Welcome to Canadian Punjabi Post
Follow us on

18

January 2019
ਬ੍ਰੈਕਿੰਗ ਖ਼ਬਰਾਂ :
ਪੱਤਰਕਾਰ ਛੱਤਰਪਤੀ ਕਤਲ ਕੇਸ: ਡੇਰਾ ਮੁਖੀ ਰਾਮ ਰਹੀਮ ਨੂੰ ਸਾਰੀ ਉਮਰ ਦੀ ਕੈਦ ਦੀ ਸਜ਼ਾਸੁਖਪਾਲ ਖਹਿਰਾ ਵਲੋਂ ਆਪ ਦੀ ਮੁਢਲੀ ਮੈਂਬਰੀ ਤੋਂ ਅਸਤੀਫਾਯੂਨੀਫੌਰ ਤੇ ਓਪੀਐਸਈਯੂ ਨੇ ਫੋਰਡ ਦੇ ਤਬਾਹਕੁੰਨ ਏਜੰਡੇ ਖਿਲਾਫ ਹੱਥ ਮਿਲਾਏਨਿਰੰਕਾਰੀ ਭਵਨ ਉੱਤੇ ਗ੍ਰਨੇਡ ਹਮਲੇ ਦਾ ਇੱਕ ਦੋਸ਼ੀ ਗ੍ਰਿਫਤਾਰ, ਦੂਜੇ ਦੀ ਪਛਾਣਅੰਮ੍ਰਿਤਸਰ ਗ੍ਰਨੇਡ ਅਟੈਕ: ਕੈਪਟਨ ਅਮਰਿੰਦਰ ਨੇ ਅਮਨ ਤੇ ਕਾਨੂੰਨ ਦੀ ਸਥਿਤੀ ਦਾ ਜਾਇਜ਼ਾ ਲਿਆ, ਪੁਲੀਸ ਦੇ ਚੋਟੀ ਦੇ ਅਫਸਰਾਂ ਨੂੰ ਤੁਰੰਤ ਪਿੰਡ ਅਦਲੀਵਾਲ ਪਹੁੰਚਣ ਦੇ ਹੁਕਮਅੰਮ੍ਰਿਤਸਰ `ਚ ਨਿਰੰਕਾਰੀ ਭਵਨ ਉੱਤੇ ਹਮਲਾ, ਡੀ.ਜੀ.ਪੀ. ਨੇ ਅੱਤਵਾਦੀ ਹਮਲਾ ਕਿਹਾਵੈਨਕੂਵਰ ਵਿੱਚ ਮਹਿਸੂਸ ਕੀਤੇ ਗਏ ਭੂਚਾਲ ਦੇ ਤਿੰਨ ਝਟਕੇ ਅੰਮ੍ਰਿਤਸਰ ਸ਼ਹਿਰ `ਚ ਵੱਡਾ ਰੇਲ ਹਾਦਸਾ, ਦੁਸਹਿਰਾ ਦੇਖਣ ਆਏ ਲੋਕਾਂ ਉੱਤੇ ਚੜ੍ਹੀ ਟ੍ਰੇਨ , ਕਰੀਬ 50 ਦੀ ਮੌਤ ਦਾ ਸ਼ੱਕ
ਮਨੋਰੰਜਨ

ਖੁਦ ਨੂੰ ਪਰੂਵ ਕਰਨਾ ਹੈ : ਯਾਮੀ ਗੌਤਮ

January 09, 2019 09:08 AM

