ਬਰੈਂਪਟਨ, 13 ਜਨਵਰੀ (ਪੋਸਟ ਬਿਊਰੋ) : ਪੀਲ ਰੀਜਨਲ ਪੁਲਿਸ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੂੰ ਮਿਸੀਸਾਗਾ ਤੇ ਬਰੈਂਪਟਨ ਵਿੱਚ ਜਾਅਲੀ ਆਈਫੋਨਜ਼ ਵਿਕਣ ਦੀਆਂ ਕਈ ਖਬਰਾਂ ਮਿਲੀਆਂ ਹਨ।
ਪੁਲਿਸ ਨੇ ਜਨਤਾ ਨੂੰ ਆਗਾਹ ਕਰਦਿਆਂ ਆਖਿਆ ਕਿ ਕੁੱਝ ਆਨਲਾਈਨ ਕਲਾਸੀਫਾਈਡ ਵੈੱਬਸਾਈਟਜ਼ ਅਸਲ ਵਰਗੇ ਦਿੱਸਣ ਵਾਲੇ ਆਈਫੋਨ ਐਕਸਐਸ ਨੂੰ ਸ਼ਰੇਆਮ ਵੇਚ ਰਹੀਆਂ ਹਨ। ਇਸ ਦੌਰਾਨ ਫੋਨ ਖਰੀਦਣ ਵਾਲੇ ਨੂੰ ਜਾਅਲੀ ਬਿੱਲ ਵੀ ਦਿੱਤਾ ਜਾਂਦਾ ਹੈ। ਪਰ ਜਦੋਂ ਫੋਨ ਖਰੀਦਣ ਵਾਲੇ ਦੇ ਹੱਥ ਵਿੱਚ ਆਉਂਦਾ ਹੈ ਤੇ ਜਦੋਂ ਉਹ ਉਸ ਨੂੰ ਵਰਤਣਾ ਸ਼ੁਰੂ ਕਰਦਾ ਹੈ ਤਾਂ ਉਸ ਨੂੰ ਪਤਾ ਲੱਗਦਾ ਹੈ ਕਿ ਫੋਨ ਜਾਅਲੀ ਹੈ।
ਪੁਲਿਸ ਦਾ ਕਹਿਣਾ ਹੈ ਕਿ ਕੁੱਝ ਲੋਕ ਇਸ ਤਰ੍ਹਾਂ ਦੇ ਲੈਣ-ਦੇਣ ਬਾਰੇ ਰਿਪੋਰਟ ਹੀ ਨਹੀਂ ਕਰਦੇ ਤੇ ਕਈ ਸ਼ਰਮਿੰਦਗੀ ਦੇ ਮਾਰੇ ਅਜਿਹਾ ਨਹੀਂ ਕਰਨਾ ਚਾਹੁੰਦੇ। ਪਰ ਪੁਲਿਸ ਨੇ ਇਸ ਤਰ੍ਹਾਂ ਦੀਆਂ ਘਟਨਾਵਾਂ ਦੇ ਸਿ਼ਕਾਰ ਹੋਏ ਸਾਰੇ ਲੋਕਾਂ ਨੂੰ ਇਸ ਘਪਲੇ ਨੂੰ ਉਜਾਗਰ ਕਰਨ ਲਈ ਅੱਗੇ ਆਉਣ ਦੀ ਅਪੀਲ ਕੀਤੀ ਹੈ। ਪੁਲਿਸ ਇਹ ਸਲਾਹ ਵੀ ਦੇ ਰਹੀ ਹੈ ਕਿ ਆਨਲਾਈਨ ਖਰੀਦਦਾਰੀ ਕਰਦੇ ਸਮੇਂ ਹੇਠ ਲਿਖੀਆਂ ਗੱਲਾਂ ਦਾ ਧਿਆਨ ਰੱਖਣ :
· ਕਿਸੇ ਵੀ ਅਣਜਾਣ ਤੇ ਅਪੁਸ਼ਟ ਸਰੋਤ ਤੋਂ ਆਨਲਾਈਨ ਖਰੀਦਦਾਰੀ ਨਾ ਕਰੋ
· 11,12 ਤੇ 22 ਡਵੀਜ਼ਨ ਉੱਤੇ ਸਥਿਤ ਪੀਲ ਰੀਜਨਲ ਪੁਲਿਸ ਵੱਲੋਂ ਮੁਹੱਈਆ ਕਰਵਾਈ ਜਾਣ ਵਾਲੀ ਬਾਇ ਐਂਡ ਸੈੱਲ ਐਕਸਚੇਂਜ ਜ਼ੋਨ ਦੀ ਹੀ ਵਰਤੋਂ ਕਰੋ।