ਲੰਬੇ ਸਮੇਂ ਤੋਂ ਇੰਡਸਟਰੀ ਵਿੱਚ ਚਰਚਾ ਸੀ ਕਿ ਰੈਮੇ ਡਿਸੂਜਾ ਦੀ ਆਉਣ ਵਾਲੀ ਡਾਂਸ ਫਿਲਮ ਵਿੱਚ ਵਰੁਣ ਧਵਨ ਤੇ ਸ਼ਰਧਾ ਕਪੂਰ ਦਿਖਾਈ ਦੇਣਗੇ। ਆਖਰ ਬੀਤੇ ਦਿਨ ਮੇਕਰਸ ਨੇ ਇਸ ਬਾਰੇ ਆਫੀਸ਼ਲ ਅਨਾਊਂਸਮੈਂਟ ਕਰ ਦਿੱਤੀ ਹੈ। ਵਰੁਣ ਨੇ ਸ਼ਰਧਾ ਦਾ ਵੈਲਕਮ ਕਰਦੇ ਹੋਏ ਇੱਕ ਤਸਵੀਰ ਆਪਣੇ ਟਵਿੱਟਰ 'ਤੇ ਸ਼ੇਅਰ ਕਰਦੇ ਹੋਏ ਲਿਖਿਆ, ‘‘ਵੈਲਕਮ ਹੋਮ ਚਿਰਕੁਟ ਸ਼ਰਧਾ ਕਪੂਰ।”
ਇਸ ਫਿਲਮ ਵਿੱਚ ਪਹਿਲਾਂ ਕੈਟਰੀਨਾ ਕੈਫ ਨੂੰ ਕਾਸਟ ਕੀਤਾ ਗਿਆ ਸੀ, ਉਨ੍ਹਾਂ ਨੇ ਫਿਰ ਇਹ ਫਿਲਮ ਛੱਡ ਦਿੱਤੀ। ਇਸ ਫਿਲਮ ਦਾ ਟਾਈਟਲ ‘ਸਟਰੀਟ ਡਾਂਸਰ’ ਹੋ ਸਕਦਾ ਹੈ। ਇਸ ਵਿੱਚ ਨੋਰਾ ਫਤੇਹੀ ਵੀ ਆਏਗੀ। ਇਸ ਦੇ ਇਲਾਵਾ ਸੁਣਨ ਵਿੱਚ ਆ ਰਿਹਾ ਹੈ ਕਿ ਵਰੁਣ ਦੇ ਪਿਤਾ ਡੇਵਿਡ ਅਤੇ ਭਰਾ ਰੋਹਿਤ ਮਿਲ ਕੇ ਫਿਲਮ ‘ਕੁਲੀ ਨੰਬਰ ਵਨ’ ਦਾ ਰੀਮੇਕ ਬਣਾ ਸਕਦੇ ਹਨ। ਡੇਵਿਡ ਇਸ ਤੋਂ ਪਹਿਲਾਂ ਵਰੁਣ ਨਾਲ ਫਿਲਮ ‘ਜੁੜਵਾ’ ਦਾ ਰੀਮੇਕ ਬਣਾ ਚੁੱਕੇ ਹਨ, ਜੋ ਹਿੱਟ ਰਿਹਾ। ਇਸ ਵਾਰ ਉਹ ਆਪਣੀ ਫਿਲਮ ‘ਕੁਲੀ ਨੰਬਰ ਵਨ’ ਦਾ ਰੀਮੇਕ ਬਣਾਉਣ ਦੀ ਪਲਾਨਿੰਗ ਕਰ ਰਹੇ ਹਨ। ਡੇਵਿਡ ਇਸ ਫਿਲਮ ਨੂੰ ਡਾਇਰੈਕਟ ਕਰਨਗੇ ਅਤੇ ਉਨ੍ਹਾਂ ਦੇ ਵੱਡੇ ਬੇਟੇ ਰੋਹਿਤ ਇਸ ਨੂੰ ਪ੍ਰੋਡਿਊਸ ਕਰਨਗੇ। ਇਸ ਦੇ ਜ਼ਰੀਏ ਧਵਨ ਫੈਮਿਲੀ ਆਪਣਾ ਪ੍ਰੋਡਕਸ਼ਨ ਹਾਊਸ ਵੀ ਇਸਟੈਬਲਿਸ਼ ਕਰ ਸਕਦੀ ਹੈ।