ਯਾਮੀ ਗੌਤਮ ਨੇ ਆਪਣੇ ਅੱਜ ਤੱਕ ਦੇ ਕਰੀਅਰ ਵਿੱਚ ਕਈ ਤਰ੍ਹਾਂ ਦੇ ਰੋਲ ਕੀਤੇ ਹਨ, ਗੱਲ ‘ਕਾਬਿਲ’ ਦੀ ਹੋਵੇ ਜਾਂ ‘ਸਰਕਾਰ 3’ ਦੀ। ਇਸ ਤੋਂ ਇਲਾਵਾ ਉਹ ਕਈ ਤੇਲਗੂ, ਤਮਿਲ, ਕੰਨੜ, ਮਲਿਆਲਮ ਤੇ ਪੰਜਾਬੀ ਫਿਲਮਾਂ ਦੇ ਨਾਲ ‘ਐਕਸ਼ਨ ਜੈਕਸਨ’, ‘ਬਦਲਾਪੁਰ’, ‘ਸਨਮ ਰੇ’ ਵਰਗੀਆਂ ਫਿਲਮਾਂ ਵਿੱਚ ਕੰਮ ਕਰ ਚੁੱਕੀ ਹੈ। ਉਸ ਦੀ ਖਾਸੀਅਤ ਹੈ ਕਿ ਉਸ ਨੇ ਹਮੇਸ਼ਾ ਆਪਣੇ ਰੋਲ ਨੂੰ ਚੰਗੀ ਤਰ੍ਹਾਂ ਸਮਝਿਆ ਅਤੇ ਇਸ ਨੂੰ ਆਪਣਾ ਬਣਾਇਆ ਹੈ। ਆਪਣੀ ਅਗਲੀ ਫਿਲਮ ‘ਉੜੀ' ਵਿੱਚ ਵੀ ਉਹ ਇਸੇ ਤਰ੍ਹਾਂ ਕੰਮ ਕਰ ਰਹੀ ਹੈ। ਇਹੀ ਨਹੀਂ, ਅੱਜਕੱਲ੍ਹ ਉਹ ਸਿਤਾਰਿਆਂ ਨਾਲ ਭਰੀਆਂ ਫਿਲਮਾਂ ਵਿੱਚ ਕੰਮ ਕਰਨ ਲਈ ਵੀ ਤਿਆਰ ਹੈ। ਪੇਸ਼ ਹਨ ਉਸ ਨਾਲ ਹੋਈ ਗੱਲਬਾਤ ਦੇ ਮੁੱਖ ਅੰਸ਼ :
* ਫਿਲਮ ‘ਉੜੀ’ ਵਿੱਚ ਅਜਿਹਾ ਕੀ ਹੈ, ਜਿਸ ਨੂੰ ਲੈ ਕੇ ਤੁਸੀਂ ਕਾਫੀ ਕਰੇਜ਼ੀ ਹੋ?
- ਕਿਉਂਕਿ ਇਹ ਫਿਲਮ ਸਤੰਬਰ 2016 ਦੇ ਉੜੀ ਅਟੈਕ 'ਤੇ ਆਧਾਰਤ ਹੈ, ਇਸ ਲਈ ਰੀਅਲਿਸਟਿਕ ਫਿਲਮ ਬਾਰੇ ਐਕਸਾਈਟਿਡ ਹੋਣਾ ਲਾਜ਼ਮੀ ਹੈ। ਇਹ ਮੇਰੇ ਲਈ ਬਹੁਤ ਅਹਿਮ ਫਿਲਮ ਹੈ। ਅੱਜ ਤੱਕ ਮੈਂ ਜਿਸ ਤਰ੍ਹਾਂ ਦੀਆਂ ਫਿਲਮਾਂ ਕਰਦੀ ਰਹੀ ਹਾਂ, ਉਸ ਤੋਂ ਇਹ ਬਹੁਤ ਵੱਖਰੀ ਹੈ। ਇਸ ਫਿਲਮ ਦੀ ਸ਼ੂਟਿੰਗ ਤੋਂ ਛੇ ਮਹੀਨੇ ਪਹਿਲਾਂ ਤੋਂ ਮੈਂ ਇਸ ਫਿਲਮ ਦੀ ਤਿਆਰੀ ਕਰ ਰਹੀ ਹਾਂ। ਮੈਂ ਇਸ ਦੌਰਾਨ ਕਾਫੀ ਐਕਸ਼ਨ ਸੀਕੁਐਂਸ ਦੀ ਟਰੇਨਿੰਗ ਲਈ ਹੈ।
* ਇਸ ਫਿਲਮ ਵਿੱਚ ਤੁਸੀਂ ਕੀ ਕਿਰਦਾਰ ਨਿਭਾਅ ਰਹੇ ਹੋ?
