ਬ੍ਰਿਟਿਸ਼ ਕੋਲੰਬੀਆ, 26 ਜਨਵਰੀ (ਪੋਸਟ ਬਿਊਰੋ) : ਰਿਚਮੰਡ, ਬੀਸੀ ਦੇ ਇੱਕ ਡੂਪਲੈਕਸ ਵਿੱਚ ਚੱਲੀ ਗੋਲੀ ਕਾਰਨ ਚਾਰ ਵਿਅਕਤੀਆਂ ਦੀ ਮੌਤ ਹੋ ਗਈ। ਮਾਮਲੇ ਦੀ ਜਾਂਚ ਲਈ ਹੋਮੀਸਾਈਡ ਜਾਂਚਕਾਰਾਂ ਨੂੰ ਸੱਦਿਆ ਗਿਆ।
ਐਲਡਰਬ੍ਰਿੱਜ ਵੇਅ ਦੇ ਉੱਤਰ ਵੱਲ ਗਾਰਡਨ ਸਿਟੀ ਰੋਡ ਉੱਤੇ ਸਥਿਤ ਡੂਪਲੈਕਸ ਵਿੱਚ ਇਹ ਘਟਨਾ ਮੰਗਲਵਾਰ ਰਾਤੀਂ ਵਾਪਰੀ।ਅਧਿਕਾਰੀਆਂ ਵੱਲੋਂ ਮੌਕਾ ਏ ਵਾਰਦਾਤ ਦਾ ਕਈ ਘੰਟਿਆਂ ਤੱਕ ਮੁਆਇਨਾ ਕੀਤਾ ਗਿਆ ਤੇ ਇਸ ਸੜਕ ਨੂੰ ਬੰਦ ਰੱਖਿਆ ਗਿਆ।ਜਾਂਚਕਾਰਾਂ ਨੇ ਆਖਿਆ ਕਿ ਘਰ ਵਿੱਚ ਚਾਰ ਵਿਅਕਤੀ ਮ੍ਰਿਤਕ ਪਾਏ ਗਏ ਤੇ ਜ਼ਾਹਰਾ ਤੌਰ ਉੱਤੇ ਉਨ੍ਹਾਂ ਨੂੰ ਗੋਲੀ ਮਾਰੀ ਗਈ ਸੀ। ਅਧਿਕਾਰੀਆਂ ਨੇ ਇਹ ਵੀ ਆਖਿਆ ਕਿ ਇਹ ਸੂ਼ਟਿੰਗ ਲੋਅਰ ਮੇਨਲੈਂਡ ਝਗੜੇ ਨਾਲ ਸਬੰਧਤ ਨਜ਼ਰ ਨਹੀਂ ਸੀ ਆ ਰਹੀ।
ਇਹ ਵੀ ਮੰਨਿਆ ਜਾ ਰਿਹਾ ਹੈ ਕਿ ਸਾਰੇ ਮ੍ਰਿਤਕ ਇੱਕ ਦੂਜੇ ਨੂੰ ਜਾਣਦੇ ਸਨ ਪਰ ਉਨ੍ਹਾਂ ਦੀ ਪਛਾਣ ਅਜੇ ਤੱਕ ਜ਼ਾਹਿਰ ਨਹੀਂ ਕੀਤੀ ਗਈ। ਪੁਲਿਸ ਨੇ ਦੱਸਿਆ ਕਿ ਬੀਸੀ ਕੌਰੋਨਰ ਸਰਵਿਸ ਦੇ ਨਾਲ ਉਹ ਬੁੱਧਵਾਰ ਨੂੰ ਬਹੁਤਾ ਸਮਾਂ ਘਟਨਾ ਵਾਲੀ ਥਾਂ ਉੱਤੇ ਹੀ ਰਹੇ।