ਗਵਾਲੀਅਰ, 1 ਮਾਰਚ, (ਪੋਸਟ ਬਿਊਰੋ)- ਇਸ ਜਿ਼ਲੇ ਵਿੱਚ ਇੱਕ ਆਰਟੀਆਈ (ਸੂਚਨਾ ਅਧਿਕਾਰ) ਵਰਕਰ ਨਾਲ ਅਣਮਨੁੱਖੀ ਜ਼ੁਲਮ ਦੀਆਂ ਹੱਦਾਂ ਪਾਰ ਕਰ ਦਿੱਤੀਆਂ ਗਈਆਂ ਹਨ। ਪੰਚਾਇਤ ਸੈਕਟਰੀ ਤੇ ਸਰਪੰਚ ਦੇ ਪਤੀ ਸਮੇਤ ਕੁਝ ਲੋਕਾਂ ਨੇ ਇਸ ਦਲਿਤ ਵਰਕਰ ਦੀ ਜੁੱਤੀਆਂ ਨਾਲ ਕੁੱਟਮਾਰ ਕੀਤੀ ਅਤੇ ਜੁੱਤੀ ਵਿੱਚ ਪੇਸ਼ਾਬ ਭਰ ਕੇ ਉਸ ਪਿਆ ਦਿੱਤਾ।ਕੁੱਟਮਾਰ ਨਾਲ ਬੁਰੀ ਤਰ੍ਹਾਂ ਜ਼ਖਮੀ ਵਰਕਰ ਗੰਭੀਰ ਹਾਲਤ ਵਿੱਚਦਿੱਲੀ ਦੇ ਏਮਜ਼ ਹਸਪਤਾਲ ਵਿੱਚ ਦਾਖਲ ਹੈ। ਪੁਲੀਸ ਨੇ ਇਸ ਬਾਰੇ ਦੋਸ਼ੀਆਂ ਦੇ ਖਿਲਾਫ ਵੱਖ-ਵੱਖ ਧਾਰਾਵਾਂ ਦਾ ਕੇਸ ਦਰਜ ਕਰ ਲਿਆ ਹੈ।
ਪਤਾ ਲੱਗਾ ਹੈ ਕਿ ਸ਼ਸ਼ੀਕਾਂਤ ਜਾਟਵ ਨਾਂਅ ਦੇ 33 ਸਾਲਾ ਆਰ ਟੀ ਆਈ ਵਰਕਰ ਨੇ ਬਾਰ੍ਹੀ ਪਿੰਡ ਦੀ ਪੰਚਾਇਤ ਨੂੰ ਅਰਜ਼ੀ ਦੇ ਕੇ ਕੁਝਸੂਚਨਾ ਮੰਗੀ ਸੀ। ਆਰਟੀਆਈ ਲਾਗੂ ਹੁੰਦੇ ਸਾਰ ਬਾਰ੍ਹੀ ਦੀ ਸਰਪੰਚ ਦੇ ਪਤੀ ਅਤੇ ਉਸ ਪਿੰਡ ਦੇ ਪੰਚਾਇਤ ਸੈਕਟਰੀ ਨੇ 23 ਫਰਵਰੀ ਨੂੰ ਸ਼ਸ਼ੀਕਾਂਤ ਨੂੰ ਗ੍ਰਾਮ ਪੰਚਾਇਤ ਦਫ਼ਤਰ ਸੱਦਿਆ ਤੇ ਕਮਰੇ ਵਿਚ ਬੰਦ ਕਰ ਕੇ ਕਈ ਲੋਕਾਂ ਨੇ ਉਸ ਦੀ ਬੇਰਹਿਮੀ ਨਾਲ ਕੁੱਟਮਾਰ ਕੀਤੀ ਤੇ ਜਾਤੀ ਸੂਚਕ ਗਾਲਾਂ ਕੱਢੀਆਂ। ਸ਼ਸ਼ੀਕਾਂਤ ਦੀ ਪਤਨੀ ਨੇ ਦੱਸਿਆ ਕਿ ਕੁੱਟਮਾਰ ਦੌਰਾਨ ਦੋਸ਼ੀਆਂ ਨੇ ਸ਼ਸ਼ੀਕਾਂਤ ਨੂੰ ਜੁੱਤੀ ਵਿੱਚਪਿਸ਼ਾਬਭਰ ਕੇ ਸ਼ਸ਼ੀਕਾਂਤ ਨੂੰ ਪਿਆਇਆ।ਇਸ ਕੁੱਟਮਾਰ ਵਿੱਚ ਜ਼ਖਮੀ ਹੋਣ ਪਿੱਛੋਂ ਸ਼ਸ਼ੀਕਾਂਤ ਨੂੰ ਗਵਾਲੀਅਰ ਦੇ ਹਸਪਤਾਲਭਰਤੀ ਕਰਵਾਇਆ ਗਿਆ, ਪਰ ਸਥਿਤੀ ਗੰਭੀਰ ਹੋਣ ਉੱਤੇ ਉਸ ਨੂੰ ਦਿੱਲੀ ਦੇ ਏਮਜ਼ ਵਿੱਚਸਿ਼ਫਟ ਕਰਨਾ ਪਿਆ।