-ਇਸ ਵਿੱਚ ਇੱਕ ਇੰਟੈਲੀਜੈਂਸ ਅਫਸਰ ਦਾ ਅਹਿਮ ਕਿਰਦਾਰ ਨਿਭਾਅ ਰਹੀ ਹਾਂ, ਜਦ ਕਿ ਫਿਲਮ ਵਿੱਚ ਮੇਰੇ ਆਪੋਜ਼ਿਟ ਵਿੱਕੀ ਕੌਸ਼ਲ ਹੈ। ਫਿਲਮ ਵਿੱਚ ਪਰੇਸ਼ ਰਾਵਲ ਦੇ ਹਿੱਸੇ ਵਿੱਚ ਅਜੀਤ ਡੋਭਾਲ ਦੀ ਭੂਮਿਕਾ ਹੈ। ਇਸ ਦੀ ਕਾਫੀ ਸ਼ੂਟਿੰਗ ਅਸਲ ਜਗ੍ਹਾ ਉੱਤੇ ਵੀ ਹੋਈ ਹੈ।
* ਤੁਹਾਡੀ ਪਿਛਲੀ ਫਿਲਮ ‘ਬੱਤੀ ਗੁੱਲ ਮੀਟਰ ਚਾਲੂ’ ਮਲਟੀਸਟਾਰਰ ਹੋਣ 'ਤੇ ਵੀ ਖਾਸ ਨਹੀਂ ਚੱਲੀ। ਕੀ ਕਹੋਗੇ?
- ਮਲਟੀਸਟਾਰਰ ਫਿਲਮਾਂ ਵਿੱਚ ਕੀ ਖਰਾਬੀ ਹੈ। ਜੇ ਕਿਸੇ ਫਿਲਮ ਵਿੱਚ ਮੇਰੇ ਨਾਲ ਕੋਈ ਕੋ-ਸਟਾਰ ਹੈ ਤਾਂ ਮੇਰਾ ਖਿਆਲ ਹੈ ਕਿ ਇਹ ਮੇਰੇ ਲਈ ਫਾਇਦੇ ਦੀ ਗੱਲ ਹੈ। ਮੇਰੀ ਜ਼ਿੰਮੇਵਾਰੀ ਥੋੜ੍ਹੀ ਘੱਟ ਹੋ ਜਾਂਦੀ ਹੈ। ਮੈਨੂੰ ਹੋਰ ਵੱਧ ਬਿਹਤਰ ਕਰਨ ਦਾ ਉਤਸ਼ਾਹ ਮਿਲਦਾ ਹੈ। ਇਹ ਜ਼ਰੂਰੀ ਨਹੀਂ ਕਿ ਮੈਨੂੰ ਹਰ ਫਿਲਮ ਸੋਲੋ ਹੀਰੋਇਨ ਵਾਲੀ ਮਿਲੇ। ਮੇਰਾ ਰੋਲ ਦਮਦਾਰ ਹੈ ਤਾਂ ਮੈਂ ਅਜਿਹੀ ਹਰ ਮਲਟੀਸਟਾਰਰ ਫਿਲਮ ਕਰ ਸਕਦੀ ਹਾਂ। ਫਿਰ ਸ਼ਰਧਾ ਕਪੂਰ ਵਰਗੀ ਕੋ-ਸਟਾਰ ਨਾਲ ਕੌਣ ਕੰਮ ਨਹੀਂ ਕਰਨਾ ਚਾਹੇਗਾ। ਜਿੱਥੋਂ ਤੱਕ ਫਿਲਮ ਦਾ ਸਵਾਲ ਹੈ, ਤਾਂ ਇਹ ਫਲਾਪ ਬਿਲਕੁਲ ਨਹੀਂ ਹੈ।
* ‘ਕਾਬਿਲ’ ਦੀ ਸਫਲਤਾ ਤੋਂ ਬਾਅਦ ਵੀ ਤੁਹਾਡੇ ਹਿੱਸੇ 'ਚ ਜ਼ਿਆਦਾ ਕੰਮ ਨਹੀਂ ਆਇਆ। ਕੀ ਕਹੋਗੇ?
