Welcome to Canadian Punjabi Post
Follow us on

24

March 2019
ਅੰਤਰਰਾਸ਼ਟਰੀ

ਵਕੀਲ ਨੇ ਧੋਖੇ ਨਾਲ ਪੰਜਾਬੀ ਮੁਟਿਆਰ ਦਾ ਤਲਾਕ ਕਰਵਾ ਦਿੱਤਾ

January 07, 2019 07:19 AM

ਸਿਡਨੀ, 6 ਜਨਵਰੀ (ਪੋਸਟ ਬਿਊਰੋ)- ਆਸਟਰੇਲੀਆ ਵਿੱਚ ਪਹੁੰਚੀ ਹੋਈ ਇੱਕ ਪੰਜਾਬੀ ਮੁਟਿਆਰ ਦਾ ਅਰਜ਼ੀ ਦਿੱਤੇ ਬਿਨਾਂ ਹੀ ਆਪਣੇ ਪਤੀ ਨਾਲ ਤਲਾਕ ਹੋ ਗਿਆ। ਇੱਕ ਪੰਜਾਬੀ ਵਕੀਲ ਨੇ ਖੁਦ ਨੂੰ ਉਸ ਦਾ ਵਕੀਲ ਦੱਸ ਕੇ ਤਲਾਕ ਕਰਵਾ ਦਿੱਤਾ। ਕੁੜੀ ਦਾ ਦਾਅਵਾ ਹੈ ਕਿ ਉਹ ਕਦੇ ਕਿਸੇ ਵਕੀਲ ਨੂੰ ਨਹੀਂ ਮਿਲੀ, ਤਲਾਕ ਦੌ ਅਰਜ਼ੀ ਅਤੇ ਦਸਤਖਤ ਅਤੇ ਫੀਸ ਵੀ ਅਦਾ ਨਹੀਂ ਕੀਤੀ। ਉਸ ਨੂੰ ਤਲਾਕਨਾਮਾ ਅਸਮਾਨੋਂ ਡਿੱਗੀ ਬਿਜਲੀ ਵਾਂਗ ਲੱਗਾ ਹੈ।
ਇਸ ਬਾਰੇ ਪੀੜਤ ਲੜਕੀ ਨੂੰ ਕਾਨੂੰਨੀ ਢੰਗ ਰਾਹੀਂ ਪਤਾ ਲੱਗਾ ਕਿ ਉਸ ਦਾ ਤਲਾਕ ਕਦੋਂ, ਕਿੱਥੇ ਤੇ ਕਿਵੇਂ ਹੋਇਆ ਹੈ। ਵਕੀਲ ਵੱਲੋਂ ਗਵਾਹੀ ਵਜੋਂ ਵਿਆਹੁਤਾ ਦੇ ਤਲਾਕ ਕਾਗਜ਼ਾਂ ਉਤੇ ਜੋ ਦਸਤਖਤ ਦਿਖਾਏ ਗਏ, ਉਸ ਨੂੰ ਹੈਂਡਰਾਈਟਿੰਗ ਐਂਡ ਫਿੰਗਰਪ੍ਰਿੰਟ ਮਾਹਰ ਨੇ ਜਾਅਲੀ ਦੱਸਿਆ ਹੈ। ਪੀੜਤ ਨੇ ਵਕੀਲ ਵਿਰੁੱਧ ਲੀਗਲ ਸਰਵਿਸਿਜ਼ ਕਮਿਸ਼ਨਰ ਨੂੰ ਅਰਜ਼ੀ ਦਿੱਤੀ ਹੈ। ਇਸ ਕੰਮ ਵਿੱਚ ਪੀੜਤਾ ਨੇ ਆਪਣੇ ਪਤੀ ਤੇ ਵਕੀਲ ਦੀ ਮਿਲੀਭੁਗਤ ਦੱਸੀ ਤੇ ਦੋਵਾਂ ਨੂੰ ਸਜ਼ਾ ਦੇਣ ਦੀ ਅਪੀਲ ਕੀਤੀ ਹੈ। ਇਸ ਲੜਕੀ ਨੇ ਆਪਣੇ ਜੀਵਨ ਨਾਲ ਇਸ ਖਿਲਵਾੜ ਵਿਰੁੱਧ ਆਸਟਰੇਲੀਆ ਤੇ ਪੰਜਾਬ ਪੁਲਸ ਕੋਲ ਪਹੁੰਚ ਕੀਤੀ ਹੈ। ਆਸਰਟੇਲੀਅਨ ਇਮੀਗਰੇਸ਼ਨ ਨੇ ਪੀੜਤਾ ਨੂੰ ਪ੍ਰੋਟੈਕਸ਼ਨ ਵੀਜ਼ਾ ਦੇ ਦਿੱਤਾ ਹੈ।
ਪੀੜਤ ਲੜਕੀ ਨੇ ਦੱਸਿਆ ਕਿ ਮੁਹਾਲੀ ਦੇ ਨੌਜਵਾਨ ਨੇ ਖੁਦ ਨੂੰ ਬੀ ਟੈਕ ਅਤੇ ਮਕੈਨੀਕਲ ਇੰਜੀਨੀਅਰ ਦੱਸ ਕੇ ਅਤੇ ਉਸ ਕੋਲ ਆਸਟਰੇਲੀਆ ਦਾ ਪੱਕਾ ਵੀਜ਼ੇ ਦੀ ਗੱਲ ਕਹਿ ਕੇ ਉਸ ਨਾਲ ਵਿਆਹ ਕਰਾਇਆ ਸੀ ਤੇ ਲੁਧਿਆਣਾ ਵਿੱਚ 24 ਮਾਰਚ 2011 ਨੂੰ ਵਿਆਹ ਮੌਕੇ ਉਸ ਦੇ ਪਰਵਾਰ ਨੇ ਕਰੀਬ 30 ਲੱਖ ਰੁਪਏ ਨਾਲ ਲੜਕੇ ਪਰਵਾਰ ਦੀ ਮੰਗ ਪੂਰੀ ਕੀਤੀ ਸੀ। ਲੜਕੇ ਨੇ ਅਗਸਤ ਵਿੱਚ ਉਸ ਨੂੰ ਪਤਨੀ ਵਜੋਂ ਸਪਾਂਸਰਸ਼ਿਪ ਭੇਜ ਕੇ ਆਸਟਰੇਲੀਆ ਸੱਦਿਆ ਤੇ ਏਥੇ ਆ ਕੇ ਲੜਕੇ ਦਾ ਪੱਕਾ ਨਾ ਹੋਣਾ ਕਲੇਸ਼ ਦਾ ਕਾਰਨ ਬਣਿਆ। ਆਸਟਰੇਲੀਆ ਵਿੱਚ ਕਾਰੋਬਾਰ ਖੋਲ੍ਹ ਕੇ ਪੱਕੇ ਹੋਣ ਲਈ 24 ਲੱਖ ਰੁਪਏ ਹੋਰ ਮੰਗੇ। ਇਨਕਾਰ ਕਰਨ ਉੱਤੇ ਉਸ ਨੇ ਆਪਣੀ ਪਤਨੀ ਨੂੰ ਪ੍ਰੇਸ਼ਾਨ ਕਰਨਾ ਤੇ ਕੁੱਟਣਾ ਸ਼ੁਰੂ ਕਰ ਦਿੱਤਾ ਤੇ ਇੱਕ ਰਾਤ ਘਰੋਂ ਕੱਢ ਦਿੱਤਾ। ਉਹ ਮਦਦ ਲਈ ਆਪਣੀ ਸਹੇਲੀ ਕੋਲ ਗਈ ਤਾਂ ਮਗਰੋਂ ਉਸ ਦੇ ਪਤੀ ਨੇ ਘਰ ਬਦਲ ਲਿਆ।

