ਨਿਊਯਾਰਕ, 15 ਜਨਵਰੀ (ਪੋਸਟ ਬਿਊਰੋ)- ਅਮਰੀਕਾ `ਚ ਵਰਲਡ ਟ੍ਰੇਡ ਸੈਂਟਰ ਦੇ ਬਾਹਰ ਲੱਗੀਆਂ ਕਲਾਕ੍ਰਿਤੀਆਂ ਦੀ ਇਕ ਪ੍ਰਦਰਸ਼ਨੀ ਨੂੰ ਹਟਾਇਆ ਜਾ ਰਿਹਾ ਹੈ। ਦਰਅਸਲ 9/11 ਦੇ ਹਮਲਿਆਂ `ਚ ਜਾਨ ਗੁਆਉਣ ਵਾਲੇ ਅਮਰੀਕੀਆਂ ਦੀ ਯਾਦ ਵਿੱਚ ਬਣੇ ਯਾਦਗਾਰੀ ਸਥਾਨ ਉੱਤੇ ਸਾਊਦੀ ਅਰਬ ਦੀ ਅਗਵਾਈ ਕਰਨ ਵਾਲੀ ਇਕ ਕਲਾਕ੍ਰਿਤੀ ਲਾਉਣ ਨੂੰ ਲੈ ਕੇ ਸੁਪਰਵਾਈਜ਼ਰ ਨੇ ਇਤਰਾਜ਼ ਪ੍ਰਗਟਾਇਆ ਹੋਇਆ ਹੈ।
ਪਤਾ ਲੱਗਾ ਹੈ ਕਿ ਅਮਰੀਕਾ ਦੇ ਵਰਲਡ ਟ੍ਰੇਡ ਸੈਂਟਰ ਵਿੱਚ ਸਾਊਦੀ ਅਰਬ ਦੀ ਅਗਵਾਈ ਕਰਦੀ ਕਲਾਕ੍ਰਿਤੀ ਦੇ ਉਤੇ ਇਤਰਾਜ ਹੋਣ ਕਾਰਨ ਉਥੇ ਲੱਗੀਆਂ ਕਲਾਕ੍ਰਿਤੀਆਂ ਨੂੰ ਹਟਾਇਆ ਜਾ ਰਿਹਾ ਹੈ। ਵਰਲਡ ਟ੍ਰੇਡ ਸੈਂਟਰ ਦੇ ਦਫਤਰ ਦੇ ਬਾਹਰ ਜੀ-20 ਦੇਸ਼ਾਂ ਦੀ ਅਗਵਾਈ ਕਰਨ ਵਾਲੀ ਕੈਂਡੀ (ਟੌਫੀ) ਦੇ ਆਕਾਰ ਦੀਆਂ ਕੁਝ ਮੂਰਤੀਆਂ ਦੀ ਪ੍ਰਦਰਸ਼ਨੀ ਲਾਈ ਗਈ ਹੈ। ਇਸ ਨੂੰ ‘ਕੈਂਡੀ ਨੇਸ਼ਨਸ` ਨਾਂ ਦਿੱਤਾ ਗਿਆ ਹੈ। ਇਨ੍ਹਾਂ ਵਿੱਚੋਂ ਇਕ ਮੂਰਤੀ ਉੱਤੇ ਸਾਊਦੀ ਅਰਬ ਦਾ ਝੰਡਾ ਲੱਗਾ ਹੋਇਆ ਹੈ। ਸਾਲ 2011 `ਚ ਲਾਈਆਂ ਗਈਆਂ ਇਹ ਮੂਰਤੀਆਂ ਨਿਊਯਾਰਕ ਤੋਂ ਇਲਾਵਾ ਕਈ ਦੇਸ਼ਾਂ ਵਿੱਚ ਦਿਖਾਈਆਂ ਜਾ ਚੁੱਕੀਆਂ ਹਨ, ਪਰ ਕੁਝ ਸੁਪਰਵਾਈਜਰ ਵਰਲਡ ਟਰੇਡ ਸੈਂਟਰ ਵਿੱਚ ਸਾਊਦੀ ਅਰਬ ਦੇ ਝੰਡੇ ਉੱਤੇ ਇਤਰਾਜ਼ ਕਰ ਚੁੱਕੇ ਹਨ। ਇਹ ਏਥੇ ਹੋਏ ਅੱਤਵਾਦੀ ਹਮਲੇ `ਚ ਮਾਰੇ ਗਏ 3000 ਅਮਰੀਕੀਆਂ ਦਾ ਮੈਮੋਰੀਅਲ ਹੈ।