- ਇਸ ਵਿੱਚ ਸ਼ੱਕ ਨਹੀਂ ਕਿ ‘ਕਾਬਿਲ’ ਇੱਕ ਵੱਡੀ ਹਿੱਟ ਸੀ, ਪਰ ਮੈਂ ਇਸ ਫਿਲਮ ਦੀ ਸਫਲਤਾ ਨੂੰ ਕਾਹਲੀ ਵਿੱਚ ਕੈਸ਼ ਨਹੀਂ ਕਰਨਾ ਚਾਹੁੰਦੀ ਸੀ। ਇਸ ਲਈ ਮੈਂ ਉਡੀਕ ਕੀਤੀ। ਇਸੇ ਕਾਰਨ ‘ਉੜੀ' ਅਤੇ ‘ਬੱਤੀ ਗੁੱਲ ਮੀਟਰ ਚਾਲੂ’ ਆਦਿ ਕਈ ਚੰਗੀਆਂ ਫਿਲਮਾਂ ਮੇਰੇ ਹਿੱਸੇ ਆਈਆਂ। ਮੈਂ ਕਹਿ ਸਕਦੀ ਹਾਂ ਕਿ ‘ਕਾਬਿਲ' ਵਰਗੀ ਵੱਡੀ ਫਿਲਮ ਵਿੱਚ ਕੰਮ ਕਰਨ ਨਾਲ ਮੇਰਾ ਰਸਤਾ ਕਾਫੀ ਸੌਖਾ ਹੋ ਗਿਆ ਹੈ। ਫਿਰ ਵੀ ਮੇਰਾ ਮੰਨਣਾ ਹੈ ਕਿ ਮੈਂ ਅਜੇ ਆਪਣੇ ਆਪ ਨੂੰ ਸਿੱਧ ਕਰਨਾ ਹੈ।
* ਤਾਂ ਕੀ ਖੁਦ ਨੂੰ ਪਰੂਵ ਕਰਨ ਲਈ ਹੀ ਖੇਤਰੀ ਫਿਲਮਾਂ ਵਿੱਚ ਕੰਮ ਕਰ ਰਹੇ ਹੋ?
- ਮੈਂ ਸਿਰਫ ਚੰਗੀਆਂ ਫਿਲਮਾਂ ਵਿੱਚ ਕੰਮ ਕਰਨਾ ਚਾਹੁੰਦੀ ਹਾਂ, ਚਾਹੇ ਭਾਸ਼ਾ ਕੋਈ ਵੀ ਹੋਵੇ। ਇਹੀ ਕਾਰਨ ਹੈ ਕਿ ਚੰਗੀਆਂ ਰੀਜਨਲ ਫਿਲਮਾਂ ਨੂੰ ਵੀ ਪੂਰੀ ਤਵੱਜੋਂ ਦਿੱਤੀ ਹੈ। ਕੰਨੜ, ਤਮਿਲ, ਤੇਲਗੂ, ਮਲਿਆਲਮ, ਪੰਜਾਬੀ ਦੀਆਂ ਫਿਲਮਾਂ ਨੇ ਮੇਰਾ ਉਤਸ਼ਾਹ ਕਾਫੀ ਵਧਾਇਆ ਹੈ। ਦੱਸ ਦਿਆਂ ਕਿ ਤਮਿਲ ਅਤੇ ਤੇਲਗੂ ਦੀਆਂ ਮੇਰੀਆਂ ਕਈ ਫਿਲਮਾਂ ਵੱਡੀਆਂ ਹਿੱਟ ਸਨ, ਮੈਂ ਫਿਰ ਵੀ ਉਥੋਂ ਦੀਆਂ ਬਹੁਤ ਹੀ ਚੋਣਵੀਆਂ ਫਿਲਮਾਂ ਵਿੱਚ ਕੰਮ ਕੀਤਾ ਹੈ, ਪਰ ਇਹ ਵੀ ਸੱਚ ਹੈ ਕਿ ਅੱਜਕੱਲ੍ਹ ਹਿੰਦੀ ਫਿਲਮਾਂ ਮੇਰੀ ਪਹਿਲ ਹਨ।
* ਤੁਹਾਡੇ ਲਈ ਬਾਕਸ ਆਫਿਸ ਦੀ ਸਫਲਤਾ ਕੀ ਮਾਇਨੇ ਰੱਖਦੀ ਹੈ?
- ਮੈਨੂੰ ਸਿਰਫ ਫਿਲਮੀ ਸਫਲਤਾ ਨਹੀਂ ਚਾਹੀਦੀ। ਅਸਲ 'ਚ ਆਪਣੀਆਂ ਫਿਲਮਾਂ ਦਾ ਸਫਲ ਹੋਣਾ ਤਾਂ ਸਾਰਿਆਂ ਨੂੰ ਖੁਸ਼ੀ ਦਿੰਦਾ ਹੈ, ਪਰ ਮੈਨੂੰ ਇਸ ਦੇ ਨਾਲ ਨਾਲ ਇੱਕ ਕਲਾਕਾਰ ਵਜੋਂ ਸਨਮਾਨ ਵੀ ਚਾਹੀਦਾ ਹੈ।

Have something to say? Post your comment