Have something to say? Post your comment
ਹੋਰ ਅੰਤਰਰਾਸ਼ਟਰੀ ਖ਼ਬਰਾਂ
ਇਟਲੀ ਦੀਆਂ ਪ੍ਰਵਾਸੀ ਵਿਰੋਧੀ ਨੀਤੀਆਂ ਤੋਂ ਖਿਝੇ ਬੰਦੇ ਨੇ ਸਕੂਲ ਬੱਸ ਨੂੰ ਅੱਗ ਲਾਈ
ਚੀਨ ਦੇ ਕੈਮੀਕਲ ਪਲਾਂਟ ਵਿੱਚ ਧਮਾਕੇ ਨਾਲ 47 ਮੌਤਾਂ
ਥੈਰੇਸਾ ਮੇਅ ਨੂੰ ਬ੍ਰੈਗਜ਼ਿਟ ਲਈ 22 ਮਈ ਤਕ ਮੋਹਲਤਮਿਲੀ
ਬ੍ਰਿਟੇਨ ਦੀਆਂ 5 ਮਸਜਿਦਾਂ ਵਿੱਚ ਭੰਨਤੋੜ, ਪੁਲਸ ਵੱਲੋਂ ਜਾਂਚ ਸ਼ੁਰੂ
ਬ੍ਰੈਗਜਿ਼ਟ ਲਈ ਬ੍ਰਿਟੇਨ ਨੂੰ ਯੂਰਪੀਅਨ ਯੂਨੀਅਨ ਨੇ ਦਿੱਤੀ ਥੋੜ੍ਹੀ ਹੋਰ ਮੋਹਲਤ
ਬ੍ਰਿਟੇਨ ਨੇ ਬ੍ਰੈਗਜ਼ਿਟ ਡੀਲ 30 ਜੂਨ ਤੱਕ ਟਾਲ ਦੇਣ ਲਈ ਯੂਰਪੀ ਯੂਨੀਅਨ ਨੂੰ ਅਪੀਲ ਕੀਤੀ
ਚੀਨ ਦੇ ਬੈਲਟ ਐਂਡ ਰੋਡ ਫੋਰਮ ਵਿੱਚ ਭਾਰਤ ਹਿੱਸਾ ਨਹੀਂ ਲਵੇਗਾ
ਕੰਗਾਲ ਹੋਇਆ ਪਾਕਿ ਸਰਕਾਰੀ ਜਾਇਦਾਦ ਵੇਚ ਕੇ ਕਰਜ਼ਾ ਲਾਹੁਣ ਦੇ ਯਤਨ ਕਰੇਗਾ
ਇਸ਼ਤਿਹਾਰਾਂ ਵਿੱਚ ਪੱਖਪਾਤ ਕਾਰਨ ਗੂਗਲ ਨੂੰ 1.49 ਡਾਲਰ ਦਾ ਜੁਰਮਾਨਾ
ਅਮਰੀਕਾ ਵਿੱਚ ਭਾਰਤੀ ਮੂਲ ਦੀ ਨੇਓਮੀ ਰਾਓ ਨੇ ਅਹੁਦੇ ਦੀ ਚੁੱਕੀ ਸਹੁੰ