਹਾਂ ਨੇ ਸੈਟ 'ਤੇ ਇੱਕ ਵੱਡਾ ਜਿਮ ਬਣਵਾਉਣ ਦੀ ਮੰਗ ਕੀਤੀ ਸੀ, ਜਿਸ ਵਿੱਚ ਆਧੁਨਿਕ ਮਸ਼ੀਨਾਂ ਲੱਗੀਆਂ ਹੋਣ। ਇਹ ਅਜਿਹਾ ਹੀ ਇੱਕ ਆਧੁਨਿਕ ਜਿਮ ਹੈ। ਇਸ ਨੂੰ ਬਣਾਉਣ ਵਿੱਚ ਹਫਤੇ ਭਰ ਦਾ ਸਮਾਂ ਲੱਗਾ। ਕਿਹਾ ਗਿਆ ਕਿ ਅਲੀ ਅੱਬਾਸ ਦੀ ਫਿਲਮ ਲਈ ਖੁਦ ਨੂੰ ਫਿੱਟ ਰੱਖਣ ਦੇ ਲਈ ਸਲਮਾਨ ਦਿਨ ਵਿੱਚ ਦੋ ਵਾਰ ਵਰਕਾਊਟ ਕਰਦੇ ਹਨ। ਫਿਲਮ ਵਿੱਚ ਸਲਮਾਨ ਦੇ ਪੰਜ ਅਲੱਗ ਅਲੱਗ ਲੁਕ ਦਿਖਾਏ ਜਾਣਗੇ। ਸ਼ੂਟਿੰਗ ਵਿੱਚ ਸਲਮਾਨ ਨੂੰ ਪਹਿਲਾਂ ਦੀ ਤਰ੍ਹਾਂ ਦਿਸਣਾ ਹੈ, ਇਸ ਲਈ ਉਹ ਖੁਦ ਨੂੰ ਫਿੱਟ ਰੱਖ ਰਹੇ ਹਨ।
ਨਿਰਮਾਤਾ ਨਖਿਲ ਨਮਿਤ ਕਹਿੰਦੇ ਹਨ, ‘‘ਅਸੀਂ 10 ਹਜ਼ਾਰ ਸਕਵਾਇਰ ਫਿਟ ਵਿੱਚ ਜਿਮ ਤਿਆਰ ਕਰਵਾਇਆ ਹੈ। ਸਲਮਾਨ ਦੇ ਨਾਲ ਹੀ ਕਾਸਟ ਅਤੇ ਕਰੂਅ ਦੇ ਮੈਂਬਰ ਵੀ ਇਸ ਦਾ ਉਪਯੋਗ ਕਰ ਰਹੇ ਹਨ।”