ਬੀਤੇ ਦਿਨੀਂ ਸੀਨੀਅਰ ਏਸ਼ੀਅਨ ਐਸੋਸੀਏਸ਼ਨ ਮਾਲਟਨ ਨੇ ਆਪਣੇ ਤਿੰਨ ਡਾਇਰੈਕਟਰ ਸਾਥੀਆਂ ਦੇ ਜਨਮ ਦਿਨ ਮਨਾਏ। ਇਨ੍ਹਾਂ ਵਿਚ ਸ੍ਰੀ ਸੁਖਦੇਵ ਸਿੰਘ ਬੇਦੀ, ਅਜਾਇਬ ਸਿੰਘ ਭੰਗੂ ਅਤੇ ਅਵਤਾਰ ਸਿੰਘ ਸੂਥੀ ਸ਼ਾਮਿਲ ਸਨ। ਇਸ ਮੌਕੇ ਬੌਬ ਦੁਸਾਂਝ ਨੇ ਕਲੱਬ ਨੂੰ ਸੰਬੋਧਨ ਕੀਤਾ ਤੇ ਡਾ. ਸਰਦੂਲ ਸਿੰਘ ਗਿੱਲ ਨੇ ਚੁਟਕਲੇ, ਰਮ ਸਰਨ ਢੀਂਗਰਾ ਜੀ ਨੇ ਕਵਿਤਾ, ਦਰਸ਼ਨ ਸਿੰਘ ਲਾਪਰ ਨੇ ਕਵਿਤਾ, ਸੁਖਦੇਵ ਸਿੰਘ ਭੱਠਲ ਨੇ ਸ਼ਬਦ-ਸ਼ਕਤੀ ਸੰਬੰਧੀ ਲੇਖ, ਮੋਹਰ ਸਾਹਿਬ ਨੇ ਸ਼ੇਅਰ ਸੁਣਾਏ। ਜੋਗਿੰਦਰ ਸਿੰਘ ਅਣਖੀਲਾ ਨੇ ਦੋ ਕਵਿਤਾਵਾਂ ਸੁਣਾਈਆਂ। ਇਸ ਮੌਕੇ ਚਾਹ ਪਾਣੀਦੀਸੇਵਾ ਦਰਸ਼ਨ ਸਿੰਘ ਲਾਪਰ, ਡਾ. ਗਿੱਲ ਤੇ ਅਵਤਾਰ ਸਿੰਘ ਸੂਥੀ ਨੇ ਕੀਤੀ। ਅੰਤ ਵਿਚ ਪ੍ਰਧਾਨ ਸੁਖਮਿੰਦਰ ਸਿੰਘ ਤੇ ਸਾਰੇ ਸਾਥੀਆਂ ਨੇ ਮਿਲੇ ਆਪਣੇ ਜਨਮਦਿਨ ਵਾਲੇ ਸਾਥੀਆਂ ਦੀ ਲੰਬੀ ਉਮਰ ਤੇ ਤੰਦਰੁਸਤੀ ਲਈ ਅਰਦਾਸ ਕੀਤੀ। ਸਟੇਜ ਦੀ ਜਿੰ਼ਮੇਵਾਰੀ ਜੋਗਿੰਦਰ ਸਿੰਘ ਅਣਖੀਲਾ ਨੇ ਨਿਭਾਈ।